Kapisilik meqqilik pisarigukku meqqiata nassiunnissaa eqqaamassavat

NASCO (North Atlantic Salmon Conservation Organisation) kapisilimmik meqqilimmik pisaqartoq, taassumalu meqqiinik nassiussisoq aningaasartalimmik ukiut tamaasa akissarsisitsisarpoq.

Aalisartillutit kapisilimmik meqqilimmik pisaqaruit, meqqia normulik (qaavatigut imaluunniit nerpiatigut normulikkamik) kajumissaarneqarputit taanna Pinngortitaleriffimmut nassiutissagit, nassiussisoq aningaasanik makitsinermut peqataassaaq, makitaasoq £1.000-1.500 (8.000-12.500 koruuninik) akissarsisinneqassalluni.

Kapisilimmut meqqiliunneqartoq tassaavoq plastikki normulik, taannalu suminngaanniit nassiussaanersoq allassimavoq. Meqqi biologimit ikkussaavoq kapisilimmillu avalatitsisuulluni. Kapisillip ingerlaarfia malinnaavigineqarsinnaavoq.

Kapisillit meqqii assigiinngitsorpassuupput elektroniskiusinnaallutik, ilaat kapisillit aqajaruaniissinnaallutik.

Paasissutissat atorneqassammata meqqi meqqiliisunut utertinneqartarpoq, ilisimatusarnerminnut atussammassuk. Kapisilinnut meqqiliunneqartut suulluunniit makitsinermut atorneqarsinnaapput.

Kapisilimmik meqqilimmik pisaqarsimaguit meqqimilluunniit ilisivimmiittuuteqaruit inussiarnersumik qinnuigaatsigit taanna Pinngortitariffimmut nassiutissagakku. Pinngortitaleriffiup meqqimik paasissutissat ingerlateqqissavai.
Kajumissaassavatsigit mobilinnik meqqip saava tunualu assilissagakkit, allassimasut atuaruminassallutik. Taama iliussaatit meqqip nassiutinnginnerani. Asseq meqqimik piginnittutut uppernarsaatitullu atorneqassaaq, meqqi tammaraluarpat asseq aamma uppernarsaatitut atorneqarsinnaalluni.

Apeqqutissaqaruit asseq digitaliusoq Pinngortitaleriffimmut aamma nassiussinnaavat. Makitsinermut 2023-mi peqataaniaruit meqqi kingusinnerpaamik apriilip 15-ianni 2023-mi tiguneqareersimassaaq.

Meqqit nassiunnissaat, tunniunissaat, piffissamut aalajangersimasumut killiligaanngillat, taamaattumik meqqit ukiut arlallit matuma siorna siumorneqarsimasut aamma nassiunneqarsinnaapput.

Meqqi allakkatut nassiussinnaavat imaluunniit asseq atuaruminartumik nalunaaqutserneqarsimasoq uunga nassiunneqarsinnaavoq:

www.natur.gl

Pinngortitaleriffik
Greenland Institute of Natural Resources
Kivioq 2, PO Box 570
3900 Nuuk

Eqqaamassavat nassiussisutut paasissutissat ilanngutissagakkit.

Annerusumik paasisaqarusukkuit uunga attaviginnissaatit: Aalisarnermut Piniarnermullu Naalakkersuisoqarfik: apn@nanoq.gl

Meqqit nerpiata iluaniittartut

Meqqit timaaniittartut