Umiatsiaararsortunut qaleralittassiissutinik nuussisoqassaaq

Umiatsiaararsortunut qaleralittassiissutinik aqutsiveqarfimmut 47-mut nuussisoqassaaq

Aalisarnermut akuersissutinut pisassiissutinullu nalunaarut naapertorlugu aqutsive-qarfimmi 47-mi, Qeqertarsuup Tunuani, Upernavimmi aamma Uummannami, aali-sariutinut qaleralittassiissutigineqartut tamakkerlugit aalisarneqanngippata, pisat nalunaarutigineqareeraangata, umiatsiararsortunut nuunneqarlutik qaleralittas-siis-sutigineqarsinnaapput.

Aqutsiveqarfik 47-mi, Qeqertarsuup Tunuani, Upernavimmi aamma Uummannami, aalisariutinut 6 meterinik anginernik qaleralinniartunut malittarisassaq naaper-torlugu qaleralittassiissutigineqartut namminerluni pigisat tuniniarneqarsinnaap-put.

Qaleralittassiissutit nammineerluni pigisat tuniniarneqarsinnaasut atorluarnissaat qulakkeerumallugu, ukiumut pisassiissutit ukiumit ukiumut nuussinnaasunngorlugit periarfissaavoq.

Taamaalilluni qaleralinniarsinnaanermut akuersissuteqartut, pisariaqartitsisoqarpat, ukiup tullissaani pisassiissutit ilaannik novembarip 15-iata kingorna qaleralinniarsin-naapput. Aamma ukiumut pisassiissutit aalisarneqanngitsoortut ukiup tulliani juunip 30-at naallertinnagu aalisarneqarsinnaallutik.

Qalerallit juunip 30-ata kingorna aalisarneqarneqarsimanngitsut ukiup siuliani pisassanut utertin-neqassapput. Periuserineqartoq nuussineqartut pineqartarpoq.
Aalisarnermut akuersissutit pisassiissutillu pillugit nalunaarut januaarip aallaqqaataa-ni 2021-mi atu-lertoq naapertorlugu Naalakkersuisut periarfissarilerpaat aalisariutit ukiumut pisassaat tamakkerlu-git aalisarneqarsimanngippata agguaateqqissinnaa-llugit.

Naalakkersuisut aalisarneqarsimanngitsut umiatsiararsortunut nuussinnaavaat, tamanna pisat nalunaarutigineqareerpata pisinnaalluni. Pisariaqartitsisoqarpat Naalakkersuisut aamma aalajangersin-naapput, taakku aalisariutinit aalisarneqarsin-naassasut.

Aalisarneqanngitsuukkanik umiatsiaaqqanut nuussineq
Aqutsiveqarfimmi 47-mi aalisariutinut nuussat naatsorneqaqqammerput pisassallu aalisarneqarsi-manngitsut 3.662 tonsit 2021-mut utertinneqarlutik nuunneqarput.

Naalakkersuisut aqutsiveqarfimmi 47-mi umiatsiaararsortunut ima amerlatigisunik aggustip 18-ianni 2022-mi nuussipput:

Qeqertarsuup Tunuani: 2.029 tonsit
Upernavimmi: 702 tonsit
Uummannami: 100 tonsit

Qalerallit qaammatinut pingasukkuutaarlugit, kvartalinut, pisassiissutaasarmata, kvatalit pingajuanni sisamaannilu pisassiissutigineqartut kisitsisinngorlugit atuar-neqarsinnaapput.

Tabeli 1: Aqutsiveqarfik 47 – Qeqertarsuup Tunua

Tabeli 2: Aqutsiveqarfik 47 - Upernavik

Tabeli 3: Aqutsiveqarfik 47 - Uummannaq

Pisassiissutinit sinneruttut sillimmataassapput.
2022-mi pisassiissutinik ilasisoqaqqittoqassanngilaq.

Sukumiinerusumik paasisaqarusukkaanni immikkoortortaqarfimmi pisortaq Aalisarnermut Piniarnermullu Naalakkersuisoqarfimmut saaffiginnittoqarsinnaavoq, e-mail: apn@nanoq.gl