Nunarsuaq tamakkerlugu FN-ip arnanut persuttaasarneq akiorniarlugu ullorititaa

Aningaasaqarnermut Naligiissitaanermullu Naalakkersuisumit, Naaja H. Nathanielsen

Ullut ilai nuannaarluta ullorsiorfigisarpavut, ullulli ilai artornarsinnaapput. Ullumi ullorsiorfik isumalunnarisarpara, kamannarisarlugu aamma eqqasuuteqarfigalugu.

Kinaluunniit persuttarneqaraluarpat aamma kinaluunniit persuttaagaluarpat persuttaaneq ajorluinnarpoq. FN-ip arnanik persuttaasarneq immikkut isigineqarniartutut ullorsiutigippagu, tassa isumaqarpoq tamanna qaqutiguunngitsoq. Arnanik persuttaasarneq aappariinnermi kamaappallaarnertut utoqqatsissutigineqarsinnaanngilaq. Tamatumani naligiinngitsumik pissaaneqarneq pineqarpoq aammalu ingerlaavartumik persuttaasarneq ukiorpaalunni pisartoq pineqarpoq.

Naalakkersuisut ullumimut tunngatillugu erseqqissumik kalerrisaaruteqarusupput:

Arnanik persuttaasarneq inuiaqatigiinnitsinnut ajoqutaavoq. Inuunernik sequtserisarpoq tamannalu kinguaariit tullernut ingerlaqqittarluni. Tamanna pissusiuvoq akueriuminaatsoq ikioqatigiillutalu unitsittariaqarlugu.

Arnat ulluinnarni persuttartittartut eqqarsaatigisarpavut. Persuttarfigitittartuit tamanna tatigisannut oqaloqatigiissutigisaruk. Piffinni pisortat attavigikkit. Ikiorneqarnissamut periarfissat arlaliupput. Qimarngueqarpoq, kommunini isumaginninnermut siunnersortitaqarpoq kiisalu ilaqutariinnut sullissivittaqarluni. Pinasuartumik inissisimaguit politiit imaluunniit Tusaannga attavigisinnaavatit.

Persuttaasartuit illit aamma ikiorneqartussaavutit. Ilinnut, aappannut meeqqannullu pillutit. Alliaq illit persuttaasartumut ikiuisussatut pilersinneqarpoq. Akisussaaffimmik tigusiniarit pissutsinillu allannguillutit.

Ataatsimoorluta manna ullorsiorfik pisariaqartikkunnaartigu.

Attavigisassaq:

Ivalu Nørreslet Rex (Aningaasaqarnermut Naligiissitaanermullu Naalakkersuisoqarfik)
Toqq 346684
irex@nanoq.gl