Illuutit Inissiallu nalunaarsuiffik pillugu Nalunaarut matumuuna tusarniutigineqarpoq

Illuutit Inissiallu nalunaarsuiffik Namminersorlutik Oqartussat tunngaviusumik paasissutissaasiviani arlalinnik immikkoortoqartumiippoq, tassanilu Najukkanut nalunaarsuiffik aamma Nunaminertanut nalunaarsuiffik kiisalu piginnittunut nalunaarsuiffiujumaartunngortussaq ilanngullugit Kalaallit Nunaanni illuutit nalunaarsorneqartarnerini Illuutit Inissiallu nalunaarsorsimaffiat tunngaviussalluni. Kalaallit Nunaanni illunut tamanut illuutit, inissiallu pillugit oqartussani aallerfiusinnaasumik illuutit, inissiallu pillugit paasissutissanut qitiusumik, nunalu tamakkerlugu nalunaarsuiffimmik pilersitsinissaq siunertaavoq.

Tusarniummut akissuteqaat kingusinnerpaamik 2025-mi aggustip aallaqqaataani Ineqarnermut, Attaveqaasersuutinut Isorliunerusunullu Naalakkersuisoqarfimmut nassiunneqassaaq. Tusarniummut akissuteqaat Ineqarnermut, Attaveqaasersuutinut Isorliunerusunullu Naalakkersuisoqarfimmut nassiunneqassaaq mailimut uunga: box909@nanoq.gl John Maahr Hansen assilineranik nassillugu mailimut uunga: Jomh@nanoq.gl