Fødevarestyrelsip Ruslandip tungaanut killilersuutaasunik iliuuseqarnis-samik nalunaarutitut missingiuussaa pillugu tusarniaaneq
Fødevarestyrelsip matumani nassiuppaa Ruslandip tungaanut killilersuutaasunik iliuuseqarnissamik nalunaarutitut missingiuussaa pillugu tusarniaassut
Namminersorlutik Oqartussat qinnuvigineqarput tusarniaassut Kalaallit Nunaanni naalakkersuisoqarfinnut attaveqartunullu pineqartumut attuumassuteqartunut nassiussoqqullugu akissutaasullu Fødevarestyrelsimut uterteqqullugit. Fødevare-styrelsimiit inussiarnersumik qinnutigineqarpoq akissutaasinnaasut kingusinner-paamik ulloq 6. oktober 2023 tigusimanissaat. Oqaaseqaatigiumasat 16@fvst.dk-mut nassiuteqquneqarput assilinerilu uunga henta@fvst.dk-mut nassi-uteqquneqarlutik ilisarnaatitut allallugu journalnummer 2022-16-31-00452.
Siunertaq atuutilerfissarlu
Nalunaarut atorlugu isumannaarumaneqarpoq Fødevarestyrelsip Kalaallit Nuna-anni uumasunit pinngortunut nerisassianullu atatillugu suliaqarnermini EU-p Rus-landimut killilersuutaasunik iliuuserisaanik unioqqutitsisoqannginnissaa. Toq-qartumik isumannaarneqassaaq Fødevarestyrelsip avammut tunisassiorsinnaa-nermik itigartitsinermik pisinnaatitaaffia, pineqartillugit nioqqutissat akisune-rusut/akimanerusut aammalu tunisassiat aaliangersimasut, Ruslandip suliffeqar-fissuisa piginnaasatigut nukittorsaatigisinnaasai. Kiisalu isumannaarneqassaaq Fødevarestyrelseip pisinnaatitaaffia Ruslandimit tunisassassiat ilaasa Kalaallit Nunaannut eqqunniarneqartut nakkutiginnilluni misissornissaannut itigartitsisin-naanera.
Nalunaarutip ilannguppai Rådip (Siunnersuisoqatigiit) peqqussutaanut (EU) nr. 833/2014, 31. juli 2014-imeersumut Ruslandip Ukrainimi eqqissisimanermik aseruiulluni iliuuserisaanut atatillugu allatarisimasai.
Naatsorsuutigineqarpoq nalunaarut atuutilissasoq ulloq 1. november 2023 aallar-nerfigalugu.
Qulaani allanneqartunut nalunaarummullu atatillugu apeqqutissaqartut tikillu-aqquneqarput ataani atsiortumut saaffiginninnissamut aqqutigalugu mail henta@fvst.dk.