AtuartigukNaalakkersuisoq betoniliorfimmut pulaartoq
Nassiussisuuvoq: Ineqarnermut Attaveqaasersuutinuullu Naalakkersuisoqarfik
Ulluni makkunani Ineqarnermut Attaveqaasersuutinullu Naalakkersuisoq Erik Jensen Sisimiuniippoq, ilaatigullu suliffeqarfinnut pulaarsimalluni.
Sisimiumiinnermini umiarsualivimmut alakkaavoq Royal Arctic Linep umiarsualivimmi pisortaa Solvej Møller peqatigalugu. Aamma Qeqqata Kommuniani borgemester Malik Berthelsen ataatsimeeqatigivaa ilaatigut Kangerlussuaq pillugu killiffik eqqartorneqarluni.
Tallimanngornermi Erik Jensen BJ Entreprisemut ilaatigut betoniliortarfiusumut pulaarpoq.
"Sulisut qanoq inissialiassanut betoniliortarnersut takullugu tupinnaqaaq. Sanaartornermi sunniuteqarluartuuvoq sivisuumillu atasinnaalluni. Assut torraavoq", Erik Jensen betoniliortarfimmut pulaareerluni oqarpoq.
BJ Entreprise assigiinngitsunik suliaqartarpoq, soorlu sanaartugassanik suliassat, isaterinerit, aputaajaanerit il.il. Maannakkut suliffeqarfik kollegianik sanaartorpoq.