Misiligutitut suliniut: Ilulissani Qaanaamilu qimminut nakorsaataasiviit peqqinnissaqarfimmit isumagineqartut

Qimminut qimuttunut nakorsaatit atorlugit katsorsaasarnerit Namminersorlutik Oqartussanit siunissami akisussaaffigineqarnissaat Naalakkersuisut akuerisaraat. Taamaammat uumasut nakorsaat Uumasut Nakorsaqarfia Inuussutissalerinermullu Oqartussaaffimmi suliffiup nalaani katsorsaatinik siunissami tunniussisinnaapput, nakorsaatillu nakorsaataasivimmut qaninnerpaamut aaneqarsinnaassapput.

Uumasut Nakorsaqarfia Inuussutissalerinermullu Oqartussaaffik Kalaallit Nunaanni Peqqinnissaqarfik suleqatigalugu misiligutaasumik suliniut qaammatinik 12-inik sivisussuseqartussaq aallarnisarpaat, peqqinnissaqarfinnit nakorsaatit tunniunneqarsinnaassallutik. Nakorsaatinik tunniussisinnaasut tassaapput Ilulissani Peqqinnissaqarfik Avannaani qitiusumik napparsimmavik aamma Qaanaami peqqissaavik. Misiligutaasumik suliniut ataavartumik nalilersorneqartassaaq, nakorsaataasiviillu qimminik qimuttoqarfinni peqqissaavinnut napparsimmavinnullu amerlanernut kingusinnerusukkut siaruaassinnaanissaat neriuutaavoq.

Nakorsaataasiviit qimmit qimuttut nappaataannut ulorianannginnerusunut nakorsaatinik toqqortaateqassapput, soorlu qimmit qumaannut, nipaallisaatit aamma bakteriamit aseruuttoornernut nakorsaatit.

Qimmimut nakorsaatit qanoq pineqartarpat?
Qimmilimmik oqaloqateqarneq tunngavigalugu uumasut nakorsaat assit videolu atorlugit nappaatip suussusianik paasinnissinnaavoq, nappaammullu pineqartumut nakorsaatinik atoqqusilluni. Nakorsaatit taamaallaat atoqquneqassapput, qimmip pisariaqartitsinera naapertorlugu.

Uumasut nakorsaat nappaatip suussusianik paasinnissalluni misissuinermini najuutartussaanngimmat pingaaruteqarluinnarpoq uumasut nakorsaat ikiussagakku, taamaattumik qimmimi takusinnaasatit aamma malugisinnaasatit paasinninnissaminut pisariaqartilluinnarpai.
Nakorsaataasiviit qimminut qimuttunut taamaallaat atugassiaapput.

Uumasut nakorsaannik attaveqaatikkut oqaloqateqarneq:

1. Qimmit misissorneqartussat tamarmik chip-eqartussaapput, qimmillu pillugit nalunaarsuivimmi UumaReg-imi nalunaarsugaassallutik.
   a. Qimmivit chipnormua kommunimi pisinnaavat.
2. Uumasut nakorsaata paasissutissat uku pisariaqartippai:
   a. Kinaavit sumilu najugaqarpit?
   b. Qimmeq qanoq ittoq pineqarpa? (Chipnormua, suiaassusia, ukiui qangalu napparsimalersimanersoq - oqaluttuassartaa)
   c. Qimmip suna nappaatigaa? Qanoq sivisutigisumik?
   d. Qimmeq pisarnermisut nerisarpaa?
   e. Pissusilersornera allanngorpaa?
   f. Qimmit allat nappaatip assinganik ersiuteqarpat ajoqusersimappalluunniit?
3. Paasissutissat pingaarutillit uumasut nakorsaannut nassiutikkit, ilanngussinnaavatillu qimmip assinga videoluunniit.

Nappaat uumasut nakorsaannit paasineqartillugu:

1. Nakorsaatinut akiligassamik nassinneqassaatit, aamma taakku qanoq akilerneqassanersut ilisimatinneqassaatit
   a. Mobilepay imaluunniit aningaaserivikkut nuussinikkut (ingerlaannartumik nuussinikkut).
2. Nakorsaat akilerneqassaaq.
   Nakorsaatinut allagartaq (nakorsaat akilereerpat) mailikkut nassiunneqassaaq.
3. Allagartaq anisinneqassaaq, peqqinnissaqarfimmilu sulisunut tunniunneqassalluni.
   a. Apotekip, nakorsaataasiviup ammasarfii malinneqassapput!
4. Nakorsaat tunniunneqassaaq, uumasut nakorsaata innersuussinera tunngavigalu tunniunneqassalluni.

Nakorsaaseereernerup kingorna qimmeq suli napparsimappat, taava:

• Uumasut nakorsaat attavigineqaqqissaaq.

Nakorsaataasivimmit nakorsaammik aallertoqarsinnaanngippat:
Nakorsaataasivimmit nakorsaammik aallertoqarsinnaanngippat, Nuummi Donnas Dyreklinik attavigineqarsinnaasuassaaq, nakorsaammik innuttaasunut nassiussinissaminut periarfissaqarluni.

Nakorsaatip akia:
Nakorsaammut aningaasartuutigineqartut innuttaasup akilissavai, nakorsaatip akia matumani akilerneqarluni, aamma nakorsaatissap allagartalerneranut akitsuut aningaasarpassuarnik naleqanngitsoq, nakorsaatip nassiunnerata akeqqataa.

Uumasut nakorsaat qanoq attavigineqarsinnaappat?
E-mail: uumasut@nanoq.gl
Oqarasuaat: +299 345000 (uumasut nakorsaat attavigineqarniassapput)
Oqarasuaat: +299 544848

Paasissutissat allat:
Ilulissani innuttaasunik Hotel Ilulissat-mi februaarip 7-ianni nalunaaqutaq 19.00 – 21.00 ataatsimiisitsisoqassaaq, aamma Qaanaami innuttaasunik Qaanaap Atuarfiata inersuani februaarip 13-ianni nal. 14.00-16.00 ataatsimiisitsisoqassaaq. Illoqarfinni pineqartuni innuttaasunik ataatsimiitsitsisoqareerpat nakorsaataasiiviit ammarneqassapput.

Sukumiinerusumik paasisaqarusukkaanni Uumasut Nakorsaqarfia Inuussutissalerinermullu Oqartussaaffik saaffigineqarsinnaavoq, e-mail: uumasut@nanoq.gl