Kujataani ernisussanik Dronning Ingridip Napparsimavissuanut nuutsitsineq

Qaqortumi pilattaanermi piareersimasunik amigaateqarneq pissutigalugu, Kujataani ernisussat Nuummi ernisussanngorlugit neqeroorfigineqassapput.
Aaqqiissut utaqqiisaagallartumik 28. august 2022-mit januaari 2023-ip aallartinneranut aaqqiissutaavoq.

Peqqinnissaqarfimmi ernisarfiunissamut piumasaqaataavoq pilattaanermi piareersimasoqarnissaa. Pilattaanermi piareersimasut qulakkiissavaat, erniffissami, pilattaalluni ernisitsisinnaanissaq, aanaarnermik isumaginninnissaq kiisalu meeraaqqami inoorlaami allatut naatsorsuutiginngisanik isumaginninnissaq.

Piffissami sivitsortumi ilungersorluni sulisussarsiortoqaraluartoq, ajoraluartumik 2022-mi ukiakkut piffissat ilaanni, Peqqinnissaqarfik Kujataani nakorsanik qulaanilu taaneqartunik pilattaanermik piginnaasaqartunik misilittagalinnillu sulilersitsinissaq ajornarsimavoq.

Nakorsanik taaneqartunik piginnaasalinnik amigaateqartoqartillugu, Peqqinnissaqarfik Kujataata ernisarfittut pilattaanermi piareersimasoqarnissaanik aalajangiineq 2023-mi januaarip ingerlanerata tungaanut tigummisinnaassanngilaa.

Peqqinnissaqarfik ernisarnermi sullissinermi piffissaq sivikitsoq atorlugu kalerriinikkut naleqqussaasariaqalernera ajuusaarnarpoq, Mimi Karlsen oqarpoq. Ilaqutariinnut sunnerneqartunut allannguinerup toqqissisimannginnermik pilersitsisinnaanera paasisinnaangaarpara. Peqatigitillugu eqqaamassallugu pingaaruteqarpoq, erninermi piareersimasunut piumasaqaatit, erninerup nalaani ernereernermilu anaanaasup meeqqallu isumannaatsuunissaat qulakkeerniarlugu aalajangersarneqarnikuummata.

Peqqinnissaqarfik pisinnaasat tamaasa atorlugit pilattaarnermi piareersimasunik pissarsiniarluni suli sulissuteqarpoq.

Ilaqutariit sunnerneqartut tamarmik Peqqinnissaqarfimmit toqqaannartumik nalunaarfigineqassapput.

For yderligere oplysninger kontakt:

Frederik Kristiansen (Departementet for Sundhed)
Toqq/direkte 34 56 85
frek@nanoq.gl