Sinerissap qanittuani aalisakkat 2023-mut pisassiissutigineqartut aalajangerneqarput

Qalerallit
Aqutsiveqarfik 47
Aqutsiveqarfik 47-mut Qeqertarsuup Tunuani aamma Upernavimmi qaleralittassatut siunnersuutigineqartut 20 procentinik amerlariarput. Uummannami allannguuteqan-ngillat. Qaleralittassat ukioq kingullertut amerlatigipput. Qeqertarsuup Tunuani, Uum-mannami aamma Upernavimmi qaleralittassiissutigineqartut umiatsiaararsortunut aali-sariutinullu, 6 meterinik anginernut, agguarneqassapput. Umiatsiaaqqat kvartalimut, qaammatinut pingasunut, 2023-mi qaleralittassinneqartassapput. Umiatsiaaqqanut, aalisariutinut aamma qaammatinut pingasunut pisassiissutigineqartartut aalisarneqar-tarsimaneri sapaatip akunneri tamaasa saqqummiunneqartassapput, nittartakkami gflk.gl -imi.

Nunatta ilaani
Aqutsiveqarfinnut Nuuk aamma Paamiut-Qaqortoq qaleralittassiissutit siunnersuu-tigineqartunut naapertusarlugit ingerlateqqinneqassapput, aqutsiveqarfimmut Nuummut aappaagu qaleralittassiissutigineqartut 160 tonsinik ikilineqassapput, aqutsiveqarfimmut Paamiut-Qaqortumut 99 tonsit. 2023-mut qaleralittassiinerni nutaatut oqaatigineqarsinnaasoq tassaavoq Tunumut qaleralittassiisoqarmat. Tunu siornatigut qaleralittassinneqarneq ajorpoq, killeqanngi-tsumik aalisarsinnaallutik. Tunumut qaleralittassiisoqarpoq avataani qaleralinniarner-mi aqutsinermut pilersaarut nutaaq naapertorlugu. Pilersaarut januaarip aallaqqaa-taani 2023-mi atuutilissaaq. Aqutsinermut pilersaarummi soorlu allassimasoqartoq sinerissamut qanittumut pisassiissutigineqartut avataanut pisassiissutinit pissasut, qalerallit pineqartut qaleraleqatigiittut isigineqarmata.

Saarulliit
Saarulliit qanoq amerlatigisut pisarineqarnissaannut siunnersuutigineqartartut 2019-imit ikiliartorput. Saarullittassiissutigineqartut nunatsinnut tamarmut 17.000 tonsiunis-saat aalajangerneqarpoq, 2022-mut sanilliullugit 4.000 tonsinik ikinnerullutik. Aalajangiisoqarpoq pisassiissutigineqartartut siunnersuutigineqartunut ukiuni agger-suni naapertusarneqassasut. Aamma aalajangerneqarpoq sunngiffimmi aalisartunut pisassiissutaasunit 1.000 tonsit tunitsivinnut tunineqarsinnaasunngorlugit pisassiissutaassasut.

Nipisat
Kitaani nipisannik arnavissanik aalisarneq aqutsinermut pilersaarut naapertorlugu aalisartoqartarpoq, taanna tunngavigalugu pisassiissutit siunnersuutigineqartunut naapertuuttarlutik. Aalajangerneqarpoq pisassiissutit 1475,3 tonsiussasut, siunner-suutigineqartut amerlaqataattut. 2022-mitut amerlatigipput. Pisassiissutigineqartut aqutsiveqarfinni arfineq marluusuni aalisarneqartussatut agguaanneqassapput, aqutsinermut pilersaarut naapertorlugu agguarneqassallutik.

Saattuat
Saattuarniarnermut aqutsiveqarfinnut tallimanut siunnersuisoqartarpoq. Siunnersui-nerit allannguuteqarneq ajorput amerlisinnaallutilluunniit. Kitaani saattuarniarnermi aqutsinermut pilersaarut naapertorlugu aalisartoqartarpoq, aalajangersimasarluni sumiiffiit immikkoortut 1-ip aamma 2-p siunnersuinerit naapertorlugit pisassinneqas-sasut, Pinngortitaleriffiup innersuussutai – siunnersuutai. Sumiiffiit immikkoortoq 3-miittut naleqqussakkanik pisassinneqartarput, 2022-mi allannguuteqanngitsut. 2022-mut pisassiissutigineqartut ataatsimut 548 tonsinik ilaneqarput.

Uiluit nunatta sineriaa tamakkerlugu 2.520 tonsit pisassiissutaapput. 2022-mi pisas-siissutigineqartut amerlatigaat. Aqutsiveqarfinnut agguaanneqarneri 2022-mitut pis-saaq. 2023-mi immap naqqa illersorniarlugu Kalaallit Nunaanni sumiiffinni allani uilu-inniartoqassanngitsoq.

Sinerissap qanittuani aalisagartassat assigiinngitsut pillugit TAC-at Naalakkersuisut.gl-imi atuarneqarsinnaapput.

Sukumiinerusumik paasisaqarusukkaanni immikkoortortaqarfimmi pisortaq Aalisarnermut Piniarnermullu Naalakkersuisoqarfimmut saaffiginnittoqarsinnaavoq, e-mail: apn@nanoq.gl