Angallatini inuussutissarsiutaasuni minnerni ilaasunik angallasinermik il.il. ingerlatsisartuni inuttat pillugit aalajangersaaneq pillugu nutaamik aaqqiinermut missingiut pillugu tusarniaaneq
Aaqqiinerup nutaap tamanut ammasumik tusarniaassutiginissaa siunertaralugu matumuuna nalunaarutinut missingiutit nassiunneqarput:
- Angallatini inuussutissarsiutaasuni minnerni 12-inik ilaasoqartartuni inuttat pillugit aalajangersaaneq pillugu nalunaarut, kiisalu
- Angallatini ilitsersuisumit aqutsisuuffigineqartuni inuttat pillugit aalajangersaaneq pillugu nalunaarut.
Missingiutitigut marluusutigut angallatinut inuussutissarsiutaasunut minnernut aamma Kalaallit Nunaanni aalisariutinut ilaasut 12-it angullugit ilaasoqartartunut Danmarkimi aamma Kalaalli Nunaata sineriaani angalasunut inuttat pillugit aalajangersaaneq pillugu nalunaarut nr. 233, 5. marts 2015-imeersukkut, aaqqiineq nutarsarneqarpoq.
Aaqqiinermi nutaami sammisaqarfimmi ineriartorneq eqqarsaatigalugu ilinniagaqarnissamut piumasaqaatit nutarsarneqarput.
Aammattaaq aaqqiinermi atuisunut piuminarsagaanerusumik imaqartitsineq pitsaanerusumillu aaqqiissugaaneq anguniarneqarput, aaqqiissutinut immikkoortunut marlunnut immikoortitsinikkut. Nalunaarutip ataatsip angallatini inuussutissarsiutini inuttanut piumasaqaatit aalajangersarpai, nalunaarutillu aappaata ilitsersuisunut minnerpaamik piumasaqaatit nalunaarutigineqarlutik – tamanna inuussutissarsiutigalugu suliffeqarfimmut ilaatillugu – umiatsiaaqqat, paddleboardsit atorneqarnerat il. il. aalajangersarneqarput.
Tassunga ilanngullugu, angallatit inummit ataatsimit ingerlanneqartartut ikiortigalugit ilisimasortanik imaani nuussisarnermut sinaakkutissat, angallatini inuussutissarsiutaasuni minnerni 12-inik ilaasoqartartuni inuttat pillugit aalajangersaaneq pillugu nalunaarummi erseqqissarneqarput.
Missingiummi Søfartsstyrelsenip nakkutilliinera sulianillu suliarinnittarnerata, sinaakkutissat ullumikkut atuuttut malillugit ingerlateqqinneqarnissaat siunniunneqarpoq.
Pilersaarutaasumik allannguuteqartitsinermut atatillugu inuussutissarsiornermut aningaasartuutitaqarnavianngitsoq nalilerneqarpoq, suliaqarfimmi allaffissornikkut suleriaatsit attatiinnarneqassammata.
Nalinerneqanngilaq, inuussutissarsiornermut sammivilimmik eqaatsumik aaqqiinermut tunngaviit atuutilerneqarnissaat, tassami aaqqiineq teknologiinik digital-iusunik aamma niuernermut pilersaarutinik misileraanissamik, ineriartortitsinissamik aamma atuinissamik nassataqassanngimmat.