AtuartigukInunnut innarluutilinnut suliassaqarfimmi suliamut piginnaanngorsaanissaq periusissami nutaami qitiutinneqarpoq
Nassiussisuuvoq: Meeqqanut, Inuusuttunut Ilaqutariinnullu Naalakkersuisoqarfik
Naalakkersuisunit saqqummiunneqarpoq. Sulisunik ilinniartitseqqittarneq piginnaanngorsaanerlu periusissami qitiutinneqarpoq, taakku inuit innarluutillit inuunerannik pitsannguutaassapput.
Inunnut innarluutilinnut suliassaqarfimmi malunnaatilimmik kivitsinissaq Naalakkersuisunit kissaatigineqarpoq. Inunnut innarluutilinnut suliassaqarfimmi perorsaanikkut sulinermi pitsaassuseq naammattoq qulakkeerniarlugu, Naalakkersuisut periusissiaanni nutaami “Inunnut innarluutilinnut Nuna tamakkerlugu ulloq unnuarlu neqeroorutinut periusissaq 2022-2025” ulloq unnuarlu neqeroorutini sulisut ilinniarteqqillugillu piginnaanngorsarniarpaat.
”Ulloq unnuarlu neqeroorutini innuttaaqatitsinnut innarluutilinnut tunniusimallutik sullissinerannut sulisunut tamanut qujanaq. Suliatigut atortussaannik ilinniarteqqinnerisigullu sulisut sulinissaannut piareersartitsisarnitsinnut suli pitsaanerulissaagut, tamatumunngalu periusissaq sinaakkusiisuuvoq,” taama oqarpoq Meeqqanut, Inuusuttunut, Ilaqutariinnut Peqqissutsimullu Naalakkersuisoq, Mimi Karlsen.
Perorsaanermik Ilinniarfimmi immikkut perorsaariaatsimik ilinniaqqittarfimmik Naalakkersuisut pilersitsiniarlutik sulissuteqarniarput. Ilinniaqqiffik isumaginninnikkut perorsaasunut sammititaassaaq, immikkullu ilinniagalinnik sulisunik amerlanerusunik ulloq unnuarlu neqeroorutini suliassaqarfimmi pisariaqartitanik naapertuisunik ilapittuuteqassalluni.
Inunnut innarluutilinnut suliassaqarfimmi sulilerlaat tamatigungajak misilittagaqarneq ajorput annikitsuaraannarmilluunniit misilittagaqartarput. Taamaattumik sulisunut nutaanut aalajangersimasumik ilitsersuinermik ingerlatitsisalernissamik aallarniisoqassaaq. Ilitsersuinermik ingerlatitsisarneq suliatigut tunngaveqarluartuuvoq sulisullu assigiiaamik paasinninnissaannik qulakkeerinnittuulluni.
Inunnut innarluutilinnut ulloq unnuarlu neqeroorutini sulisunut ilinniagaqanngitsunut Perorsaanermik Ilinniarfik Isumaginninnermut Aqutsisoqarfik suleqatigalugu pikkorissarnernik ineriartortitsisimavoq.
Ulloq unnuarlu neqeroorutini sulisunik attassiniarneq ilinniartitseqqinnerlu Naalakkersuisunut anguniagaavoq pingaarutilik.
Assersuutigalugu suleqataasut pikkorissariaraangata pigaartunut pilersaarut matussuserniarlugu ulloq unnuarlu neqeroorutit paaqqinnittarfiillu akornanni sulisunik atukkiussisarnermik Qeqqata Kommunia misilittagaqalersimavoq. Piffissaq sivisunerusoq isigalugu sulisut piginnaanngorsaanermik naammassinnittut amerlaneruniassammata, najukkani attaveqaatit taakku annertusillugillu pigiinnarneqartariaqarput.
Nuna tamakkerlugu ulloq unnuarlu neqeroorutini pisortanik, Isumaginninnermut Aqutsisoqarfimmik, inuit innarluutillit qanigisaannullu peqatigiiffiinik kiisalu kommuninit sinniisunik oqaloqateqarnikkut ilanngussaanniillu periusissaq sananeqarpoq. Tamatuma saniatigut inunnut innarluutilinnut suliassaqarfimmut tunngatillugu saqqummersitanit ilisimalikkat attuumassusillit aamma ilaapput.
Sukumiinerusumik paasissutissat pillugit naalakkersuisup allattaa, Naja Lynge Petersen, saaffigineqarsinnaavoq, e-mailikkut: nalp@nanoq.gl imaluunniit oqarasuaatikkut: +299 34 50 00
Inunnut innarluutilinnut suliassaqarfimmi malunnaatilimmik kivitsinissaq Naalakkersuisunit kissaatigineqarpoq. Inunnut innarluutilinnut suliassaqarfimmi perorsaanikkut sulinermi pitsaassuseq naammattoq qulakkeerniarlugu, Naalakkersuisut periusissiaanni nutaami “Inunnut innarluutilinnut Nuna tamakkerlugu ulloq unnuarlu neqeroorutinut periusissaq 2022-2025” ulloq unnuarlu neqeroorutini sulisut ilinniarteqqillugillu piginnaanngorsarniarpaat.
”Ulloq unnuarlu neqeroorutini innuttaaqatitsinnut innarluutilinnut tunniusimallutik sullissinerannut sulisunut tamanut qujanaq. Suliatigut atortussaannik ilinniarteqqinnerisigullu sulisut sulinissaannut piareersartitsisarnitsinnut suli pitsaanerulissaagut, tamatumunngalu periusissaq sinaakkusiisuuvoq,” taama oqarpoq Meeqqanut, Inuusuttunut, Ilaqutariinnut Peqqissutsimullu Naalakkersuisoq, Mimi Karlsen.
Perorsaanermik Ilinniarfimmi immikkut perorsaariaatsimik ilinniaqqittarfimmik Naalakkersuisut pilersitsiniarlutik sulissuteqarniarput. Ilinniaqqiffik isumaginninnikkut perorsaasunut sammititaassaaq, immikkullu ilinniagalinnik sulisunik amerlanerusunik ulloq unnuarlu neqeroorutini suliassaqarfimmi pisariaqartitanik naapertuisunik ilapittuuteqassalluni.
Inunnut innarluutilinnut suliassaqarfimmi sulilerlaat tamatigungajak misilittagaqarneq ajorput annikitsuaraannarmilluunniit misilittagaqartarput. Taamaattumik sulisunut nutaanut aalajangersimasumik ilitsersuinermik ingerlatitsisalernissamik aallarniisoqassaaq. Ilitsersuinermik ingerlatitsisarneq suliatigut tunngaveqarluartuuvoq sulisullu assigiiaamik paasinninnissaannik qulakkeerinnittuulluni.
Inunnut innarluutilinnut ulloq unnuarlu neqeroorutini sulisunut ilinniagaqanngitsunut Perorsaanermik Ilinniarfik Isumaginninnermut Aqutsisoqarfik suleqatigalugu pikkorissarnernik ineriartortitsisimavoq.
Ulloq unnuarlu neqeroorutini sulisunik attassiniarneq ilinniartitseqqinnerlu Naalakkersuisunut anguniagaavoq pingaarutilik.
Assersuutigalugu suleqataasut pikkorissariaraangata pigaartunut pilersaarut matussuserniarlugu ulloq unnuarlu neqeroorutit paaqqinnittarfiillu akornanni sulisunik atukkiussisarnermik Qeqqata Kommunia misilittagaqalersimavoq. Piffissaq sivisunerusoq isigalugu sulisut piginnaanngorsaanermik naammassinnittut amerlaneruniassammata, najukkani attaveqaatit taakku annertusillugillu pigiinnarneqartariaqarput.
Nuna tamakkerlugu ulloq unnuarlu neqeroorutini pisortanik, Isumaginninnermut Aqutsisoqarfimmik, inuit innarluutillit qanigisaannullu peqatigiiffiinik kiisalu kommuninit sinniisunik oqaloqateqarnikkut ilanngussaanniillu periusissaq sananeqarpoq. Tamatuma saniatigut inunnut innarluutilinnut suliassaqarfimmut tunngatillugu saqqummersitanit ilisimalikkat attuumassusillit aamma ilaapput.
Sukumiinerusumik paasissutissat pillugit naalakkersuisup allattaa, Naja Lynge Petersen, saaffigineqarsinnaavoq, e-mailikkut: nalp@nanoq.gl imaluunniit oqarasuaatikkut: +299 34 50 00