Filmiliornermut tapiissuteqartarneq pillugu Namminersorlutik Oqartussat nalunaarutissaattut siunnersuummik tusarniaaneq
Tusarniaanerup suunera:Namminersorlutik Oqartussat nalunaarutaat
Saqqummiunneqarpoq:07-07-2026 13:42
Tusarniaanermi killigititaq:04-08-2026 16:00
Tusarniaanermi akissutit nassiunneqassapput::iktin@nanoq.gl
Filmiliornermut tapiissuteqartarneq pillugu Namminersorlutik Oqartussat nalunaarutissaattut siunnersuummik tusarniaaneq
Ilanngullugu tusarniaassutigalugu nassiunneqarpoq Filmiliornermut tapiissuteqartarneq pillugu Namminersorlutik Oqartussat nalunaarutissaattut siunnersuut.
Siunnersuutinut oqaaseqaatissat Naalakkersuisoqarfiup pisortatigoortumik mailianut nassiuteqquneqarput: iktin@nanoq.glkingusinnerpaamik 7. august 2026.
Siunnersuutip tunuliaqutaa
Filmiliortarneq (filmiliornermut inatsit), aningaasatigut tapiissuteqartarneq aamma nunami allamiut filmiliornerannut utertitsisarneq pillugit Inatsisartut inatsisaanni aalajangersakkanik piginnaatitsissutinik nalunaarutissatut siunnersuut atuutilersitsisuuvoq.
Filmiliortarnermut inatsimmi § 5, imm. 2-mi aalajangersarneqarpoq Kalaallit Nunaanni Filminstitutti kalaallit filmiinik filmilioqataaffigisaannillu filmiliornermi najoqqutassiornermut, ineriartortitsinermut, tunisassiornermut, nittarsaassinermut, ussassaarinermut, takutitsinermut siammarterinermullu kiisalu Kalaallit Nunaanni filmiliortarnerup, filmiliornermik kulturip filmertitsisarnerullu siuarsarnerannut ingerlatanut allanut aningaasatigut tapiissuteqarnissamik suliassaqartoq.
Filmiliortarnermut inatsimmi § 20, imm. 1-imi aalajangersarneqarpoq Kalaallit Nunaanni Filminstitutti aningaasanut inatsimmi aningaasaliissutit matumunnga aalajangersarneqartut iluini nunami allamiut filmiliorneranni Kalaallit Nunaanni aningaasartuutaasa 25 procentiannik utertitsisinnaasoq, matumani tamatumunnga malittarisassat erseqqinnerusumik aalajangersarneqartut malillugit, § 21 takuuk. Imm. 2-mi aalajangersarneqarpoq aningaasanut inatsimmi filmiliornermut ataatsimut aningaasat annerpaaffissaannik minnerpaaffissaannillu aalajangersaasoqassasoq.
Tamatuma saniatigut filmiliortarnermut inatsimmi § 18-imi aalajangersarneqarpoq, ukiumoortumik aningaasanut inatsisini filmilianut takisuulianut, naatsulianut piviusulersaarutinullu tunisassiornermut aningaasaliissutinik immikkut ittunik kiisalu tapiissutinik allanik Kalaallit Nunaanni Filminstituttimit tunniunneqartussanik aalajangersaasoqassasoq.
Taamatuttaaq filmiliortarnermut inatsimmi naatsorsuutit kukkunersiuisarnerlu aamma utimut akiliisarneq pillugu aalajangersakkanik aalajangersaasoqarpoq. Taamaalilluni § 28-mi aalajangersarneqarpoq inatsit taannaluunniit naapertorlugu malittarisassat atuutilersinneqartut naapertorlugit tapiissutinik tigusaqartut taakku pillugit naatsorsuutinik tunniussissasut.
§ 29-mi aalajangersarneqarpoq, tapiissutit akuerineqartut tamakkiisumik ilaannakortumilluunniit uterteqquneqarsinnaasut, qinnuteqartoq eqqunngitsunik paasissutissiisimappat, tapiiffigineqarnissamut piumasaqaatit eqquutsinneqarsimanngippata imaluunniit tapiissutit siunertamut akuerineqartumut atorneqarsimanngippata.
Filmiliortarneq pillugu inatsit aalajangersakkanik piginnaatitsissutinik imaqarpoq, taakku Naalakkersuisut malittarisassanik aalajangersaanissaannut pisussaaffiliillutillu periarfissiipput. Nalunaarutissatut siunnersuutini inatsisitigut tunngavissat:
Ӥ 21. Naalakkersuisut aningaasatigut tapiissuteqartarnissaq pillugu aalajangersaassapput aamma filmiliornermi aningaasartuutaasimasunit utertitsinissaq pillugu aalajangersaasinnaallutik, tamatumunnga ilanngullugit aningaasatigut tapiissuteqarnermi siunertaq, tapiissutit annertussusaa, tunniussisarneq aamma ingerlatsineq.
Imm. 2. Imm. 1 naapertorlugu malittarisassat pisuni immikkut ittuni § 20-mi procenti aamma annerpaaffissatut minnerpaaffissatullu aalajangersarneqartut, filmiliornermut aningaasartuutit utertinneqarnissaat pillugu aningaasanut inatsimmi aalajangersarneqartut sanioqqussinnaanissaannut malittarisassanik aamma imaqarsinnaassapput."
§ 28, imm. 2: ”Naalakkersuisut naatsorsuutit pillugit malittarisassanik, tassunga ilanngullugu kukkunersiuinermut piumasaqaatinik aalajangersaasinnaapput."
§ 29, imm. 2: Naalakkersuisut tapiissutinik atorunnaarsitsinermut utimullu akilerneqarnissaannut malittarisassanik aalajangersaasinnaapput.
Nalunaarutissatut siunnersuutip imarisai pillugit oqaaseqaatit
Nalunaarut aningaasatigut tapiissutinik, Kalaallit Nunaanni Filminstituttip kalaallit filmiliaannut filmilioqataaffigisaannullu tunniussaanik aamma nunami allamiut filmiliornerannut Kalaallit Nunaanni aningaasartuutaannik utertitsisarnermik aqutsinermut atuuppoq.
Siunnersuummi kapitali 2-mi kalaallit filmiliaannut filmilioqataaffigisaannullu aningaasatigut tapiissuteqartarnermut aalajangersakkat aalajangersarneqarput. Tassunga ilaapput ingerlatat qanoq ittut aningaasatigut tapiiffigineqarsinnaanersut, tapiiffigineqarnissamut piumasaqaatit qinnuteqarnermilu piumasaqaatit.
Siunnersuummi kapitali 3-mi nunami allamiut filmiliornerannut utertitsisarnermut aalajangersakkat aalajangersarneqarput.
Tassunga ilaapput aningaasartuutit utertinneqarsinnaasut qanorlu annertutigissanersut. Siunnersuummi pisuni qanoq ittuni annerpaamik 25 procentiunissaat, tassunga ilanngullugu annerpaaffissatut aningaasanut inatsimmi aalajangersarneqartut saneqqunneqarsinnaanerannut qanorlu annertutigisumik saneqqunneqarsinnaanerannik aalajangersakkanik aalajangersaasoqarpoq (AIS 2027-mi aalajangersarneqartariaqassaaq).
Siunnersuummi tamatuma saniatigut aalajangersarneqarput utertitsinermut piumasaqaatit, tassunga ilanngullugit filmiliornerup kulturikkut teknikikkullu kalaallit filmiliortarneranni ilisimasanik ineriartortitseqataanissaa, kalaallit kulturiannik, oqaluttuarisaanerannik pinngortitaanillu ingerlatitseqqinnissaa filmiliornermullu suliassaqarfimmi najukkami sulisunik annertuumik atuisoqarnissaa. Siunnersuut tamatuma saniatigut qinnuteqarnermi periutsit utertitanillu tunniussisarneq pillugu aalajangersakkanik imaqarpoq.
Kapitalimi 4-mi naatsorsuutit, kukkunersiuisarneq kiisalu utertitat aamma tapiissutinik akuerineqartunik utimut akiliuteqartarneq pillugit aalajangersakkanik aalajangersaasoqarpoq.
Oqaaseqaatinut ilassutit
Danmarkimi, Islandimi aamma Savalimmiuni malittarisassat assingusut isumasiorfigalugit nalunaarutissatut siunnersuutit suliarineqarput. Siunnersuut Kalaallit Nunaanni Filminstitutti aamma Film.gl qanimut suleqatigalugit suliarineqarpoq. Aallaqqaammut siunnersuutit marluusimapput. Inatsisilerinermut immikkoortortap inatsisip misissornerani innersuussutigisaa tunngavigalugu siunnersuutit ataasiinnanngortillugit ataatsimoortinneqarput.
Siunnersuutinut oqaaseqaatissat Naalakkersuisoqarfiup pisortatigoortumik mailianut nassiuteqquneqarput: iktin@nanoq.glkingusinnerpaamik 7. august 2026.
Siunnersuutip tunuliaqutaa
Filmiliortarneq (filmiliornermut inatsit), aningaasatigut tapiissuteqartarneq aamma nunami allamiut filmiliornerannut utertitsisarneq pillugit Inatsisartut inatsisaanni aalajangersakkanik piginnaatitsissutinik nalunaarutissatut siunnersuut atuutilersitsisuuvoq.
Filmiliortarnermut inatsimmi § 5, imm. 2-mi aalajangersarneqarpoq Kalaallit Nunaanni Filminstitutti kalaallit filmiinik filmilioqataaffigisaannillu filmiliornermi najoqqutassiornermut, ineriartortitsinermut, tunisassiornermut, nittarsaassinermut, ussassaarinermut, takutitsinermut siammarterinermullu kiisalu Kalaallit Nunaanni filmiliortarnerup, filmiliornermik kulturip filmertitsisarnerullu siuarsarnerannut ingerlatanut allanut aningaasatigut tapiissuteqarnissamik suliassaqartoq.
Filmiliortarnermut inatsimmi § 20, imm. 1-imi aalajangersarneqarpoq Kalaallit Nunaanni Filminstitutti aningaasanut inatsimmi aningaasaliissutit matumunnga aalajangersarneqartut iluini nunami allamiut filmiliorneranni Kalaallit Nunaanni aningaasartuutaasa 25 procentiannik utertitsisinnaasoq, matumani tamatumunnga malittarisassat erseqqinnerusumik aalajangersarneqartut malillugit, § 21 takuuk. Imm. 2-mi aalajangersarneqarpoq aningaasanut inatsimmi filmiliornermut ataatsimut aningaasat annerpaaffissaannik minnerpaaffissaannillu aalajangersaasoqassasoq.
Tamatuma saniatigut filmiliortarnermut inatsimmi § 18-imi aalajangersarneqarpoq, ukiumoortumik aningaasanut inatsisini filmilianut takisuulianut, naatsulianut piviusulersaarutinullu tunisassiornermut aningaasaliissutinik immikkut ittunik kiisalu tapiissutinik allanik Kalaallit Nunaanni Filminstituttimit tunniunneqartussanik aalajangersaasoqassasoq.
Taamatuttaaq filmiliortarnermut inatsimmi naatsorsuutit kukkunersiuisarnerlu aamma utimut akiliisarneq pillugu aalajangersakkanik aalajangersaasoqarpoq. Taamaalilluni § 28-mi aalajangersarneqarpoq inatsit taannaluunniit naapertorlugu malittarisassat atuutilersinneqartut naapertorlugit tapiissutinik tigusaqartut taakku pillugit naatsorsuutinik tunniussissasut.
§ 29-mi aalajangersarneqarpoq, tapiissutit akuerineqartut tamakkiisumik ilaannakortumilluunniit uterteqquneqarsinnaasut, qinnuteqartoq eqqunngitsunik paasissutissiisimappat, tapiiffigineqarnissamut piumasaqaatit eqquutsinneqarsimanngippata imaluunniit tapiissutit siunertamut akuerineqartumut atorneqarsimanngippata.
Filmiliortarneq pillugu inatsit aalajangersakkanik piginnaatitsissutinik imaqarpoq, taakku Naalakkersuisut malittarisassanik aalajangersaanissaannut pisussaaffiliillutillu periarfissiipput. Nalunaarutissatut siunnersuutini inatsisitigut tunngavissat:
Ӥ 21. Naalakkersuisut aningaasatigut tapiissuteqartarnissaq pillugu aalajangersaassapput aamma filmiliornermi aningaasartuutaasimasunit utertitsinissaq pillugu aalajangersaasinnaallutik, tamatumunnga ilanngullugit aningaasatigut tapiissuteqarnermi siunertaq, tapiissutit annertussusaa, tunniussisarneq aamma ingerlatsineq.
Imm. 2. Imm. 1 naapertorlugu malittarisassat pisuni immikkut ittuni § 20-mi procenti aamma annerpaaffissatut minnerpaaffissatullu aalajangersarneqartut, filmiliornermut aningaasartuutit utertinneqarnissaat pillugu aningaasanut inatsimmi aalajangersarneqartut sanioqqussinnaanissaannut malittarisassanik aamma imaqarsinnaassapput."
§ 28, imm. 2: ”Naalakkersuisut naatsorsuutit pillugit malittarisassanik, tassunga ilanngullugu kukkunersiuinermut piumasaqaatinik aalajangersaasinnaapput."
§ 29, imm. 2: Naalakkersuisut tapiissutinik atorunnaarsitsinermut utimullu akilerneqarnissaannut malittarisassanik aalajangersaasinnaapput.
Nalunaarutissatut siunnersuutip imarisai pillugit oqaaseqaatit
Nalunaarut aningaasatigut tapiissutinik, Kalaallit Nunaanni Filminstituttip kalaallit filmiliaannut filmilioqataaffigisaannullu tunniussaanik aamma nunami allamiut filmiliornerannut Kalaallit Nunaanni aningaasartuutaannik utertitsisarnermik aqutsinermut atuuppoq.
Siunnersuummi kapitali 2-mi kalaallit filmiliaannut filmilioqataaffigisaannullu aningaasatigut tapiissuteqartarnermut aalajangersakkat aalajangersarneqarput. Tassunga ilaapput ingerlatat qanoq ittut aningaasatigut tapiiffigineqarsinnaanersut, tapiiffigineqarnissamut piumasaqaatit qinnuteqarnermilu piumasaqaatit.
Siunnersuummi kapitali 3-mi nunami allamiut filmiliornerannut utertitsisarnermut aalajangersakkat aalajangersarneqarput.
Tassunga ilaapput aningaasartuutit utertinneqarsinnaasut qanorlu annertutigissanersut. Siunnersuummi pisuni qanoq ittuni annerpaamik 25 procentiunissaat, tassunga ilanngullugu annerpaaffissatut aningaasanut inatsimmi aalajangersarneqartut saneqqunneqarsinnaanerannut qanorlu annertutigisumik saneqqunneqarsinnaanerannik aalajangersakkanik aalajangersaasoqarpoq (AIS 2027-mi aalajangersarneqartariaqassaaq).
Siunnersuummi tamatuma saniatigut aalajangersarneqarput utertitsinermut piumasaqaatit, tassunga ilanngullugit filmiliornerup kulturikkut teknikikkullu kalaallit filmiliortarneranni ilisimasanik ineriartortitseqataanissaa, kalaallit kulturiannik, oqaluttuarisaanerannik pinngortitaanillu ingerlatitseqqinnissaa filmiliornermullu suliassaqarfimmi najukkami sulisunik annertuumik atuisoqarnissaa. Siunnersuut tamatuma saniatigut qinnuteqarnermi periutsit utertitanillu tunniussisarneq pillugu aalajangersakkanik imaqarpoq.
Kapitalimi 4-mi naatsorsuutit, kukkunersiuisarneq kiisalu utertitat aamma tapiissutinik akuerineqartunik utimut akiliuteqartarneq pillugit aalajangersakkanik aalajangersaasoqarpoq.
Oqaaseqaatinut ilassutit
Danmarkimi, Islandimi aamma Savalimmiuni malittarisassat assingusut isumasiorfigalugit nalunaarutissatut siunnersuutit suliarineqarput. Siunnersuut Kalaallit Nunaanni Filminstitutti aamma Film.gl qanimut suleqatigalugit suliarineqarpoq. Aallaqqaammut siunnersuutit marluusimapput. Inatsisilerinermut immikkoortortap inatsisip misissornerani innersuussutigisaa tunngavigalugu siunnersuutit ataasiinnanngortillugit ataatsimoortinneqarput.