AtuartigukAvannaani Tunumilu piniartut ukiumoortumik bonusisiassaannik siumoortumik tunniussineq.
Nassiussisuuvoq: Nunanut Allanut, Inuussutissarsiornermut Niuernermullu Naalakkersuisoqarfik
Naalakkersuisut aalajangerput unammillernartumik pisoq iliuuseqarfigiumallugu Great Greenlandimit piniartut ukiumoortumik bonusisiassat juullertinnagu siusinaartumik immikkut ittumik tunniunneqassasut.
Upernavimmi Qaanaamilu nunaqarfiinilu kiisalu Tunu tamakkerlugu piniartut bonusisiassaat siumoortumik tunniunneqassapput, massakkullu tunniunneqaleruttorlutik. Sumiiffinni taaneqartuni piniartut 200-nik amerlanerusut naatsorsuutigissavaat, bonusisiassaat kontoinut piaartumik ikineqassasut.
Nunap sinnerani piniartut tunisineq kingulleq naammassinneqarpat bonusisiassaat tunniunneqassapput.
“Pissutsit nunatta avannaani kangianilu ilungersunartut tunngavigalugit Great Greenlandimit bonusisiassat immikkut ittumik siumoortumik tunniunneqartussanngorput Naalakkersuisuni periarfissat tamaasa qulaarlugit iluaqutaasinnaasut ujartorpavut. Agguagarsiassanilli juulli sioqqullugu tunniussineq Qanortoq ilaqutariinnut pineqartunut iluaqutaagili” Taamak oqarpoq Vivian Motzfeldt, Nunanut Allanut, Inuussutissarsiornermut Niuernermullu Naalakkersuisoq.
Annertunerusumik paasisaqarusunnermi Nunanut Allanut, Inuussutissarsiornermut Niuernermullu Naalakkersuisoqarfik mailimut uunga attavigineqassaaq: isiin@nanoq.gl