Tarnip pissusiinik ilisimasallit pillugit Nalunaarummut tusarniaaneq

Matumuuna Peqqissutsimut Naalakkersuisoqarfimmit Tarnip pissusiinik ilisimasallit pillugit nalunaarutissatut siunnersuut tamanut tusarniutigineqartussanngorlugu saqqummiunneqarpoq.

Tunuliaqutaasut
2019-mi Inatsisartut ukiaanerani ataatsimiinnerani Tarnip pissusiinik ilisimasallit pillugu nalunaarusiortoqassasoq, taassumalu minnerpaamik imarissagaa taaguutinik illersuisinnaaneq aamma napparsimasut pisinnaatitaaffii. Tamanna tunngavigalugu Nalunaarut nassiunneqartoq Naalakkersuisoqarfimmit suliarineqarpoq.

Imarisai
Nalunaarummi aalajangersakkat makku allassimapput:

- Kina Tarnip pissusiinik ilisimasalittut imminut taasinnaava. (Taaguummik illersuineq)
- Tarnip pissusiinik ilisimasallit pisussaaffii (qajassuussilluni peqqissaarlunilu sulisussaatitaaneq aamma nalunaarsuiffinnut allattuisussaatitaaneq).
- Suliamut tunngasunik allattugaatinik paasitinneqarsinnaatitaaneq.
- Nipangiussisussaatitaaneq.
- Nakkutilliineq.
- Naammagittaalliorsinnaaneq.
- Pineqaatissiinissamut aalajangersaaneq.

Tusarniaanermut piffissarititaq
Oqaaseqaateqartoqassaguni Peqqissutsimut Naalakkersuisoqarfimmut una atorlugu pn@nanoq.gl aamma Martin Pedersen-mut mrpd@nanoq.gl kingusinnerpaamik 17. december 2024.


Ilanngussat:

1. Tarnip pissusiinik ilisimasallit pillugu nalunaarutissatut missingiut