AtuartigukPiginnittuunermut politikki nutaaq pillugu politikkikkut isumaqatigiissuteqarneq
Nassiussisuuvoq: Naalakkersuisut Siulittaasuata Naalakkersuisoqarfia
Naalakkersuisut aamma Inatsisartuni partiit aktiaatileqatigiiffinnut Namminersorlutik Oqartussanit pigineqartunut piginnittuunermut politikkimik nutaamik politikkikkut isumaqatigiissutissaq naammassillugu isumaqatiginninniutigereerpaat.
Isumaqatiginninniarnerit 2022-mi septembarimi aallartipput, maannakkullu Inuit Ataqatigiit, Siumut, Demokraatit aamma Atassutip akornanni atituumik politikkikkut isumaqatigiissuteqarnermik inerneqarlutik.
Naalakkersuisut Siulittaasuat Múte Bourup Egede siunertaa pillugu oqaaseqarpoq:
”Piginnittuunermut politikkip nutarterneqarnissaa pisariaqartinneqartoq, piffissami sivitsulersumi ersarissisimavoq. Ukiorpassuarni attanneqarsinnaasumik aktiaatileqatigiiffiutitta ersarissunik sinaakkutissinneqarnissaat kissaatigilluinnarsimavara. Kina pissaanermik tigumminninnersoq apeqqutaalluni piginnittuunermut politikkip allanngorartinnginnissaa, atituumik isumaqatigiilluni qulakkeerneqarsinnaavoq, taamatullu aalajaatsumik inissisimanissaq ingerlatseqatigiiffiutitta inuiaqatigiillu pisariaqartippaat.
Ajoraluartumik ukiorpassuarni isumaqatigiinnissap sulissutiginissaa politikkikkut ileqqorisimanngilarput. Politikkikkut aalajangiinerit sivisuumik attanneqarsinnaalersinniarlugit tamatuma allanngortinnissaa uagut naalakkersuisooqatigiinni kissaatigisimavarput. Suleqatigiilluta isumaqatigiinnissap sulissutigineqartarnerata misilittagaqarfigilernissaa qilanaaraara.”
Múte Bourup Egede Inatsisartuni partiinut isumaqatiginninniarnerit pillugu nangippoq:
”Isumaqatiginninniarnerit pitsaasuullutillu pilersitsiviulluarsimapput. Partiit piumassuseqarlutik kajumissuseqarlutillu, ataatsimoorluni pitsaasumik angusaqarnissamut, taamaaliornermilu allanngortitsinissamut, suliassami akuusimapput. Isumaqatigiissuteqarnermi suleqataasut nuannerluinnartumik suliap ingerlasimaneranut qutsavigerusuppakka.”
Killissaliussanut isumaqatigiissut uani atuaruk.
Paasissutissanik annertunerusunik piniarnermi Naalakkersuisut Siulittaasuata Naalakkersuisoqarfiani Naalakkersuisup allattaa attaveqarfigineqassaaq uani allatsit@nanoq.gl.
Killissaliussanut isumaqatigiissut pillugu tunngaviusunut paasissutissanik piniarnermi attaveqarfigineqassaaq Ingerlatseqatigiiffinnut Allattoqarfimmi immikkoortortaqarfimmut pisortaq Jonas Smed Sørensen uani jnss@nanoq.gl
Isumaqatiginninniarnerit 2022-mi septembarimi aallartipput, maannakkullu Inuit Ataqatigiit, Siumut, Demokraatit aamma Atassutip akornanni atituumik politikkikkut isumaqatigiissuteqarnermik inerneqarlutik.
Naalakkersuisut Siulittaasuat Múte Bourup Egede siunertaa pillugu oqaaseqarpoq:
”Piginnittuunermut politikkip nutarterneqarnissaa pisariaqartinneqartoq, piffissami sivitsulersumi ersarissisimavoq. Ukiorpassuarni attanneqarsinnaasumik aktiaatileqatigiiffiutitta ersarissunik sinaakkutissinneqarnissaat kissaatigilluinnarsimavara. Kina pissaanermik tigumminninnersoq apeqqutaalluni piginnittuunermut politikkip allanngorartinnginnissaa, atituumik isumaqatigiilluni qulakkeerneqarsinnaavoq, taamatullu aalajaatsumik inissisimanissaq ingerlatseqatigiiffiutitta inuiaqatigiillu pisariaqartippaat.
Ajoraluartumik ukiorpassuarni isumaqatigiinnissap sulissutiginissaa politikkikkut ileqqorisimanngilarput. Politikkikkut aalajangiinerit sivisuumik attanneqarsinnaalersinniarlugit tamatuma allanngortinnissaa uagut naalakkersuisooqatigiinni kissaatigisimavarput. Suleqatigiilluta isumaqatigiinnissap sulissutigineqartarnerata misilittagaqarfigilernissaa qilanaaraara.”
Múte Bourup Egede Inatsisartuni partiinut isumaqatiginninniarnerit pillugu nangippoq:
”Isumaqatiginninniarnerit pitsaasuullutillu pilersitsiviulluarsimapput. Partiit piumassuseqarlutik kajumissuseqarlutillu, ataatsimoorluni pitsaasumik angusaqarnissamut, taamaaliornermilu allanngortitsinissamut, suliassami akuusimapput. Isumaqatigiissuteqarnermi suleqataasut nuannerluinnartumik suliap ingerlasimaneranut qutsavigerusuppakka.”
Killissaliussanut isumaqatigiissut uani atuaruk.
Paasissutissanik annertunerusunik piniarnermi Naalakkersuisut Siulittaasuata Naalakkersuisoqarfiani Naalakkersuisup allattaa attaveqarfigineqassaaq uani allatsit@nanoq.gl.
Killissaliussanut isumaqatigiissut pillugu tunngaviusunut paasissutissanik piniarnermi attaveqarfigineqassaaq Ingerlatseqatigiiffinnut Allattoqarfimmi immikkoortortaqarfimmut pisortaq Jonas Smed Sørensen uani jnss@nanoq.gl