AtuartigukInunnut innarluutilinnut sapaatip akunneritinneqartoq 41: Ataatsimoornikkut aalanerulerneq
Nassiussisuuvoq: Meeqqanut, Inuusuttunut Ilaqutariinnullu Naalakkersuisoqarfik
Timimik aalatitsineq peqqinnartumillu ataatsimooqatigiinneq inuunermik pitsaanerulersitsisinnaapput. Taamaammat inunnut innarluutilinnut sapaatip akunneritinneqartumi 41-mi sammisaq pineqartoq ukkataralugu aaqqissuussamik pilersitsinissamut aningaasanik qinnuteqartoqarsinnaavoq.
Inunnut innarluutilinnut sapaatip akunneritinneqartumi 41-mi qulequtaq ’Inuttut innarluutilittut timimik aalatitsineq’ ukioq manna sammineqassaaq. Ataatsimoornikkut timikkut nuannersumik misigisaqarfiusumik pilersitsineq, naligiimmik atassuteqarneq, aalanerup nuannersuata misiginissaa imminullu naleqartinnerulernerup misiginissaa anguniagaapput.
”Ataatsimooqatigiinnut peqataasinnaaneq inunnut pisinnaasakinnerulersimasunut periarfissaajuaannarneq ajorpoq. Ataatsimooqatigiiffinni nutaanik attaveqalernissamut periarfissaqarfiusuni ataqatigiilerfiutitsisunilu naapeqatigiittarnissaq pingaaruteqarpoq. ”, Pissassarfik aamma Meeqqanut, Inuusuttunut, Ilaqutariinnut Peqqissutsimullu Naalakkersuisoq, Mimi Karlsen, allapput.
Timimik aalatitsinerup nappaatit inooriaatsimi aallaavillit pinaveersaartittarpai tarnikkullu nukittunerulersitsisinnaalluni. Timikkut nukittunerulernerup ilorrisimaarnerunerullu ulluinnarni suliassanik naammassisaqarnissamut ajornaannerulersitsissapput.
Aningaasanik maanna qinnuteqartoqarsinnaavoq
Nunatsinni inunnut innarluutilinnut sapaatip akunneqartitsineq sapaatip akunnerani 41-mi pissaaq. Illoqarfinni nunaqarfinnilu tamani namminneq kajumissutsiminnik suleqataasut suliniaqatigiiffiillu namminersortut kiisalu kommunit sammisaq ’Inuttut innarluutilittut timimik aalatitsineq’ ukkataralugu aaqqissuussinissaminnut aningaasanik qinnuteqarsinnaapput.
Qinnuteqarnissamut piffissaq killigitinneqartoq tassaavoq oktobarip 6-at 2022, nal. 12:00. Qinnuteqaat immersugassaq Isumaginninnermi Aqutsisoqarfiup nittartagaani nassaarineqarsinnaavoq.
Attaveqarfissaq
Paasisaqarnerorusukkuit Tuperna Kristensen e-mailikkut: tukr@nanoq.gl imaluunniit oqarasuaatikkut: +299 34 55 83 attavigisinnaavat.