AtuartigukNaalakkersuisoqarfimmi pisortaq atorfinitseqqinneqarpoq
Nassiussisuuvoq: Naalakkersuisut Siulittaasuata Naalakkersuisoqarfia
Naalakkersuisut 52-inik ukiulik Nikolai S. Christensen Aningaasaqarnermut Naligiissitaanermullu Naalakkersuisoqarfimmi pisortatut sulinerata sivitsornissaa isumaqatigiissutigaat. Nikolai S. Christensen Namminersornerullutik Oqartussani/Namminersorlutik Oqartussani ukiuni 21-ni atorfinni assigiinngitsuni atorfeqarsimavoq. Ukiuni kingullerni arfineq marlunni Naalakkersuisoqarfimmi pisortatut sulisimavoq.
”Nikolai S. Christensenip suliassani nalunngilluinnarpai susassaqarfinilu aamma ilisimalluarlugu. Ukiorpassuarni atorfigisimasamini misilittagaqarluarpoq inuiaqatigiinnilu pissutsinik aamma ilisimasaqarluarluni. Atorfimmi taamak ittumi piginnaasat taakku pisariaqarluinnarput, pisortaqarfiit allat politikkikkullu sullitassat eqqortumik ingerlanneqartussaammata. Suleqatiginissaa qilanaaraara,” Aningaasaqarnermut Naligiissitaanermullu Naalakkersuisoq Naaja Nathanielsen oqarpoq.