Kalaallit Nunaanni sulisilluni ajoqusersinnaanermut suliassaqarfimmut allaffissornermi 1. januar 2026-miit akigititat pillugit nalunaarutissatut missingiutit tusarniutigineqarneri
Sullivinnik Nakkutilliisoqarfiup maannangaaq nalunaarut tulliuttoq tusarniutigalugu nassiuppaa:
Kalaallit Nunaanni sulisilluni ajoqusersinnaanermut isumannaarineq pillugu inatsit malillugu allaffissornermi 1. januar 2026-imiit akigititat pillugit nalunaarut
Arbejdsmarkedets Erhvervssikringimut aamma Ankestyrelsip sulisilluni ajoqusersimanerit pillugit sulianik suliarinnittarneranut aamma namminerisamik taarsiivigineqarnissamik suliat pillugit akigititat ukiumoortumik aalajangersaavigineqartarnerat uani pineqarpoq.
Ankestyrelsip akigititai pineqartillugit, Social- aamma Boligministereqarfik (Ankestyrelsi) isumaqatigiinniarfigereerlugu, Arbejdsmarkedets Erhvervssikringimut aamma Ankestyrelsip sulisilluni ajoqusersimanerit pillugit sulianik suliarinnittarneranut akigititat, Ankestyrelsimi siulersuisut innersuussuteqarnerat malillugit, beskæftigelsesministerip akigititat nalunaarutigisarpai.
Arbejdsmarkedets Erhvervssikringimi siulersuisut innersuussutaat uani erseqqinnerusumik takuuk www.aes.dk.
Sulisilluni ajoqusernerit pillugit suliassaqarfimmi Kalaallit Nunaanni sulianut akigititat innersuussutigineqartut 2025-imi akigititat killiffiinik ingerlatitseqqinnerusut, Arbejdsmarkedets Erhvervssikringip ilisimatitsissutigisimavaa. Namminerisamik taarsiivigineqarnissaq pillugu sulianut, massakkut nammineq aningaasaatit negativiusut annikillisinneqarnissaat siunertaralugu akigititap qaffanneqarnissaa innersuussutigineqarpoq.
Suliassaqarfimmut atasumik aningaasartuutinik piviusunik akigititat matussusiinissanik tunngavik aallaavigalugu, akigititat aalajangerneqarput.
Oqaaseqaateqartoqassappat oqaaseqaatit kingusinnerpaamik 17-11-2025 tiguneqarnissaat Sullivinnik Nakkutilliisoqarfiup qinnutigaa.
Tusarniaanermut akissutit Sullivinnik Nakkutilliivimmut adressinut ukununnga at@at.dk-mut, Cecilie Hertel Thygesen-imut cty@at.dk-mut aamma Rikke Nissen rini@at.dk-mut nassinneqarnissaat qinnutigineqarpoq.