Uunga siunnersuutip tusarniutigineqarnera: Illunut sanaqataaffiusunut taarsigassarsiat pillugit Inatsisartut inatsisaata allanngortinneqarnera pillugu Inatsisartut inatsisaat
Tusarniaanerup suunera:Inatsisartut inatsisaat
Saqqummiunneqarpoq:10-10-2023 14:55
Tusarniaanermi killigititaq:31-10-2023 13:00
Naalakkersuisoqarfik:Ineqarnermut Attaveqaasersuutinuullu Naalakkersuisoqarfik
Tusarniaanermi akissutit nassiunneqassapput::box909@nanoq.gl
(Illunut sanaqataaffiusunut kommunimit taarsigassarsiat, illunillu sanaqataaffiusunik il.il. aserfallatsaaliuinissamut, nutarterinissamullu taarsigassarsiat tapiissutillu)
Uunga siunnersuut: Illunut sanaqataaffiusunut taarsigassarsiat pillugit Inatsisartut inatsisaata allanngortinneqarnera pillugu Inatsisartut inatsisaat (Illunut sanaqataaffiusunut kommunimit taarsigassarsiat, illunillu sanaqataaffiusunik il.il. aserfallatsaaliuinissamut, nutarterinissamullu taarsigassarsiat tapiissutillu), matumuuna tamanut tusarniutigineqarpoq.
Innuttaasut amerlanersaat illunik imminnut pilersorsinnaanissaat anguniarneqarpoq. Inuit illoqarfinni, nunaqarfinnilu mikinerusuni najugaqartut namminneq illuuteqalersinnaanissaannut Illunut sanaqataaffiusunut Inatsisartut inatsisaat tapersiivoq.
Illunik sanaqataaffiusunik sanaartornissamut, pissarsinissamulluunniit kommunit taarsigassarsisitsinissaanni massakkut malittarisassaasuni piumasaqaataavoq, aningaasartuutissat ilaannik taarsigassarsisoq nammineerluni aningaasalersuissasoq. Inoqutigiit isertitaqqortusiartornerat ilutigalugu, taarsigassarsitinneqartup nammineq aningaasalersuinissaanut piumasaqaataasut annertusiartortarput. Aningaaserivimmit imaluunniit pigisanik aalaakkaasunik qularnaveeqqusiilluni taarsigassarsisitsisarfinnit taarsigassarsinikkut, nammineq aningaasalersugassat aningaasalersorneqakkajuttarput. Taamaakkaluartoq oqaatigineqartariaqarpoq, illunik sanaqataaffiusunik sanaartornissami imaluunniit pissarsinissami aningaaserivimmit imaluunniit pigisanik aalaakkaasunik qularnaveeqqusiilluni taarsigassarsisitsisarfinnit taarsigassarsitinneqarsinnaanissaq ajornartorsiutinik nassataqartarmat.
Illunik sanaqataaffiusunik pisinissap, pissarsinissalluunniit aningaasalersorneqarnissaanut pigisanik aalaakkaasunik qularnaveeqqusiilluni taarsigassarsisitsisarfiit piumasaqaatigisaat assipalugalugit, kommunit taarsigassarsisitsisinnaanissaannut siunnersuut manna periarfissiivoq. Qinnuteqartup inoqutigiittut isertitai apeqqutaatinnagit, taarsigassarsiissutigineqartulli amerlassusilerneqarnissaanni isertitat apeqqutaatillugit kommunit taarsigassarsisitsisinnaanissaannut siunnersuut periarfissiivoq.
Illumik sanaqataaffiusumik il.il. pisinissami aningaasartuutissat 100%-ii tikillugit kommunalbestyrelsit taarsigassarsisitsisinnaassasut siunnersuutigineqarpoq. Taassumap saniatigut aningaasartuutissat taarsigassarsiffiusinnaasut aamma taassaasinnaapput pilersaarusiornermut, toqqaviliornermut, ilitsersuisumit ikiorserneqarnermut kiisalu innaallagissap erngullu aqqutaannut, kuuffissuarnullu attavilersinnissami aningaasartuutit.
Illumik sanaqataaffisumik pisinissami aningaasartuutissanut tamanut, matumani sanaartorfigissaanermut aningaasartuutissat aamma innaallagissap erngullu aqqutaannut, kuuffissuarnullu attavilernissamut pisortat piumasaqarnerisa kingunerisaanik aningaasartuutissat ilanngullugit, kommunalbestyrelsi taarsigassarsisitsisinnaassasoq siunnersuutip kingunerissavaa.
Taarsigassarsitinneqarnissaminik qinnuteqartoq 25.000,00 koruuninik nammineerluni akiliuteqassasoq siunnersuutigineqarpoq. Nammineq akiliutissat aalajangersimapput, qinnuteqartullu inoqutigiittut isertitaannut naleqqussarneqassanatik. Qinnuteqartoq inoqutigiittut qanoq isertitaqaraluarpalluunniit, kommunalbestyrelsip taarsigassarsiissutigisai appartinneqartassanngillat.
Pisortat taarsigassarsiissutigisaat ukiuni 20-ni amerlaqatigiinnik akilersugassanngorlugit taarsigassarsiissutigineqassasut siunnersuutigineqarpoq. Taarsigassarsiissutigineqartunut erniarititaq 3%-pointimik ilallugu taarsigassarsiissutigineqartut ernialersorneqassasut siunnersuutigineqarpoq.
Ilanngaatissat ilanngaatiginagit ukiumut akiliutissat ilaannik taarsigassarsisoq akiliuteqartassasoq siunnersuutigineqarpoq. Taarsigassarsitinneqartup inoqutigiittut isertitai 300.000 koruunit sinnersimatillugit, taarsigassarsitinneqartup inoqutigiittut isertitaasa 35%-iisa nalinganik taarsigassarsisup akiligassai naatsorsorneqassapput.
Illumik sanaqataaffiusumik sanaartornissamut imaluunniit tigusinissamut taarsigassarsiniaq aningaaserivimmit aamma/imaluunniit pigisanik aalaakkaasunik qularnaveeqqusiilluni taarsigassarsisitsisarfinnit taarsigassarsitinneqarsinnaanersoq apeqqutaajunnaassammat, illunut sanaqataaffiusunut taarsigassarsisinnaanermut siunnersuut ajornannginnerulersitsissasoq naatsorsuutigineqarpoq.
Siunersuutip tunuliaqutaa, siunertaa, imarisaalu annertunerusumik paasisaqarfiginissaannut, siunnersuummut nassuiaatit ilanngullugit nassiunneqartut innersuussutigineqarput.
Oqaaseqaataasinnaasut Ineqarnermut Attaveqasersuutinullu Naalakkersuisoqarfimmut kingusinnerpaamik 2023-mi 31. oktobari, nal. 12 nassiunneqarsimaqquneqarput. Oqaaseqaatit naalakkersuisoqarfiup pisortatigoortumik mailadressianut box909@nanoq.gl-imut imaluunniit uunga nassiunneqassapput:
Ineqarnermut Attaveqaasersuutinullu Naalakkersuisoqarfik
Postboks 909
3900 Nuuk
Innuttaasut amerlanersaat illunik imminnut pilersorsinnaanissaat anguniarneqarpoq. Inuit illoqarfinni, nunaqarfinnilu mikinerusuni najugaqartut namminneq illuuteqalersinnaanissaannut Illunut sanaqataaffiusunut Inatsisartut inatsisaat tapersiivoq.
Illunik sanaqataaffiusunik sanaartornissamut, pissarsinissamulluunniit kommunit taarsigassarsisitsinissaanni massakkut malittarisassaasuni piumasaqaataavoq, aningaasartuutissat ilaannik taarsigassarsisoq nammineerluni aningaasalersuissasoq. Inoqutigiit isertitaqqortusiartornerat ilutigalugu, taarsigassarsitinneqartup nammineq aningaasalersuinissaanut piumasaqaataasut annertusiartortarput. Aningaaserivimmit imaluunniit pigisanik aalaakkaasunik qularnaveeqqusiilluni taarsigassarsisitsisarfinnit taarsigassarsinikkut, nammineq aningaasalersugassat aningaasalersorneqakkajuttarput. Taamaakkaluartoq oqaatigineqartariaqarpoq, illunik sanaqataaffiusunik sanaartornissami imaluunniit pissarsinissami aningaaserivimmit imaluunniit pigisanik aalaakkaasunik qularnaveeqqusiilluni taarsigassarsisitsisarfinnit taarsigassarsitinneqarsinnaanissaq ajornartorsiutinik nassataqartarmat.
Illunik sanaqataaffiusunik pisinissap, pissarsinissalluunniit aningaasalersorneqarnissaanut pigisanik aalaakkaasunik qularnaveeqqusiilluni taarsigassarsisitsisarfiit piumasaqaatigisaat assipalugalugit, kommunit taarsigassarsisitsisinnaanissaannut siunnersuut manna periarfissiivoq. Qinnuteqartup inoqutigiittut isertitai apeqqutaatinnagit, taarsigassarsiissutigineqartulli amerlassusilerneqarnissaanni isertitat apeqqutaatillugit kommunit taarsigassarsisitsisinnaanissaannut siunnersuut periarfissiivoq.
Illumik sanaqataaffiusumik il.il. pisinissami aningaasartuutissat 100%-ii tikillugit kommunalbestyrelsit taarsigassarsisitsisinnaassasut siunnersuutigineqarpoq. Taassumap saniatigut aningaasartuutissat taarsigassarsiffiusinnaasut aamma taassaasinnaapput pilersaarusiornermut, toqqaviliornermut, ilitsersuisumit ikiorserneqarnermut kiisalu innaallagissap erngullu aqqutaannut, kuuffissuarnullu attavilersinnissami aningaasartuutit.
Illumik sanaqataaffisumik pisinissami aningaasartuutissanut tamanut, matumani sanaartorfigissaanermut aningaasartuutissat aamma innaallagissap erngullu aqqutaannut, kuuffissuarnullu attavilernissamut pisortat piumasaqarnerisa kingunerisaanik aningaasartuutissat ilanngullugit, kommunalbestyrelsi taarsigassarsisitsisinnaassasoq siunnersuutip kingunerissavaa.
Taarsigassarsitinneqarnissaminik qinnuteqartoq 25.000,00 koruuninik nammineerluni akiliuteqassasoq siunnersuutigineqarpoq. Nammineq akiliutissat aalajangersimapput, qinnuteqartullu inoqutigiittut isertitaannut naleqqussarneqassanatik. Qinnuteqartoq inoqutigiittut qanoq isertitaqaraluarpalluunniit, kommunalbestyrelsip taarsigassarsiissutigisai appartinneqartassanngillat.
Pisortat taarsigassarsiissutigisaat ukiuni 20-ni amerlaqatigiinnik akilersugassanngorlugit taarsigassarsiissutigineqassasut siunnersuutigineqarpoq. Taarsigassarsiissutigineqartunut erniarititaq 3%-pointimik ilallugu taarsigassarsiissutigineqartut ernialersorneqassasut siunnersuutigineqarpoq.
Ilanngaatissat ilanngaatiginagit ukiumut akiliutissat ilaannik taarsigassarsisoq akiliuteqartassasoq siunnersuutigineqarpoq. Taarsigassarsitinneqartup inoqutigiittut isertitai 300.000 koruunit sinnersimatillugit, taarsigassarsitinneqartup inoqutigiittut isertitaasa 35%-iisa nalinganik taarsigassarsisup akiligassai naatsorsorneqassapput.
Illumik sanaqataaffiusumik sanaartornissamut imaluunniit tigusinissamut taarsigassarsiniaq aningaaserivimmit aamma/imaluunniit pigisanik aalaakkaasunik qularnaveeqqusiilluni taarsigassarsisitsisarfinnit taarsigassarsitinneqarsinnaanersoq apeqqutaajunnaassammat, illunut sanaqataaffiusunut taarsigassarsisinnaanermut siunnersuut ajornannginnerulersitsissasoq naatsorsuutigineqarpoq.
Siunersuutip tunuliaqutaa, siunertaa, imarisaalu annertunerusumik paasisaqarfiginissaannut, siunnersuummut nassuiaatit ilanngullugit nassiunneqartut innersuussutigineqarput.
Oqaaseqaataasinnaasut Ineqarnermut Attaveqasersuutinullu Naalakkersuisoqarfimmut kingusinnerpaamik 2023-mi 31. oktobari, nal. 12 nassiunneqarsimaqquneqarput. Oqaaseqaatit naalakkersuisoqarfiup pisortatigoortumik mailadressianut box909@nanoq.gl-imut imaluunniit uunga nassiunneqassapput:
Ineqarnermut Attaveqaasersuutinullu Naalakkersuisoqarfik
Postboks 909
3900 Nuuk