Sinerissap qanittuani 2024-mi arnarlunniarnermi TAC-p aalajangersarneqarnera
Nipisanut Total Allowable Catch (TAC)-p aalajangersarneqarneranut tusarniaanermut allakkiaq oqaasertalik saqqummiunneqarpoq. TAC-imut agguagassanullu tunngavilersuutit siunnersuutillu 1 aamma 2 ilanngussatut ilanngunneqarput. Qallunaatut kalaallisullu tusarniaanermit akissuteqarnissamik piffissaliussaq tassaavoq ulloq 3. november - 2023 uunga apn@nanoq.gl Akissuteqannginneq siunnersuummik nassiunneqartumik akuersinertut isigineqassaaq.
Kitaanut tamarmut nipisattassanik Pinngortitaleriffimmit (P) ilisimatuussutsikkut ukiut ataasikkaarlugit siunnersuisoqartarpoq.
2023-mi pisat 2022-mut sanilliullugit 19 %-imik amerleriarput ukiunilu 2010-2023 aatsaat taamak amerlatigalutik. Taamaattumik aalisarneq ukiut siuliinut sanilliullugu pitsaanersumik ingerlanneqartalernikuuvoq. 2023-imi pisassanit qaqinneqartut 1.407 tonsiupput, tassalu TAC-issatut siunnersuutigineqartut taamaallaat 4,6 %-imik inorlugit. Taamaasillutik pisassat tamangajalluinnarmik pisarineqarsimapput. Siunnersuusiat uani tusarniaanermi allakkiani kakkiunneqarpoq.
Pinngortitaleriffimmit ilisimatuussutsikkut siunnersuinerit naapertorlugit 2024-mi nipisannut TAC 1.475,3 tonsiusussatut inassutigineqarpoq. Takussutissiaq 1 takuuk.
Takussutissiaq 1. 2023-mi siunnersuinerit, pisassat pisassanillu qaqitat, kiisalu Kitaani 2024-mi nipisannut TAC-issatut siunnersuinersuineq siunnersuutigineqartorlu (tons)
| 2023 | 2024 | |
| Siunnersuineq | 1.475,3 | 1.475,3 |
| TAC | 1.475,3 | 1.475,3 |
| Pisassiissutinit ilanngaatit | 1.407 | - |
Aqutsinissamik pilersaarummi nipisanniarnermi aqutsiveqarfikkaartumik TAC-mik agguataarinermi agguaasseriaaseq aalajangersarneqarpoq. Ukiut pingasut siuliini aalisarneq naapertorlugu agguaasseriaaseq tunngavigalugu TAC ukiut tamaasa agguataarneqartarpoq. Tamatuma kingorna immikkoortunut pisassiisoqartarpoq, taakkunanngalu 80 %-it agguaariaaseq naapertorlugu tunniunneqartarput, kingulliillu 20 %-it assigiimmik NAFO-mi sumiiffiliilluni immikkoortunut agguaanneqartarlutik.
Nunatta Kitaani arnarlunniarnermi aqutsinissamut pilersaarummi agguaasseriaatsit kiisalu pisassanit qaqinneqarsimasut ilanngussaq 2-mi nalunaarsorneqarneri naapertorlugit 2024-mi TAC -ip takussutissiaq 2-mi allaaserineqartutut agguaanneqarnissaat inassutigineqarpoq.
Takussutissiaq 2. 2024-mi nipisattassatut illikartitat NAFO-mi oqartussaaffikkaarlugit agguarneqarneri (tons)
| 2024-mi pisassatut illikartitat | |
| NAFO 1A | 182,0 |
| NAFO 1Ba | 178,8 |
| NAFO 1Bb | 93,0 |
| NAFO 1C | 354,7 |
| NAFO 1D | 324,6 |
| NAFO 1E | 210,0 |
| NAFO 1F | 132,1 |
| Katillugu | 1.475,3 |