Akiligassat digitaliusut pillugit nalunaarusiassatut siunnersuutip tamanut tusarniaassutigineqarnera
Tusarniaanerup suunera:Namminersorlutik Oqartussat nalunaarutaat
Saqqummiunneqarpoq:19-12-2023 13:54
Tusarniaanermi killigititaq:19-01-2024 00:00
Tusarniaanermi akissutit nassiunneqassapput::digitalisering@nanoq.gl
Matumuuna qulaani aalajangiiffissatut siunnersuutigineqartoq tamanut tusarniaassutigineqartoq nassiunneqarpoq.
Tusarniaanermut akissuteqarnissamut ullugitinneqartoq kingulleq januaarip 19-iat 2024
Qarasaasiakkut akiliisitsisarnerup aqunneqarnera pillugu Inatsisartut inatsisaat nr. 50, 23. novembari 2017-imeersumi §1-imi allassimasut nalunaarusiassatut siunnersuusiami sinaakkusiipput. §1 -imi allassimasut tunngavigalugit akiligassat digitaliusut pillugit aalajangersakkanik suliaqartoqarsinnaavoq, tassanilu ilaapput oqartussaqarfinnut oqartussaqarfinnillu akiligassiiniarnermi akiliiniarnermilu elektroniskimik sukiakkiineq, suleriutsit aammalu periutsit.
Siunnersuummi aalajangiussanut nassuiaatit.
§ 1-mut
§ 1 -mi Digitalimik akiligassiaq suunersoq nassuiarneqarpoq.
Imm. 3 -mi Inussuk-IT-p nittartagaanut innersuussisoqarpoq, tassanilu akiligassanut teknikkitigut piumasaqataasut allassimapput.
Piumasaqaataasoq aalajangiussaq tassaavoq OIO-UBL. Nittartakkami www.oioubl.info -mi OIOUBL pillugu sukumiinerusumik atuartoqarsinnaavoq. Nittartagaq paasissutissanik imalik Erhvervsstyrelsenimit ingerlaavartumik suliarineqarpoq.
§ 2- mut
Aalajangersakkami uani, tunngaviusumik inatsit – tassa digitalimik akiligassiinissamut piumasaqaat – aalajangersarneqarpoq.
§ 3 aamma 4-mut
§§ 3-4 -mi §2-mi tunngaviusumik inatsisaasumut ilaasussaatitaanngitsut allassimapput. Tunngaviusumik inatsimmi piumasaqataasunut immikkut pisoqartillugu immikkut akuerineqarluni allatut ingerlatsisinnaanermut periarfissiivoq.
Aaqqiissutissatut siunnersuummi kommunit aammalu Naalakkersuisuni allattoqarfik sinnerlugu Aningaasaqarnermut Sulisoqarnermullu Aqutsisoqarfik
ataatsimut tamakkiisumik ilaannakortumilluunniit ilaasussaatitaanngitsunut aalajangersaanissaminnut periarfissinneqarput. Taamaaliornikkullu aamma kommunit ataasiakkaat Aningaasaqarnermut Sulisoqarnermullu Aqutsisoqarfillu pisortaqarfinni pisariaqartitat aallaavigalugit immikkut inatsisiliornissaannut periarfissaqalerput.
Kommunit Aningaasaqarnermut Sulisoqarnermullu Aqutsisoqarfillu ilaasussaatitaanngitsunut tunngatillugu namminneerlutik aamma aalajangersaasinnaapput.
Kommunit Aningaasaqarnermut Sulisoqarnermullu Aqutsisoqarfilluunniit annertussusiliinngikkunik, ilaasussaatitaanngitsunullu akiliisitsinissamut piumasaqaatilersuinngikkunik, taava §2-mi allassimasut pisortaqarfimmut pineqartumut atuutsinneqassanngillat. Tassa imaappoq, pilersuisut akiligassanik nassiussigaangamik, paasissutissat suut akiligassamut allassanerlugit namminneq aalajangissavaat.
Tassunga peqqutaavoq inatsimmi § 3. Tassanimi ilaasussaatitaanngitsut pillugit eqqarsartoqarnissaa piumasaqataavoq. Ilaasussaatitaanngitsunut tunngasut annikitsuinnaasinnaapput.
§§ 3 aamma 4 -mi pisortaqarfiit namminneerlutik aalajangiiffigissavaat ilaasussaatitaannginnermut attuumassusillit qanoq annikitsigissanersut. Inatsisartuni ilaasortat tunngaviusumik inatsimmik suliaqarnerminni ersarissarpaat, Digitaliusunik akiligassiinissamut piumasaqaateqalernermi suliffeqarfiit minnerit, kisimiillunilu suliffeqarfimmik ingerlatsisut pisortaqarfinnik suleqateqarsinnaajunnaannginnissaat.
§ 5-imut
§ 5 -imi allassimasut pisortaqarfiit NemHandelsRegisteretimi nalunaarsorsimanissaannut taamaallaat attuumassuteqarput. NemHandelsRegisteretimi nalunaarsorneqarsimasut akiligassanik digitaliusunik pissarsisinnaapput, ataatsimullu aningaasaqarnermullu systemiminni akiligassanik suliaqarsinnaallutik.
§ 6-imut
Pisortaqarfiit pilersuisui akiligassamik nassiussileraangata pisortaqarfimmit minnerpaamik paasissutissat allassimasussat paasissutissiissutigineqassapput. Paasissutissat akiligassap aningaasaqarnermut systemimi ajunngitsumik suliarineqarnissaa qulakkeerniarpaa.
Pisortaqarfiit suliakkiuteqarnerminni imaluunniit akiligassamik nassiussisoqannginnerini paasissutissiissutigineqarsimanngippata, paasissutissiissutigineqarsinnaanngippataluunniit § 8-mi allassimasoq pisortaqarfimmit atorneqarsinnaanngilaq. Pisortaqarfiup nammineerluni pisuussutigaa pilersuisut akiligassamik digitaliusumik nassiussinnginnera.
Akileeriaatsip pitsaasumik ingerlanneqarnissaata qulakkeerneqarnissaanut innersuussutigaarput paasissutissat nalinginnaasut, pisortaqarfik pisiniaraangami kiffartuussissummilluunniit inniminniigaangami nassiuttassagai.
§ 7-mut
Imm. 1 -imi § 6-imi pisortaqarfinni akiligassat digitaliusut nammineerlutik suliarineqartarnissaannut piumasaqatit allanneqarsimapput. Pilersuisunit paasissutissat § 6-imi allassimasut atorneqassapput.
Imm. 2-mi pilersuisut pisortaqarfinnut assigiinngitsunut sullississutiminut ataatsimut digitalimik akiligassiisannginnissaat ersarissarneqarpoq. Akiligassat taamaattut aningaasaqarnermut systemimi nammineerluni suliarineqarsinnaanngilaq.
Pisortaqarfiit marluk arlallilluunniit tunisassiamik kiffartuussissummilluunniit ataatsimoorlutik inniminniisimagunik, immaqa soorlu akiligassaq annikinnerutinniarlugu allatigulluunnit pisiniarneq pisariinnerulersinniarlugu, taava pisortaqarfiit isumaqatigiissapput tunngaviusumik kina niuertuunersoq, taannalu pilersuisumut isumaqatiginninniartuussaaq. Tassa imaappoq, pisortaqarfik toqqarneqarsimasoq § 6-imi allassimasunik pilersuisumut tunniussissaaq. Pisortaqarfiit iluminni akiligassat namminneerlutik agguataassavaat.
Isumaqatigiissummili aamma pisiassaq kiffartuussissutissarluunniit pilersuisumut ersarissumik qanoq tunniunneqarnissaa allaqqasinnaavoq, aammalu pisortaqarfimmut sorlermut digilimik akiligassiaq nassiutissanersoq aammalu § 6-imi allassimasut pilersuisumut isumaqatigiissusiornermi imaluunniit inniminniinermi tunniussuinermilu pilersuisumut tunniunneqarsimassapput.
§ 8-mut
Imm. 1-imi tigusinermut tunngasut aalajangersarneqarput. Digitalimik akiligassaq aningaasaqarnermut systemimiilersimappat, taava tiguneqarsimassaaq. Tamanna isumaqarpoq akiliinissamut piumasaqaatit, pisortaqarfimmi sulisup akiliinissamut atatillugu akuersineq aallartippagu, aallartissasut.
Imm. 2-mi allassimasut digitalimik akiligassat digitalimik suliarineqarsinnaannginnerinut atatillugu itigartitsinermut attuumassuteqarput. Akiliinissamut ulluliussaq itigartitsisoqarneranut atatillugu qaangerneqarsimappat, taava akiliinissamut killiliussaq aatsaat atuutilissaaq digitalimik akiligassaq eqqortoq nassiunneqarpat. Akiliinissamut killigititaq tassaavoq, ulloq taanna akiliisimannginneq peqqutaalluni ernianik ilassuteqalernissamut ullugititaq.
Aalajangersakkami allassimasut atuutissappata, pisortaqarfiup § 6-imi pisussaatitaaffini naammassisimasariaqarpaa. Pisortaqarfiup pisussaatitaaffini naammassisimanngippagit, taava pisortaqarfiup pilersuisullu akornanni aaqqiisoqassaaq.
§ 8 -mi allassimasut tunngavigalugit pilersuisunut isumaqatigiissuteqarnermi digitalimik akiligassami allassimasunut allatigulluunniit isumaqatigiissummik naammassineqanngitsoortut aalajangiiffigineqarsinnaanngillat.
§ 9-mut
Siunnersuutigineqarpoq nalunaarut 1. maaji 2024 atuutilissasoq, taamaaliortoqassappat nalunaarut 2024-mi februaarip qeqqata nalaani atuuttulersinneqartariaqarpoq.
Tusarniaanermut akissuteqarnissamut ullugitinneqartoq kingulleq januaarip 19-iat 2024
Qarasaasiakkut akiliisitsisarnerup aqunneqarnera pillugu Inatsisartut inatsisaat nr. 50, 23. novembari 2017-imeersumi §1-imi allassimasut nalunaarusiassatut siunnersuusiami sinaakkusiipput. §1 -imi allassimasut tunngavigalugit akiligassat digitaliusut pillugit aalajangersakkanik suliaqartoqarsinnaavoq, tassanilu ilaapput oqartussaqarfinnut oqartussaqarfinnillu akiligassiiniarnermi akiliiniarnermilu elektroniskimik sukiakkiineq, suleriutsit aammalu periutsit.
Siunnersuummi aalajangiussanut nassuiaatit.
§ 1-mut
§ 1 -mi Digitalimik akiligassiaq suunersoq nassuiarneqarpoq.
Imm. 3 -mi Inussuk-IT-p nittartagaanut innersuussisoqarpoq, tassanilu akiligassanut teknikkitigut piumasaqataasut allassimapput.
Piumasaqaataasoq aalajangiussaq tassaavoq OIO-UBL. Nittartakkami www.oioubl.info -mi OIOUBL pillugu sukumiinerusumik atuartoqarsinnaavoq. Nittartagaq paasissutissanik imalik Erhvervsstyrelsenimit ingerlaavartumik suliarineqarpoq.
§ 2- mut
Aalajangersakkami uani, tunngaviusumik inatsit – tassa digitalimik akiligassiinissamut piumasaqaat – aalajangersarneqarpoq.
§ 3 aamma 4-mut
§§ 3-4 -mi §2-mi tunngaviusumik inatsisaasumut ilaasussaatitaanngitsut allassimapput. Tunngaviusumik inatsimmi piumasaqataasunut immikkut pisoqartillugu immikkut akuerineqarluni allatut ingerlatsisinnaanermut periarfissiivoq.
Aaqqiissutissatut siunnersuummi kommunit aammalu Naalakkersuisuni allattoqarfik sinnerlugu Aningaasaqarnermut Sulisoqarnermullu Aqutsisoqarfik
ataatsimut tamakkiisumik ilaannakortumilluunniit ilaasussaatitaanngitsunut aalajangersaanissaminnut periarfissinneqarput. Taamaaliornikkullu aamma kommunit ataasiakkaat Aningaasaqarnermut Sulisoqarnermullu Aqutsisoqarfillu pisortaqarfinni pisariaqartitat aallaavigalugit immikkut inatsisiliornissaannut periarfissaqalerput.
Kommunit Aningaasaqarnermut Sulisoqarnermullu Aqutsisoqarfillu ilaasussaatitaanngitsunut tunngatillugu namminneerlutik aamma aalajangersaasinnaapput.
Kommunit Aningaasaqarnermut Sulisoqarnermullu Aqutsisoqarfilluunniit annertussusiliinngikkunik, ilaasussaatitaanngitsunullu akiliisitsinissamut piumasaqaatilersuinngikkunik, taava §2-mi allassimasut pisortaqarfimmut pineqartumut atuutsinneqassanngillat. Tassa imaappoq, pilersuisut akiligassanik nassiussigaangamik, paasissutissat suut akiligassamut allassanerlugit namminneq aalajangissavaat.
Tassunga peqqutaavoq inatsimmi § 3. Tassanimi ilaasussaatitaanngitsut pillugit eqqarsartoqarnissaa piumasaqataavoq. Ilaasussaatitaanngitsunut tunngasut annikitsuinnaasinnaapput.
§§ 3 aamma 4 -mi pisortaqarfiit namminneerlutik aalajangiiffigissavaat ilaasussaatitaannginnermut attuumassusillit qanoq annikitsigissanersut. Inatsisartuni ilaasortat tunngaviusumik inatsimmik suliaqarnerminni ersarissarpaat, Digitaliusunik akiligassiinissamut piumasaqaateqalernermi suliffeqarfiit minnerit, kisimiillunilu suliffeqarfimmik ingerlatsisut pisortaqarfinnik suleqateqarsinnaajunnaannginnissaat.
§ 5-imut
§ 5 -imi allassimasut pisortaqarfiit NemHandelsRegisteretimi nalunaarsorsimanissaannut taamaallaat attuumassuteqarput. NemHandelsRegisteretimi nalunaarsorneqarsimasut akiligassanik digitaliusunik pissarsisinnaapput, ataatsimullu aningaasaqarnermullu systemiminni akiligassanik suliaqarsinnaallutik.
§ 6-imut
Pisortaqarfiit pilersuisui akiligassamik nassiussileraangata pisortaqarfimmit minnerpaamik paasissutissat allassimasussat paasissutissiissutigineqassapput. Paasissutissat akiligassap aningaasaqarnermut systemimi ajunngitsumik suliarineqarnissaa qulakkeerniarpaa.
Pisortaqarfiit suliakkiuteqarnerminni imaluunniit akiligassamik nassiussisoqannginnerini paasissutissiissutigineqarsimanngippata, paasissutissiissutigineqarsinnaanngippataluunniit § 8-mi allassimasoq pisortaqarfimmit atorneqarsinnaanngilaq. Pisortaqarfiup nammineerluni pisuussutigaa pilersuisut akiligassamik digitaliusumik nassiussinnginnera.
Akileeriaatsip pitsaasumik ingerlanneqarnissaata qulakkeerneqarnissaanut innersuussutigaarput paasissutissat nalinginnaasut, pisortaqarfik pisiniaraangami kiffartuussissummilluunniit inniminniigaangami nassiuttassagai.
§ 7-mut
Imm. 1 -imi § 6-imi pisortaqarfinni akiligassat digitaliusut nammineerlutik suliarineqartarnissaannut piumasaqatit allanneqarsimapput. Pilersuisunit paasissutissat § 6-imi allassimasut atorneqassapput.
Imm. 2-mi pilersuisut pisortaqarfinnut assigiinngitsunut sullississutiminut ataatsimut digitalimik akiligassiisannginnissaat ersarissarneqarpoq. Akiligassat taamaattut aningaasaqarnermut systemimi nammineerluni suliarineqarsinnaanngilaq.
Pisortaqarfiit marluk arlallilluunniit tunisassiamik kiffartuussissummilluunniit ataatsimoorlutik inniminniisimagunik, immaqa soorlu akiligassaq annikinnerutinniarlugu allatigulluunnit pisiniarneq pisariinnerulersinniarlugu, taava pisortaqarfiit isumaqatigiissapput tunngaviusumik kina niuertuunersoq, taannalu pilersuisumut isumaqatiginninniartuussaaq. Tassa imaappoq, pisortaqarfik toqqarneqarsimasoq § 6-imi allassimasunik pilersuisumut tunniussissaaq. Pisortaqarfiit iluminni akiligassat namminneerlutik agguataassavaat.
Isumaqatigiissummili aamma pisiassaq kiffartuussissutissarluunniit pilersuisumut ersarissumik qanoq tunniunneqarnissaa allaqqasinnaavoq, aammalu pisortaqarfimmut sorlermut digilimik akiligassiaq nassiutissanersoq aammalu § 6-imi allassimasut pilersuisumut isumaqatigiissusiornermi imaluunniit inniminniinermi tunniussuinermilu pilersuisumut tunniunneqarsimassapput.
§ 8-mut
Imm. 1-imi tigusinermut tunngasut aalajangersarneqarput. Digitalimik akiligassaq aningaasaqarnermut systemimiilersimappat, taava tiguneqarsimassaaq. Tamanna isumaqarpoq akiliinissamut piumasaqaatit, pisortaqarfimmi sulisup akiliinissamut atatillugu akuersineq aallartippagu, aallartissasut.
Imm. 2-mi allassimasut digitalimik akiligassat digitalimik suliarineqarsinnaannginnerinut atatillugu itigartitsinermut attuumassuteqarput. Akiliinissamut ulluliussaq itigartitsisoqarneranut atatillugu qaangerneqarsimappat, taava akiliinissamut killiliussaq aatsaat atuutilissaaq digitalimik akiligassaq eqqortoq nassiunneqarpat. Akiliinissamut killigititaq tassaavoq, ulloq taanna akiliisimannginneq peqqutaalluni ernianik ilassuteqalernissamut ullugititaq.
Aalajangersakkami allassimasut atuutissappata, pisortaqarfiup § 6-imi pisussaatitaaffini naammassisimasariaqarpaa. Pisortaqarfiup pisussaatitaaffini naammassisimanngippagit, taava pisortaqarfiup pilersuisullu akornanni aaqqiisoqassaaq.
§ 8 -mi allassimasut tunngavigalugit pilersuisunut isumaqatigiissuteqarnermi digitalimik akiligassami allassimasunut allatigulluunniit isumaqatigiissummik naammassineqanngitsoortut aalajangiiffigineqarsinnaanngillat.
§ 9-mut
Siunnersuutigineqarpoq nalunaarut 1. maaji 2024 atuutilissasoq, taamaaliortoqassappat nalunaarut 2024-mi februaarip qeqqata nalaani atuuttulersinneqartariaqarpoq.