AtuartigukNunaGreen A/S-ip Namminersorlutik Oqartussat sinnerlugit erngup nukinga pillugu suliniutini sanaartornerit isumagissavai
Nassiussisuuvoq: Nunalerinermut, Imminut Pilersornermut, Nukissiutinut Avatangiisinullu Naalakkersuisoqarfik
Naalakkersuisuniit nunatsinni nukissiamik mingutsitsinngitsumik pilersuinerup ineriartortinneqarnissaa siunnerfeqartumik suliniutigineqarpoq. Suliamut tassunga ilaatigut erngup nukinganik innaallagissiorfimmik nutaamik, Aasiannut Qasigiannguanullu pilersuisussamik sananissaq, aamma Nuummi Utoqqarmiut Kangerluarsunnguanni erngup nukinganik innaallagissiorfiup allineqarnissaa, 2021-mi Inatsisartut ukiakkut ataatsimiinnerminni akuerisaat ilaatinneqarput.
Naalakkersuisuniit sanaartugassanut taarsigassarsinissaq sulissutigineqarpoq. Aningaasalersuinissamut isumaqatigiissut pitsaanerpaaq anguneqassappat, tunngavissat arlallit naammassineqartussaapput. Tamatumani ilaatigut aningaasaliissutit isumaqatigiissusiornermi qulakkeerneqartussat Nunap Karsiani sulianit immikkoortinneqarnissaat piumasaqaatigineqarpoq. Tamatumunnga taarsiullugu aningaasalersuisarfinnut immikkut ittunut toqqaannartumik isumaqatigiissusiortoqassaaq.
Tamanna pissutigalugu Naalakkersuisut aalajangiipput, NunaGreen A/S-ip, Namminersorlutik Oqartussanit pigineqartup erngup nukinganut suliani sanaartugassanut taarsigassarsiniarneq sanaartornerlu isumagissagai. Taarsigassarsinikkut aningaasalersuinissamut isumaqatigiissummik pitsaanerpaamik angusaqarnissaq siunnerfigalugu taamaaliortoqassaaq.
Nukissiorfinniit Utoqqarmiut Kangerluarsunnguanni sanaartornerit ingerlanerini, aammalu alliliinerup naammassinerani erngup nukinganik innaallagissiorfiup ingerlanneqarneranut akisussaaffik tigummiinnarneqassaaq. Aamma Nukissiorfiit erngup nukinganik innaallagissiorfiup nutaap, Aasiannut Qasigiannguanullu pilersuisussap ingerlanneqarnera isumagissavaa.
Nukissiorfiit ukiuni kingullerni 30-ni Kalaallit Nunaanni erngup nukinganik innaallagissiorfinnik sanaartornermik ingerlatsinermillu nalilerneqarsinnaanngitsunik misilittagaqarput ilisimasaqarlutillu. Nukissiorfiit piginnaaneqarfii Utoqqarmiut Kangerluarsunnguanni erngup nukinganik innaallagissiorfiup allineqarnerani aamma Aasiaat Qasigiannguillu eqqaanni erngup nukinganik innaallagissiorfiup sananeqarnerani – aammalu Kalaallit Nunaanni erngup nukinganik isumalluuteqarfinnik, kiisalu mingutsitsinngitsunik allannguiniarnerni tamani piviusunngortitsiniarnerni – pingaarutilittut suli inissisimassapput.
Annertunerusumik paasisaqarusunnermi Nunalerinermut, Imminut Pilersornermut, Nukissiutinut Avatangiisinullu Naalakkersuisoqarfimmi pisortaaneq Natuk Lund Olsen 34 64 76-imut imaluunniit pan@nanoq.gl aqqutigalugu attaveqarfigineqassaaq.
Naalakkersuisuniit sanaartugassanut taarsigassarsinissaq sulissutigineqarpoq. Aningaasalersuinissamut isumaqatigiissut pitsaanerpaaq anguneqassappat, tunngavissat arlallit naammassineqartussaapput. Tamatumani ilaatigut aningaasaliissutit isumaqatigiissusiornermi qulakkeerneqartussat Nunap Karsiani sulianit immikkoortinneqarnissaat piumasaqaatigineqarpoq. Tamatumunnga taarsiullugu aningaasalersuisarfinnut immikkut ittunut toqqaannartumik isumaqatigiissusiortoqassaaq.
Tamanna pissutigalugu Naalakkersuisut aalajangiipput, NunaGreen A/S-ip, Namminersorlutik Oqartussanit pigineqartup erngup nukinganut suliani sanaartugassanut taarsigassarsiniarneq sanaartornerlu isumagissagai. Taarsigassarsinikkut aningaasalersuinissamut isumaqatigiissummik pitsaanerpaamik angusaqarnissaq siunnerfigalugu taamaaliortoqassaaq.
Nukissiorfinniit Utoqqarmiut Kangerluarsunnguanni sanaartornerit ingerlanerini, aammalu alliliinerup naammassinerani erngup nukinganik innaallagissiorfiup ingerlanneqarneranut akisussaaffik tigummiinnarneqassaaq. Aamma Nukissiorfiit erngup nukinganik innaallagissiorfiup nutaap, Aasiannut Qasigiannguanullu pilersuisussap ingerlanneqarnera isumagissavaa.
Nukissiorfiit ukiuni kingullerni 30-ni Kalaallit Nunaanni erngup nukinganik innaallagissiorfinnik sanaartornermik ingerlatsinermillu nalilerneqarsinnaanngitsunik misilittagaqarput ilisimasaqarlutillu. Nukissiorfiit piginnaaneqarfii Utoqqarmiut Kangerluarsunnguanni erngup nukinganik innaallagissiorfiup allineqarnerani aamma Aasiaat Qasigiannguillu eqqaanni erngup nukinganik innaallagissiorfiup sananeqarnerani – aammalu Kalaallit Nunaanni erngup nukinganik isumalluuteqarfinnik, kiisalu mingutsitsinngitsunik allannguiniarnerni tamani piviusunngortitsiniarnerni – pingaarutilittut suli inissisimassapput.
Annertunerusumik paasisaqarusunnermi Nunalerinermut, Imminut Pilersornermut, Nukissiutinut Avatangiisinullu Naalakkersuisoqarfimmi pisortaaneq Natuk Lund Olsen 34 64 76-imut imaluunniit pan@nanoq.gl aqqutigalugu attaveqarfigineqassaaq.