Quppernerup imarisaanut ingerlaqqigit
Oqaaseq toqqaruk

Kalaallisut ( Toqqarneqarpoq )

Qallunaatut

Nalunaarutit tallimat pillugit tusarniaaneq – upernaakkut aningaasaqarnermi inatsisiliornermut malitseqartitsineq

Tusarniaanerup suunera:Naalagaaffiup inatsisai
Saqqummiunneqarpoq:13-11-2023 14:20
Tusarniaanermi killigititaq:06-12-2023 16:00
Naalakkersuisoqarfik:Aningaasaqarnermut Akileraartarnermullu Naalakkersuisoqarfik
Tusarniaanermi akissutit nassiunneqassapput::ESLA@ftnet.dk og OED@nanoq.gl

Nalunaarutinut tallimanut missingiutit, aningaaserivinnut aamma taarsigassarsisitsisarfinnut ataasiakkaatut akiliisinnaassuseqarnermut ilassutip naammassineqarnissaanut aningaasaatit pillugit Kalaallit Nunaannut inatsit pillugit malitseqartitsisut ilanngunneqarput. Inatsisissatut allannguut, 2023-mi upernaakkut ataatsimiinnermi (UPA 2023/41) aningaasaqarnermut inatsisinut ilaavoq.

Nalunaarutinut missingiutit tallimat upernaami inatsisissatut siunnersuummut aningaasaliipput aamma piviusunngortitsillutik. Nalunaarutinut missingiutit tallimat tamarmik Kalaallit Nunaanni pissutsinut tulluarsagaapput, maannalu tusarniutigineqalerlutik. Tamatumani uku pineqarput:

  • Aningaaserivinnut aamma taarsigassarsisitsisarfinnut ataasiakkaatut akiliisinnaassuseqarnermut ilassutip naammassineqarnissaanut aningaasaatit pillugit Kalaallit Nunaannut nalunaarut (nutaaq)
  • Suliffeqarfinnut aalajangersimasumik kasuussaanaveeqqutitut akigititamik kontracykliskiusumik naatsorsuineq, aningaasat agguaassat qaffasinnerpaat aamma suliffeqarfiit aningaasarsiornermik ingerlataqartut ilaannut aningaasaatinik allannguitsaaliuinermik pilersaarut pillugit Kalaallit Nunaannut nalunaarut.
  • Taarsigassarsisitsinissamut sammivinnik qularnaatilinnik, aningaasaatit tunngaviinik aammalu akiliisinnaassusermik pisariaqartitsinermik naatsorsuinerit pillugit Kalaallit Nunaannut nalunaarut.
  • Systeminut tunngasumik kasuussaannaveeqqutip naatsorsorneqarnissaa pillugu Kalaallit Nunaannut nalunaarut (nutaaq).
  • Aningaaserivinni il. il. aqutsisoqarneq ingerlatsisoqarnerlu pillugit nalunaarut.

Tusaniaanermut akissuteqarnissamut killigititaq: 6. december 2023.

Nalunaarutinut/nalunaarutinut allanngortitanut tusarniaanermut akissutit e-mailikkut ESLA@ftnet.dk aamma OED@nanoq.gl CC-kkut ilanngullugu nassiuteqquneqarput: imalluunniit allagakkut Aningaaserivinnik Nakkutilliisoqarfimmut, Strandgade 29, 1401 København K, uunga: Esben Holtt Langlet nassiuteqquneqarput.

Nalunaarutit/nalunaarutit allanngortitat 1. februar 2024-mi atulernissaat anguniarneqarpoq.