Uuma tusarniutigineqarnera: Peqqinnissaqarfiup iluani napparsimasut naammagittaalliuuteqarsinnaanerat taarsiiffigineqarsinnaanerallu atatillugu aningaasat amerlassusissaasa ilaat pillugit Namminersorlutik Oqartussat nalunaarutaat

Nammineq akiliutip meeqqamillu annaasaqarnermi ajunngitsorsiassat aningaasartaasa amerlassusissaasa nalimmassarnissaat matumani nalunaarummi matumani anguniagaavoq. Aningaasat amerlassusissaattut taaneqartut ukiut tamaasa nalimmassarneqartarput, taakkualu amerlassusissaasa naatsorsorneqarnerisa nassuiarneqarneri nalunaarummi matumani ilanngunneqanngillat.

Nammineq akiliut peqqinnissaqarfiup iluani napparsimasut naammagittaalliuuteqarsinnaanerat taarsiiffigineqarsinnaanerallu pillugit Inatsisartut inatsisaanni § 15 naapertorlugu taarsiissutissanit ilanngaatigineqartarpoq. Taanna 8.930 kr.-niit 9.360 kr.-nut qaffanneqarpoq.

Angajoqqaatut oqartussaassusillit peqqinnissaqarfiup iluani napparsimasut naammagittaalliuuteqarsinnaanerat taarsiiffigineqarsinnaanerallu pillugit Inatsisartut inatsisaanni § 16 naapertorlugu ajunngitsorsiassarsisinnaatitaapput. Taakku 198.500 kr.-niit 208.000 kr.-nut amerlineqarput. 

Naammagittaalliuuteqarsinnaanermut taarsiiffigineqarsinnaanermullu inatsit nalunaarutip matumani pineqartup atuutilersinnissaanut naapertorneqartoq uani atuarneqarsinnaavoq

Tusarniaanermi akissuteqarnissamut piffissaliussaq tassaavoq: 20. januaari 2025. 

Oqaaseqaataasinnaasut e-mailinut ukununnga nassiunneqassapput: pn@nanoq.gl taavalu mrpd@nanoq.gl