Kalaallit Nunaanni NemID pillugu Kalaallit Nunaannut inatsisip atorunnaarsinneqarnissaa pillugu nalunaarutissatut missingiut kiisalu MitID, NemLog-in aamma Inuussutissarsiutilinnut MitID pillugit nalunaarutit, kiisalu Kalaallit Nunaanni NemID pillugu Kalaallit Nunaannut inatsisip atorunnaarsinneqarnissaa pillugu nalunaarut pillugu tusarniaaneq

Inuinnaat aamma suliffeqarfinni assigisaanilu sulisunut pisortatigoortumik digitalimik atsiornertalimmik NemID-mik pilersitsisarneq pillugu inatsisip Kalaallit Nunaanni atuutilersinneqarnissaannik peqqussutip, kunngip peqqussutaatigut atuutilersinneqartup, atorunnaarsinneqarnissaa pillugu Kalaallit Nunaannut nalunaarutissatut missingiut ilanngunneqartoq pillugu Danmarkimi Digitaliseringsstyrelsi oqaaseqaateqartoqassappat oqaaseqaateqaqqusivoq. Peqqussummi nr. 2090-imi 23. novembari 2021-imeersumi § 25 malillugu aamma Naalakkersuisut isumaqatigiinniarfigereerlugit peqqussut aalajangersarneqarpoq.

Inuinnaat aamma suliffeqarfinni assigisaanilu sulisunut pisortatigoortumik digitalimik atsiornertalimmik NemID-mik pilersitsisarneq pillugu inatsit nr. 439, 8. maj 2018-imeersoq, kunngip peqqussutaatigut nr. 1484-ikkut, 11. december 2018-imeersukkut Kalaallit Nunaannut atuutilersinneqartoq, nalunaarutip atorunnaarsippaa.

Aammattaaq MitID aamma NemLog-in pillugit inatsimmi, kunngip peqqussutaatigut Kalaallit nunaannut atuutilersinneqartumi aalajangersakkat ilaasa atuutilersinneqarnissaat pillugit nalunaarummut missingiut ilanngunneqartoq pillugu Danmarkimi Digitaliseringsstyrelsi oqaaseqaateqartoqassappat oqaaseqaateqaqqusivoq. MitID aamma NemLog-in pillugit inatsisip Kalaallit Nunaannut atuutilernissanut peqqussummi nr. 2090-imi, 23. novembari 2021-imeersumi § 24 malillugu nalunaarut aalajangersarneqarpoq.

MitID aamma NemLog-in pillugit inatsisip Kalaallit Nunaannut atuutilernissanut peqqussummi aalajangersakkat sinneruttut nalunaarutip atuutilersippai. Pingaartumik NemLog-in pillugu aalajangersakkat ilaatinneqarput, matumani NemLog-inip sullissinermut suliassaqarfii ilanngullugit. Aammattaaq peqqussummi § 5, imm. 2 ilaatinneqarpoq, tassani Kalaallit Nunaanni kommunit MitID-mik ingerlatsinissamik pisussaaffilerneqarput aamma Danmarkimi Digitaliseringsstyrelsi taakkuninnga nakkutilliisussatut pisussaaffilerneqarluni.

Aammattaaq Inuussutissarsiutilinnut MitID aamma Inuussutissarsiutilimmut inuttut MitID pillugit Kalaallit Nunaannut nalunaarutissatut missingiummut Danmarkimi Digitaliseringsstyrelsi oqaaseqaateqartoqassappat oqaaseqaateqaqqusivoq. MitID aamma NemLog-in pillugit inatsisip Kalaallit Nunaannut atuutilernissaanut peqqussummi nr. 2090, 2021-imeersumi § § 4, imm. 2, § 5, aamma § 9, imm. 4, aamma § 10 malillugit nalunaarut aalajangersarneqarpoq.

Suliffeqarfiit oqartussaasullu Danmarkimi Digitaliseringsstyrelsip digitaliusumik aaqqiissutanik: Inuussutissarsiutilinnut MitID-mik kiisalu Inuussutissarsiutilimmut inuttut MitID-mik atuinissamut nalunaarut erseqqinnerusunik malittarisassanik imaqarpoq. Kalaallit Nunaanni inuussutissarsiuteqartutut atuisunut nalunaarut toraarinnippoq, aamma inatsimmi aalajangersakkat malitsigisaannik inuussutissarsiutilinnut nalunaarut aqqutigalugu pisortat suliffeqarfiillu namminersortut Inuussutissarsiutilinnut MitID-mik aamma Inuussutissarsiutilimmut inuttut MitID-mik atuisinnaanerat qulakkeerneqarpoq.

Naggataagut pisortani oqartussaasunut pisortanilu pisortat pillugit inatsiseqartitsinermut tunngasunik sullissivinnut MitID-mik aaqqiissummik aamma NemLog-in pillugit atugassiineq atuinerlu pillugit Kalaallit Nunaannut nalunaarutissatut missingiut ilanngunneqartoq pillugu Danmarkimi Digitaliseringsstyrelsi oqaaseqaateqartoqassappat oqaaseqaateqaqqusivoq. MitID aamma NemLog-in pillugit inatsisip Kalaallit Nunaannut atuutilernissaanut peqqussummi nr. 2090, 2021-imeersumi § 5, imm. 1, § 10, § 15, imm. 2, § 16 aamma § 18, imm. 2 malillugit nalunaarut aalajangersarneqarpoq.

Kalaallit Nunaanni pisortani oqartussaasunut pisortanilu pisortat pillugit inatsiseqartitsinermut tunngasunik sullissivinnut MitID-mik aaqqiissummik aamma NemLog-in pillugit Danmarkimi Digitaliseringsstyrelsip atugassiineranut piumasaqaatit erseqqinnerusut nalunaarutip aalajangersarpai. Kalaallit Nunaanni suliffeqarfiit namminersortut aaqqiissutinik atuinerat nalunaarutip malittarisassiunngilai, tassami piumasaqaatit pillugit isumaqatigiissutinik tunngaveqartumik taakku aaqqiissutinik atuimmata.

Aaqqiissutinut § 11-imi nalunaarut akiliinerit pillugit aalajangersakkanik imaqarmat, Danmarkimi Digitaliseringsstyrelsip maluginiarpaa. Log-in aamma atuisup aalajangersimasup kinaassusaata nakkutigineqarnera uppernarsarneqarneralu aamma Digitaliusumik atsiornerit pillugit atuinerminnut Kalaallit Nunaanni pisortani oqartussaasut pisortanilu pisortat pillugit inatsiseqartitsinermut tunngasunik sullissiviit akiliutissanik akiliinerat, taakku oqartussaaffittut suliassamik suliarinnippata, pisortat ataatsimoorussamik aningaasalersuinerannit akilerneqassaaq.

Nalunaarutinut oqaaseqaaseqaateqartoqarusuppat oqaaseqaatigiumasat kingusinnerpaamik marlunngorneq ulloq 29. august 2023 nalunaaqutaq 12.00 Danmarkimi Digitaliseringsstyrelsip tigussallugit noqqaassutigissavai.

Oqaaseqaateqartoqarusuppat oqaaseqaatit ukununnga nassiuteqquneqarput NANABI@digst.dk, FREGOD@digst.dk aamma KMDS-sekretariat@digst.dk.

Oqartussaasut suleqatigiiffiillu il.il. tusarniaavigineqartut pillugit nalunaarsuut ilanngunneqarpoq.

Tusarniaanermut akissutit nalunaarutit atulersinneqarneranni tusarniaanermut ammaassivimmi https://hoeringsportalen.dk-mi tamanut saqqummiunneqassapput.

Inussiarnersumik inuulluaqqusillunga

Nanna Abildskov
Siunnersortaaneq
Kontor for MitID Erhverv og digitale serviceområder