Silaannakkut angallannermut isumannaallisaanerup (security) iluani inunnik atuuffeqartunik annertusisamik tunuliaqutaannik nakkutilliineq aamma isumannaallisaanermut akuersissutigineqartarnerat
Silaannakkut angallannermut isumannaallisaanerup (security) iluani inunnik atuuffeqartunik annertusisamik tunuliaqutaannik nakkutilliineq aamma isumannaallisaanermut akuersissutigineqartarnerat pillugit Kalaallit Nunaannut nalunaarut pillugu missingiummik aamma silaannakkut angallannermut isumannaallisaanermut (security) pinerluttarnerit pitsaaliorneqarnerannut nalunaarummik nr. 362 af 27. marts 2023-meersumik allannguutissamik missingiummik tusarniaaneq
Tusarniaaviginninnermut piffissaliussaq
Ulloq 10. Januar 2024
Tunuliaqutaq aamma siunertaq
Silaannakkut angallannermut isumannaallisaanerup (security) iluani inunnik atuuffeqartunik annertusisamik tunuliaqutaannik nakkutilliineq aamma isumannaallisaanermut akuersissutigineqartarnerat pillugit Kalaallit Nunaannut nalunaarummi naammassineqassapput aamma Silaannakkut angallannermut isumannaallisaanermut tunngaviusunik najoqqutassanik, immikkuualuttortai ilanngullugit, ataatsimoorussanik naammassinninnissamut sulissutiginninnerit pillugit Kommissionip atortuulersitsinermut peqqussutaani (EU) 2015/1998, 15. november 2015-imeersumi aalajangersakkat allannguutaannik naammaqquserneqassapput. (EU-Tidende 2015, nr. L 72, qupp. 53), tassani inuit silaannakkut angallannermut isumannaallisaanerup (security) iluani atuuffilinnut tunuliaqutaannik nakkutiginninnermut malittarisassanik nutaanik aalajangersaasoqarluni.
Malittarisassat nutaat kingunerisaatut silaannakkut angallannermut isumannaallisaanermut (security) pinerluutigineqartartut pitsaaliorneqarnerannik nalunaarut nr. 362 af 27. marts 2023-meersoq allanngortinneqarpoq.
Tamatuma saniatigut inuit silaannakkut angallannermut isumannaallisaanerup iluani (security) atuuffeqartunut isumannaallisaanermut akuersissuteqartarneq pillugu aalajangersakkat ilanngunneqarput. Malittarisassat nalunaarummi ataatsimi katersorneqarput inuit kikkut tunuliaqutanik nakkutilliivigineqassanersut imaluunniit isumannaallisaanermut akuerineqassanersut erseqqissaaviginiarlug. Aaqqiineq silaannakkut angallannermut inunnit paasissutissanik isertukkanik ilisimasalinnit sioorasaarneqarnissamut pinngitsoortitsinissamik siunertaqarpoq aamma One-Stop-Security-mittarfinnut (Ataasiarluni-isumannaallisaaneq pillugu-nakkutilliivigineqartarfinnut-mittarfinnut) aamma Kalaallit Nunaata avataanit / avataanut timmersartorfiusunut mittarfinnut atuulluni.
Nalunaarut ulloq 9. Februar 2024 atuutilersinneqassaaq.
Tunuliaqutanik nakkutilliinerup imaa
Ullumi Kalaallit Nunaanni mittarfiit tamarmik tunuliaqutanik nakkutillliinissamut aaqqissuussanermik malinnittussaatitaapput, tassunga ilaapput ID-mik aamma CV-mik nakkutilliineq aamma ikinnerpaamik ukiuni tallimani ingerlareersuni inuup nunanit najugaqarfigisimasaanit tamanit pinerluutit nalunaarsorneqarfiinik nakkutillineq. Tunuliaqutanik nakkutilliineq kisermaassilluni akuersissutilimmit ingerlanneqartassaaq imaluunniit Kalallit Nunaanni Politiit suleqatigalugit akisussaalluni silaannakkut angallannermik ingerlatsisumut akisussaasumit ingerlanneqartassalluni aamma ukiut tallimakkaarlugit ingerlanneqaqqittassalluni.
Silaannakkut angallannermi isumanaatsuunissamut (security) pinerluttuliornerit pitsaaliorneqarnissaat pillugit nalunaarummik allannguinermi nunap iluani angallannermut mittarfilinnut malittarisassat taakku ingerlateqqinneqarput.
Mittarfinnut One-Stop-Security-mittarfinnut (Ataasiarluni-isumannaallisaaneq pillugu-nakkutilliivigineqartarfinnut-mittarfinnut) ilaasunut aamma mittarfinnut nunanut allanut timmisartornernut / timmisartornernit atorneqartartunut, inuit suleqatigiinnut ilaasut annertusisamik tunuliaqutanik nakkutilliiffigineqartassasut pillugut piumasaqaat atuutilersinneqarpoq. Tassani pineqarput ID-mik aamma CV-mik nakkutilliineq kiisalu pinerluutit nalunaarsorneqarfiinit aamma tusarliussanik aamma isertortumik paasiniaasartunit paasissutissanik, oqartussanit pigineqartunik nakkutillineq, aamma oqartussanit mittarfiup ilaani, silaannakkut angallammut, imaluunniit usinik illersugaasunik, pissamaatinik aamma pisiortorfiit tunniutagaannik inuup isumannaallisaanermik-illersorneqartunut isertinnissaanut nangaassuteqartitsilerluni naliliiffigisinnaasai. Pinerluutit nalunaarsorneqarfiinik aamma isertortukkut paasiniaasartunit paasissutissanik nakkutilliineq politiinit ingerlanneqartarpoq aamma qaammatit 12-ikkaarlugit ingerlanneqaqqittarluni.
Isumannaallisaanermut akuersissut
Inuit ilaasa isumannaallisaanermut akuersissummik peqarnissaat suli piumasaqaataassaaq. Kalaallit Nunaanni isumannaallisaanermut akuersissuteqarnissamut piginnaatitaaneq Namminersorlutik Oqartussaniippoq. Nalunaarummi qinnuteqarnissamut, atorunnaarsitsinissamut il.il. eqqartuusseriaasermi aalajangersakkat ilanngunneqarput.
Ikaarsaarnermut piffissaq
Silaannakkut angallannermut isumannaallisaanerup (security) iluani inunnik atuuffeqartunik annertusisamik tunuliaqutaannik nakkutilliineq aamma isumannaallisaanermut akuersissutigineqartarnerat pillugit Kalaallit Nunaannut nalunaarummi pineqartunut, Kalaallit Nunaanni silaannakkut angallannermi isumanaatsuunissamut (security) pinerluttuliornerit pitsaaliorneqarnissaat pillugu nalunaarut malillugu tunuliaqutanik nakkutilliinerit, ulloq 9. februar 2024 nallertinnagu ingerlanneqarsimasut, atorunnaarnissamik tungaannut imaluunniit kingusinnerpaamik ulloq 30. juni 2024-mut suli atuutissapput, ulloq sorleq siulliunersoq apeqqutaatillugu.
Atortuulersitsineq, tusarniaanermut piffissarititaq il.il.
Nalunaarut ulloq 9. februar 2024-mi atortuulersinneqassasoq siunnersuutigineqarpoq.
Trafikstyrelsenip qinnuiginnissutigaa, oqaaseqaataasinnaasut pingaarnermik mailadressitsinnut uunga info@trafikstyrelsen.dk -mut nassiunneqassasut, uukununnga loma@trafikstyrelsen.dk aamma moni@trafikstyrelsen.dk ilanngullugit kingusinnerpaamik ulloq 10. Januar 2024, allakkat nalunaaqutserneqarsimassapput j.nr. 2021-035224.
Missingiummut apeqqutaasinnaasut Louise Raasgaard Mathiesenimut nassiunneqassapput uunga loma@trafikstyrelsen.dk imaluunniit uunga info@trafikstyrelsen.dk.
Tusarniaanermut atortut uani takuneqarsinnaapput Høringsportalen (www.hoeringsportalen.dk), tassani tusarniaanermut akissutit tiguneqarsimasut aamma tamanut saqqummiunneqarumaarput. Tusarniaanermut akissuteqarnermi tusarniaanermut akissutip, atip, najugaq ilanngunneqarsimappat aamma e-mailadressip tusarniaanermut isaaffimmi tamanut saqqumminneqarnissaat akuerissutigineqarsimavoq.
Oqaatigineqassaaq, Trafikstyrelsenip illua’tungiusut tusarniaavigineqarsimasut nalunaarut atortuulersinneqaraangat nalinginnaasumik ilisimatinneq.
Nalunaarutit atortuulersinneqarsimasut Retsinfo’p nittartagaani (www.retsinfo.dk) takuneqarsinnaapput. Uagut nutaarsiassaatigut aamma malittarisassat atortuulersinneqarsimasut pillugit imaqartarput. Nutaarsiassanik pisartagaqarnissamut aamma nittartakkatsinni nalunaartoqarsinnaavoq.