Kalaallit Nunaanni qamutit assakaasullit aqqusinertigut angallannerini, taamaattut akselinut oqimaassutsimikkut naqitsineri tamakkiisumillu oqimaassusii pillugit nalunaarutip allanngornissaanut nalunaarutissamik missingiuusiaq pillugu tusarniaassut
Aqqusinniatigut angallannermut aqutsisoqarfiup matumani nassiuppaa qamutit assakaasullit angissusii, akseliinut oqimaassutsimikkut naqitsineri tamakkiisumillu oqimaassusii pillugit nalunaarutip allanngornissaanut nalunaarutissamik missingiuusiaq pillugu tusarniaassut.
Tusarniaanermut atatillugu akissuteqarnissamut killilunneqarpoq 18. april 2024
Nalunaarutip imarisai pillugit itisiliissut
Kalaallit Nunaanni politiit kissaateqarnerat tunngavigalugu Kalaallit Nunaanni aqqusinertigut angallannermut atatillugu nutarterinissamut kontaktudvalgimit (katitigaasumik ataatsimiititaliaq) inassutigineqarpoq akselit nammattuuneranut, bogietrykimik taaneqatartup (killiliussat qaangerlugit naqitsisuusut) kalitaqarnissamullu killiliutitaasut qaffanneqassasut, taamatut iliornikkut maanna nalunaarutaasoq 1979-imeersoq ullutsinnut naleqqunnerusunngortikku-mallugu.
Oqimaassutsinut atatillugu killiliussaasut qaffannerisigut, Kalaallit Nunaanni politiit ikinnerusunik akuersissutinik suliaqartalissapput, killiliussanit qaffasinnerusunik pisoqassatillugu.
Nalunaarutissatut missingiuussami oqimaassutsinut tunngasut qaffanneqarput Kalaallit Nunaanni aqqusinertigut angallannermut kontaktudvalgip inassutai naapertorlugit.
Kiisalu oqaasissiornerit inatsisinullu attuumassuteqartut iluini minnerusunik allannguilluni naqqissuisoqarpoq.
Inuutissarsiortunut innuttaasunullu aningaasatigut allaffissornikkullu sunniutissat
Nalilerneqarpoq, nalunaarut Kalaallit Nunaanni Danmarkimilu inuutissarsiortunut innuttaasunullu aningaasaqarnikkut kinguneqartitsinavianngitsut. Nalilerneqarpoq allannguutit Kalaallit Nunaan-ni inuutissarsiortunut pitsaasumik sunniuteqarumaartut, immikkut akuersissutinik piniartarnissat ikilisussaassammata.
Kiisalu
Siunnersuutaavoq, nalunaarusiaq atuutilersinneqassasoq ulloq 1. juni 2024.
Aqqusinertigut angallannermut aqutsisoqarfik qinnuteqarpoq, pineqartoq pillugu oqaaseqaatit aqutsisoqarfiup pingaarnertut najugaqarfianut nassiunneqassasut, uunga: info@fstyr.dk, assilineralu uunga nassiullugu: mahj@fstyr.dk kingusinnerpaamik ulloq 18. april 2024, ilisarnaasiullugu allallugu j.nr. 2023-541279.
Missingiuusiamut apeqqutigiumasinnaasat ingerlatinneqarsinnaapput uunga: Martin Henrik Jensen mahj@fstyr.dk imal. uunga nassiunneqarsinnaallutik info@fstyr.dk.
Ilanngunneqarpoq tusarniaaffigineqartut allattorsimaffiat.
Tusarniaaffigineqartut ministeriaqarfiunngitsut akissutaat tusarniaanerup naammassinerata kingorna avammut saqqummiunneqassapput atorlugu Høringsportalen (tusarniaanermut atatillugu iserfigalugu alakkarteriffissiaq). Tusarniaassummut akissutigisimasap tunniunnerani akuerineqarpoq, akissuteqaatip ilanngullugillu tusarniaanerup naammassinerata kingorna saaffigineqarnissamut paasissutissiissutit saqqummiunneqarsinnaanerat.
Aqqusinikkut angallannermut aqutsisoqarfiup akissutit allannguutinut tunngasut taamaallaat suliariniarpai.
Aqqusinertigut angallannermut aqutsisoqarfik nutaarsiassiissumik nassiussaqassaaq ilisimatitsissutigalugit maleruagassatut aaliangiussat. Nutaarsiassiissummut nassitsivigineqarnissamik nalunaaruteqarneq Aqutsisoqarfiup nittartagaa aqqutigalugu qinnutigineqarsinnaavoq.