Imigassaq aalakoornartortalik pillugu ukiunut arlalinnut politikkissamut, ilisimatusarnermit tunngavilimmut, inassuteqaatit pillugit tusarniaaneq
Tusarniaanerup suunera:Allat
Saqqummiunneqarpoq:19-12-2024 15:50
Tusarniaanermi killigititaq:22-01-2025 16:00
Tusarniaanermi akissutit nassiunneqassapput::pn@nanoq.gl
Matumuuna Imigassaq aalakoornartortalik pillugu ukiunut arlalinnut politikkissamut, ilisimatusarnermit tunngavilimmut, inassuteqaatit pillugit tusarniaaneq Peqqissutsimut Naalakkersuisqarfimmit nassiunneqarpoq.
Inassuteqaatinut oqaaseqaataasinnaasut kingusinnerpaamik 22. januaari 2025 tiguneqareersimassasut Naalakkersuisoqarfiup kissaatigivaa. Oqaaseqaatit uunga nassiunneqassapput pn@nanoq.gl ukununnga cc-erlugit lich@nanoq.gl aamma eaca@nanoq.gl
Tusarniaanermut akissutitt tamanut saqqummiunneqarnissaannik Peqqissutsimut Naalakkersuisoqarfik imminut pisinnaatippoq.
Siunnersuummut tunuliaqutaq aamma siunertaq
Imigassaq aalakoornartortalik pillugu ukiunut arlalinnut politikkimik, ilisimatusarnermit tunngavilimmik, inassuteqaatinik meeqqanut, inuusuttunut, aamma ilaqutariinnut iluaqutaasinnassuseqarluarsinnaasumik Naalakkersuisut saqqummiussaqassasut Inatsisartut aalajangernikuupput (FM2023/67).
Inassuteqaatit Peqqissutsimut Naalakkersuisoqarfimmit aallaaveqarput, aammalu Innuttaasut Peqqissusiannik aamma WHO/Eurpemik qanimut suleqateqarnerannit inerniliussaallutik. Inassuteqaatinik ineriartortitsineq naalakkersuisoqarfinnik allanik, aqutsisoqarfinnik aamma suliffeqarfinnik siammasissumik suleqateqarnikkut ingerlanneqarpoq, aammalu suliassaqarfimmut attuumassutilinnik naleqquttunik, tassunga ilanngullugit pingaartumik innuttaasunik aamma kommuninik peqataatitsinissap qulakkeerneqarnissaat qitiutinneqarlutik.
Inassuteqaatinik suliaqarneq Inuuneritta III-mi – 2020-2030-mi meeqqat inuunerinnissaat pillugu suleqatigiinnissamut Naalakkersuisut periusissiaat-nni Naleraq 4-p ataani suliniutitut aallaaveqarpoq. Naleraq 4 meeqqat tamarmik toqqissisimanartumik aamma pitsaasumik atugaqarnissaannik pilersitsinissamut tunngassuteqarpoq, meeqqat nakuusernermut aamma innarlerneqarnissamut illersorneqarlutillu aanngajaarniutinit aamma tupamit ajoquserneqassanatik.
Imarisaa
Inatsisartut suliakkiinerannut atatillugu meeqqat arlaannaataluunniit ilaqutariinni aanngajaarniutinik atornerluiffiusuni peroriartunnginnissaasa, aamma inooqatigiinnikkut ingerlatitseqqittarnerup kipitinnissaata qulakkeerneqarnissaat inassuteqaatini salliutinneqarpoq, taamaaliornikkut meeqqat tamarmik toqqissisimasumik tunngaveqarlutik peroriartornissaminnut periarfissaqarnissaat anguniarlugu. Inassuteqaatit WHO-p imigassaq aalakoornartortalik pillugu politikkimut, ilisimatusarnikkut tunngavilimmut, inassuteqaataanit, kiisalu misilittakkanit naleqquttunit aamma Kalaallit Nunaannit aamma nunanit issitunit allanit ilisimatusarnernit tunngaveqarput.
Inassuteqaatini inuiaqatigiit peqqissusiannik isiginninneq tunngavigineqarpoq. Imigassap aalakoornartortallip inuiaqatigiinnut malunnaatilimmik kinguneqartitsisarnera pissutigalugu peqqinnartumik toqqaanissamut avatangiisinik aamma tunngavissanik pilersitsinissamut politikkikkut suliaqartoqarnissaa pingaaruteqarpoq.
Suliniutinut akilersinnaassusilinnut WHO-p inassuteqaataanut atatillugu aaqqissuussamik pitsaaliuineq aaqqissuussamik suliniuteqarnermut aamma imigassamut aalakoornartortalimmut tunngasutigut inatsisiliornermut inassuteqaatit arlallit tunngassuteqarput.
Inassuteqaatit tunngavinnit qulinit tunngaveqarput, inuiaqatigiinnut immikkut naleqquttuullutik, aamma qitiusumik suliniuteqarfigineqartussanik sisamanik aamma iliuuseqarnissamut inassuteqaatinik 17-inik ilaqarlutik.
Inassuteqaatinut oqaaseqaataasinnaasut kingusinnerpaamik 22. januaari 2025 tiguneqareersimassasut Naalakkersuisoqarfiup kissaatigivaa. Oqaaseqaatit uunga nassiunneqassapput pn@nanoq.gl ukununnga cc-erlugit lich@nanoq.gl aamma eaca@nanoq.gl
Tusarniaanermut akissutitt tamanut saqqummiunneqarnissaannik Peqqissutsimut Naalakkersuisoqarfik imminut pisinnaatippoq.
Siunnersuummut tunuliaqutaq aamma siunertaq
Imigassaq aalakoornartortalik pillugu ukiunut arlalinnut politikkimik, ilisimatusarnermit tunngavilimmik, inassuteqaatinik meeqqanut, inuusuttunut, aamma ilaqutariinnut iluaqutaasinnassuseqarluarsinnaasumik Naalakkersuisut saqqummiussaqassasut Inatsisartut aalajangernikuupput (FM2023/67).
Inassuteqaatit Peqqissutsimut Naalakkersuisoqarfimmit aallaaveqarput, aammalu Innuttaasut Peqqissusiannik aamma WHO/Eurpemik qanimut suleqateqarnerannit inerniliussaallutik. Inassuteqaatinik ineriartortitsineq naalakkersuisoqarfinnik allanik, aqutsisoqarfinnik aamma suliffeqarfinnik siammasissumik suleqateqarnikkut ingerlanneqarpoq, aammalu suliassaqarfimmut attuumassutilinnik naleqquttunik, tassunga ilanngullugit pingaartumik innuttaasunik aamma kommuninik peqataatitsinissap qulakkeerneqarnissaat qitiutinneqarlutik.
Inassuteqaatinik suliaqarneq Inuuneritta III-mi – 2020-2030-mi meeqqat inuunerinnissaat pillugu suleqatigiinnissamut Naalakkersuisut periusissiaat-nni Naleraq 4-p ataani suliniutitut aallaaveqarpoq. Naleraq 4 meeqqat tamarmik toqqissisimanartumik aamma pitsaasumik atugaqarnissaannik pilersitsinissamut tunngassuteqarpoq, meeqqat nakuusernermut aamma innarlerneqarnissamut illersorneqarlutillu aanngajaarniutinit aamma tupamit ajoquserneqassanatik.
Imarisaa
Inatsisartut suliakkiinerannut atatillugu meeqqat arlaannaataluunniit ilaqutariinni aanngajaarniutinik atornerluiffiusuni peroriartunnginnissaasa, aamma inooqatigiinnikkut ingerlatitseqqittarnerup kipitinnissaata qulakkeerneqarnissaat inassuteqaatini salliutinneqarpoq, taamaaliornikkut meeqqat tamarmik toqqissisimasumik tunngaveqarlutik peroriartornissaminnut periarfissaqarnissaat anguniarlugu. Inassuteqaatit WHO-p imigassaq aalakoornartortalik pillugu politikkimut, ilisimatusarnikkut tunngavilimmut, inassuteqaataanit, kiisalu misilittakkanit naleqquttunit aamma Kalaallit Nunaannit aamma nunanit issitunit allanit ilisimatusarnernit tunngaveqarput.
Inassuteqaatini inuiaqatigiit peqqissusiannik isiginninneq tunngavigineqarpoq. Imigassap aalakoornartortallip inuiaqatigiinnut malunnaatilimmik kinguneqartitsisarnera pissutigalugu peqqinnartumik toqqaanissamut avatangiisinik aamma tunngavissanik pilersitsinissamut politikkikkut suliaqartoqarnissaa pingaaruteqarpoq.
Suliniutinut akilersinnaassusilinnut WHO-p inassuteqaataanut atatillugu aaqqissuussamik pitsaaliuineq aaqqissuussamik suliniuteqarnermut aamma imigassamut aalakoornartortalimmut tunngasutigut inatsisiliornermut inassuteqaatit arlallit tunngassuteqarput.
Inassuteqaatit tunngavinnit qulinit tunngaveqarput, inuiaqatigiinnut immikkut naleqquttuullutik, aamma qitiusumik suliniuteqarfigineqartussanik sisamanik aamma iliuuseqarnissamut inassuteqaatinik 17-inik ilaqarlutik.