AtuartigukPinerlulluni aalisarneq akiorniarneqarpoq
Nassiussisuuvoq: Aalisarnermut Piniarnermullu Naalakkersuisoqarfik
Pinerlulluni aalisarneq akiorniarlugu ataatsimiittoqarmat Aalisarnermut Piniarnermullu Naalakkersuisoq peqataavoq
Aalisarnermut Piniarnermullu Naalakkersuisoq Karl Tobiassen ataatsimeersuarnermut “Blue Justice Conference 2023” Københavnimi marsip 23-anni 2023-mi peqataavoq. Ataatsimeersuarneq Norgemit suleqataanillu aaqqissuunneqarpoq.
Ataatsimeersuarnermi anguniagaq tassaavoq:
Ilisimasanik avitseqatigiinneq pioreersunillu nutaaliornissaq, aamma anguniakkat pillugit tamaviaarluni erseqqissaanissaq kiisalu nunat suleqatigisat isumassarsiorfiginissaat, kiisalu pinerlulluni aalisarnerup akiornissaa.
Ataatsimeersuarnermi nunat sinniisuutitaqartut ministeriisa inersuarmi isummatik oqaatigisarpaat, peqataanngitsullu videokkut oqaaseqartarlutik.
Blue Justice suliniaqatigiiffiuvoq nunanit 54-inik ilaasortaaffigineqartoq, suliniaqatigiiffinnit assigiinngitsunit aamma nunanit assigiinngitsunit, killeqarfiit akimorlugit ilaasortaaffigineqartoq. Ilaasortat ataatsimoorlutik anguniagaat tassaavoq pinerlulluni aalisarnerup akiorneqarnissaa.
Ataatsimeersuarneq naammassimmat nunat arfinillit nutaat nalunaarummut isumaqataallutik ilaasortanngorput, taamaalillutik nunat nalunaarummut isumaqataallutik ilaasortaasut 60-iulerput.
“Pinerluttuliorluni aalisartarnerup pisanillu aningaasarsiutigalugit tuniniaasarnerup piujuaannarnissaanut Kalaallit Nunaata akiuiniarnermut peqataanissaa pingaarutilerujussuuvoq.” Aalisarnermut Piniarnermullu Naalakkersuisoq Karl Tobiassen oqarpoq, erseqqissaallunilu: “Taamaattumik nunatsinni aalisarnermi nakkutilliineq nalunaarutit maleruagassallu tunngavigalugit qulakkeersimajuarnissaa pingaaruteqarpoq, ingammik nakkutilliinerup pitsaassusaata attattuarnissaa aamma pingaaruteqarluni.”
Attavigineqarsinnaavoq
Aalisarnermut Piniarnermullu Naalakkersuisoqarfik apn@nanoq.gl