Siunnersuut uunga Kalaallit Nunaanni sulinermi ajoqusernermut isumannaarineq pillugu inatsisip allanngortinneqarnissaanut inatsit

Avataanut tusarniaanermut allagaq

Sullivinnik Nakkutilliisoqarfiup matumuuna Kalaallit Nunaanni sulinermi ajoqusernermut inatsisip allanngortinneqarnissaa pillugu inatsisissasut siunnersuummut missingiut tusarniaassutigalugu nassiuppaa.

Inatsisissatut siunnersuummut missingiummi pingaarnertut immikkoortut makkuupput:

• Ajutoornermik taaguutip oqinnerusunngortinneqarnera, taamaalillutik sulinermi ajutoornerit, ajoqusernernik anigorneqarsinnaasunik kinguneqartut, aamma sulinermi ajoqusernertut akuersaarneqarsinnaalerlutik.
• Akuersaarneq pillugu AES nammineq aalajangiisinnaaneranut inatsisitigut tunngavik. Taamaalilluni akuersaarnermut apeqqummi sulinermi ajoqusernerup kingunerisai aningorneqarsinnaanngitsut pillugit naliliineq utaqqineqassanngilaq.
• Sulinermi ajutoornerit nalunaarutigineqartarnerannik malittarisassanik allannguineq, taamaalillutik sulinermi ajutoornerit tamarmik ullup ajutoorfiusup saniatigut sulinngitsoorfiusut nalunaarutigineqartalissallutik.
• Taarsigassarsiat aningaasanngortinnerannut naleqqersuut nutaaq (t.i. taarsigassarsiat ingerlaavartut aningaasanngortinnerannut naleqqersuutit). Iluarsiineq tunngaveqarpoq, Kalaallit Nunaanni taarsigassarsiat aningaasanngortinnerannut naleqqersuutit atorneqartut, 1970-ikkunneersuummata. Taarsigassarsiat aningaasanngortinnerannut naleqqersuutit pisoqalisut kingunerisarpaat, taarsigassarsiat naleqassusaasa assigiinngissutaat annertusarmat, taarsigassarsiat aningaasanngorlutik tunniunneqarnersut (t.i. ataasiartumik tunniussineq), imaluunniit taarsigassarsiat ingerlaavartumik tunniunneqartarnersut apeqqutaasarluni. Taarsigassarsiat aningaasanngortinnerannut naleqqersuut nutaaq pingaarnertut siunertaqarpoq assigiinngissut naligiissilersissallugu.
• Sulinermi ajoqusernermut sillimmasiisarfik tunisassiamik inummik ajoqusiisoq, sulinermik ajoqusernermut isumannaanerinermut inatsimmut ilaatinneqartoq, pillugu tunisassiortumut imaluunniit niuertumut akunnermiliuuttumut akiliisitsinissamut piumasaqarsinnaatitaalissaaq, t.i. sulinermi ajoqusernermut sillimmasiisarfiit il.il. aningaasartuutitik matussusersinnaalissavaat.
• Ajoqusernermut sillimmasiinermut Garantifondip sillimmasiisarfiit pisussaaffeqarneri, sillimmasiisarfiup sulinermik ajoqusernermut sillimmasiisarfittut akuersissutaa arsaarinnissutigineqartillugu, tigusassavai.

Taamaalilluni inatsisissatut siunnersuut allannguutit naammassissavai, danskit sulinermi ajoqusernermut isumannaarineq pillugu inatsisaanni inatsisitigut nr. 550, 7. maj 2019-meersukkut aamma inatsisitigut nr. 2200, 29. december 2020-meersukkut, aamma ajoqusernermi sillimmasiisarfinnut garantifond pillugu inatsimmik allannguinermut inatsititigut, aningaasaliinermut peqatigiiffiit il.il. pillugit inatsisitigut, aningaasanik peqquserluutinik malunnarunnaarsaasarneq pillugu inatsisitigut aamma inatsisit assigiinngitsut allatigut (aningaasaliinernik killeqarfiit akimorlugit tuniniaanissamik nittarsaassinermi aningaasaliissunik annertusisamik illersuineq aamma aningaasaliissutinik il.il. qarasaasiakkut niuerfinni ilisimasalinnik nakkutilliinerup annertusinera) allannguinerit assingalugit. Tamatuma saniatigut iluarsiissutit annikitsut aamma inatsisitigut periutsinut tunngasut arlallit ingerlanneqarput.

Oqaaseqaatit nassiuteqquneqarput uunga Preben K. Hansen emailikkut pkh@at.dk aamma Torben Berg emailikkut tkb@at.dk . Oqaaseqaatit kingusinnerpaamik 30. 
december 2023-mi Sullivinnut Nakkutilliisoqarfiup tigoriissavai.

Inussiarnersumik inuulluaqqusilluta
Sullivinnik Nakkutilliisoqarfik