AtuartigukMúte Royal Artic Line pulaarpaa
Nassiussisuuvoq: Naalakkersuisut Siulittaasuata Naalakkersuisoqarfia
Naalakkersuisut Siulitaasuata Múte Bourup Egedep siulersuisuni siulittaasoq Paaviaaraq Heilmann aamma pisortaaneq Verner Hammeken tallimanngornermi 19. august ilisimatitseqatigiinnertut ataatsimeeqatigai. Ingerlatseqatigiifiit Namminersorlutik Oqartussanit pigineqartut ataatsimeeqatigisarnissaanni ataatsimiinnerit una siullersaraat, Naalakkersuisullu angusaqarluarusussuseqarnermik piginnittuunissamik periuseqarnissamik anguniagaannik aallaaveqarluni.
Múte Bourup Egede: “Ingerlatseqatigiiffiutitsinnik ilisimatitseqatigiinnertut ataatsimeeqateqarnissaq pingaartitaraara. Ingerlatseqatigiiffinnik avitseqateqartarnissaq periarfissatsialaavoq taamaalilluni inuiaqatigiit ineriartortinneqarnissaannut Naalakkersuisooqatigiit anguniagaat ilisimimaneqarnerulersarmata.”
Royal Arctic Line 1992-imi pilersinneqarpoq Namminersorlutillu Oqartussanit tamakkiisumik pigineqarluni.
“Royal Arctic Line-imi pisortat oqaloqatiginerat pitsaasumik ingerlavoq. Ataatsimiinneq ingerlatseqatigiiffiutitsinnik ataatsimeeqateqartarnissat siullersaraat. Ingerlatseqatigiiffiup periusissiaa siunissamullu tunngatillugu takorluugai ataatsimiinnermi eqqartorneqarput, eqqatorneqartullu ukiup tulliani ataatsimeersuarnissap tungaanut illinertut atorneqassapput, ingerlatseqatigiiffinnullu tunngatillugu ukiuni aggersuni suliassatsinnut tunngavittut atorneqassallutik”, Múte Bourup Egede taamak oqarpoq.
Annertunerusumik paasisaqarusunnermi Naalakkersuisut Siulittaasuata Naalakkersuisoqarfia uunga govsec@nanoq.gl.