Efterskolit aamma paarlaasseqatigiilluni nunami allamiinnermut tapiissuteqartarneq pillugit Inatsisartut inatsisaata allanngortinnissaannut siunnersuutip UKA 2025-mi saqqummiunneqarnissaa anguniarlugu tusarniaaneq
Tusarniaanerup suunera:Inatsisartut inatsisaat
Saqqummiunneqarpoq:02-06-2025 15:51
Tusarniaanermi killigititaq:30-06-2025 16:00
Naalakkersuisoqarfik:Ilinniartitaanermut, Kulturemut, Timersornermut Ilageeqarnermullu Naalakkersuisoqarfik
Tusarniaanermi akissutit nassiunneqassapput::ikin@nanoq.gl
Ilinniartitaanermut, Kultureqarnermut, Timersornermut Ilageeqarnermullu Naalakkersuisoqarfiup matumuuna siunnersuut ilanngunneqartoq, Efterskolit pillugit Inatsisartut inatsisaat nr. 13, 5. december 2008-imeersumi, Inatsisartut inatsisaatigut nr. 17, 3. december 2012-imeersukkut allanngortinneqartoq, tusarniutitut nassiuppaa.
Efterskolit pillugit inatsit atuuttoq 2008-meersuuvoq. Taanna 2012-mi allanngortinneqarpoq, tassani nunani allaniinnermut tapiiffigineqarsinnaanermut periarfissat ilanngunneqarput. Iluatsillugu inatsisip taaguutaa allanngortinneqarpoq, taamaalilluni paarlaasseqatigiinnermi tapiissutit aamma ilanngunneqarsinnaanngortinneqarput.
Efterskolit pillugit inatsit nutarterneqassanersoq oqallittoqarnikuuvoq. Taanna peqqutigalugu siornatigut Ilinniartitaanermut Naalakkersuisup efterskolit pillugit ulluni 13. aamma 14. november 2024 isumasioqatigiisitsivoq. Efterskolit pillugit isumasioqatigiinnermi oqallinnerit nangillugit aalajangertoqarpoq, efterskolernermut inatsimmik nutarterineq immikkoortunut marlunngorlugu avinneqassasoq.
Nutarterinermi immikkoortoq siulleq Savalimmiuni efterskolertarnermut aamma atuarfinni namminersortuniinnermut tapiissutinik tunniussisinnaalernissamut inatsisitigut tunngavinnik pilersitsinermik siunertaqarpoq. Nutarterinermi immikkoortup aappaani efterskolit pillugit inatsimmik tamarmiusumik nutarterisoqassaaq, tassami ilaatigut efterskolit atuarfittut sinaakkutai sammineqartussaassallutik. Inatsisip nutarterneqarnerata marlunnut immikkoortinneqarnerani efterskolit, Danmarkimi aamma Savalimmiuni efterskolimiinnermut aamma atuarfinni namminersortitaniinnermut sukkanerusumik tapiissuteqartoqarsinnaaneri qulakkeerneqarput, tassami inatsisip tamarmiusup nutarterneqarnera 2027-p ingerlanerani aatsaat inatsisissatut siunnersuutinngorluni saqqummiunneqarsinnaanera ilimagineqarpoq.
Siunnersuutip tunuliaqutaa, siunertaa imarisaalu, siunnersuutip oqaaseqaatai ilanngullugit nassiunneqartuniittut, innersuussutigineqarput.
Oqaaseqaatigineqarsinnaasut Ilinniartitaanermut, Kultureqarnermut, Timersornermut Ilageeqarnermullu Naalakkersuisoqarfimmut kingusinnerpaamik ulloq 30. juni 2025 tiguneqariissapput. Oqaaseqaatit naalakkersuisoqarfiup pisortatigoortumik mailianut uunga nassiuteqquneqarput: ikin@nanoq.gl
Efterskolit pillugit inatsit atuuttoq 2008-meersuuvoq. Taanna 2012-mi allanngortinneqarpoq, tassani nunani allaniinnermut tapiiffigineqarsinnaanermut periarfissat ilanngunneqarput. Iluatsillugu inatsisip taaguutaa allanngortinneqarpoq, taamaalilluni paarlaasseqatigiinnermi tapiissutit aamma ilanngunneqarsinnaanngortinneqarput.
Efterskolit pillugit inatsit nutarterneqassanersoq oqallittoqarnikuuvoq. Taanna peqqutigalugu siornatigut Ilinniartitaanermut Naalakkersuisup efterskolit pillugit ulluni 13. aamma 14. november 2024 isumasioqatigiisitsivoq. Efterskolit pillugit isumasioqatigiinnermi oqallinnerit nangillugit aalajangertoqarpoq, efterskolernermut inatsimmik nutarterineq immikkoortunut marlunngorlugu avinneqassasoq.
Nutarterinermi immikkoortoq siulleq Savalimmiuni efterskolertarnermut aamma atuarfinni namminersortuniinnermut tapiissutinik tunniussisinnaalernissamut inatsisitigut tunngavinnik pilersitsinermik siunertaqarpoq. Nutarterinermi immikkoortup aappaani efterskolit pillugit inatsimmik tamarmiusumik nutarterisoqassaaq, tassami ilaatigut efterskolit atuarfittut sinaakkutai sammineqartussaassallutik. Inatsisip nutarterneqarnerata marlunnut immikkoortinneqarnerani efterskolit, Danmarkimi aamma Savalimmiuni efterskolimiinnermut aamma atuarfinni namminersortitaniinnermut sukkanerusumik tapiissuteqartoqarsinnaaneri qulakkeerneqarput, tassami inatsisip tamarmiusup nutarterneqarnera 2027-p ingerlanerani aatsaat inatsisissatut siunnersuutinngorluni saqqummiunneqarsinnaanera ilimagineqarpoq.
Siunnersuutip tunuliaqutaa, siunertaa imarisaalu, siunnersuutip oqaaseqaatai ilanngullugit nassiunneqartuniittut, innersuussutigineqarput.
Oqaaseqaatigineqarsinnaasut Ilinniartitaanermut, Kultureqarnermut, Timersornermut Ilageeqarnermullu Naalakkersuisoqarfimmut kingusinnerpaamik ulloq 30. juni 2025 tiguneqariissapput. Oqaaseqaatit naalakkersuisoqarfiup pisortatigoortumik mailianut uunga nassiuteqquneqarput: ikin@nanoq.gl