AtuartigukNaalakkersuisoqarfimmi pisortaq suliunnaarpoq
Nassiussisuuvoq: Naalakkersuisut Siulittaasuata Naalakkersuisoqarfia
Ukiuni arfineq pingasuni sulereerluni, taakkunannga ukiut marluk affarlu Naalakkersuisoqarfiup pisortaatut, Ilinniartitaanermut, kultureqarnermut, Timersornermut ilageeqarnermullu Naalakkersuisoqarfiup pisortaa nammineq kissaatigisamisut atorfimminit tunuarnissani qinerpaa.
Ilinniartitaanermut, Kultureqarnermut, Timersornermut Ilageeqarnermullu Naalakkersuisoq, Peter Olsen ima oqaaseqarpoq:
”Ajuusaarutigalugu nalunaarutigissavarput, Karsten Peter Jensenip soraarniutaa tigusimagatsigu. Taamaalilluta naalakkersuisoqarfimmi pisortaq pikkorissoq ukiorpassuarni Naalakkersuisoqarfimmut sullissilluarsimasoq annaavarput. Karstenip sulilluarsimaneranut suliatigullu siunnersuilluartarsimaneranut ukiorpassuarni ingerlassimasaanut qujarusuppunga, siunissamillu pitsaanerpaamik kissaallugu.”
Karsten Peter Jensen oqaaseqarpoq:
”Aalajangerniarneq ajornaatsuinnaasimanngilaq. Inuunermi eqqortumik tulleriiaarinissaq qinertariaqarpoq. Taamaattumik qinersimavara Naalakkersuisoqarfimmi atorfinnit tunuarnissaq. Ukiuni arlalinni suleqaterpassuit suleqatiginissaat pissanganartuusimavoq nuannersuullunilu. Taakkua qulakkeerinneqataaffigisimavaat, suliartornissara nuannarisimagakku. Sulisut suleqatit aamma avataaniit suleqatit qujassutissaqarfigaakka. Ukiuni kingullerni suleqatigiilluarsimanitsinnut qujanaq”.