Utoqqalinersiaqarneq pillugu Inatsisartut inatsisaat
Tusarniaanerup suunera:Inatsisartut inatsisaat
Saqqummiunneqarpoq:06-07-2023 10:35
Tusarniaanermi killigititaq:28-07-2023 00:00
Naalakkersuisoqarfik:Isumaginninnermut, Ilaqutariinnut, Suliffeqarnermut Nunamullu Namminermut Naalakkersuisoqarfik
Tusarniaanermi akissutit nassiunneqassapput::isn@nanoq.gl
Matumuuna Isumaginninnermut, Suliffeqarnermut Nunamullu Namminermut Naalakkersuisoqarfiup utoqqalinersiaqarneq pillugu Inatsisartut inatsisaata allanngortinneqarnera pillugu Inatsisartut inatsisissaattut siunnersuut tamanut ammasumik tusarniaassutigalugu nassiuppaa.
Tunuliaqut
2023-mi februarimi Naalakkersuisut utoqqaat pillugit periusissiaat Naalakkersuisut saqqummiuppaat. Periusissiami tassani utoqqalinersialinnut pilersuisussaatitaanerup atorunnaarsinneqarnissaa siunnersuutigineqarpoq. Ilanngullugu takuneqarsinnaavoq, utoqqalinersiaqarneq pillugu Inatsisartut inatsisaat pillugu allannguutissatut siunnersuummik saqqummiussinissamut Naalakkersuisut kissaateqartut, taamaalilluni aapparisap isertitai tunngavigalugit nalimmassaasarneq peerneqassalluni.
2023-mi Inatsisartut upernaakkut ataatsimiinneranni Inatsisartut aalajangiiffigisassaattut siunnersuutit marluk ilanngullugu saqqummiunneqarput, utoqqalinersianik naatsorsuinermi aapparisap isertitai tunngavigalugit nalimmassaasoqartarunnaarluni.
Tamatumunnga atatillugu Naalakkersuisut allannguutissatut siunnersuummik saqqummiussipput, kingornalu utoqqalinersiaqarneq pillugu inatsisip allannguutissatut siunnersuummik Naalakkersuisut saqqummiusseqqullugit peqquneqarlutik, taamaalilluni aapparisap isertitai tunngavigalugit utoqqalinersianik nalimmassaasarneq peerneqarluni.
Tamanna tunngavigalugu utoqqalinersiaqarneq pillugu Inatsisartut inatsisaannik Naalakkersuisut allannguutissatut siunnersuummik matumannga suliaqarput, pensioninik naatsorsuinermi aapparisap isertitai apeqqutaajunnaarsinneqarlutik.
Imarisai
Utoqqalinersiaqartunut utoqqalinersianut tapinik naatsorsuinermi aapparisap isertitai siunnersuummi apeqqutaajunnaarsinneqarput.
Taamaalilluni utoqqalinersiaqartup aapparisaata inooqataataluunniit isertitai utoqqalinersiaqartumut utoqqalinersianut tapinik naatsorsuinermi sunniutaarutissapput.
Tamatuma kingorna utoqqalinersianut tapeq pillugu naatsorsuineq taamaallaat utoqqalinersiaqartup nammineq isertitai tunngavigalugit ingerlanneqartalissaaq, toqqammaviusumik aningaasartat assingalugit.
Taamaalilluni siunnersuummi naatsorsuinerit aamma ikiorsiissutit annertussusaat utoqqalinersiallit aappaannut inooqataannulluunniit attuumassuteqarunnaarput.
Siunnersuummili utoqqalinersialinnut kisimiittunut aamma utoqqalinersialinnut aappalinnut akit attanneqarput. Taamaalilluni utoqqalinersialinnut kisimiittunut aamma utoqqalinersialinnut aappalinnut utoqqalinersianut tapit nikingassuteqaannassapput.
Tusarniaanermut piffissaliussaq
Oqaaseqaatit Isumaginninnermut, Suliffeqarnermut Nunamullu Namminermut Naalakkersuisoqarfimmut nassiuteqquneqarput uunga isn@nanoq.gl kingusinnerpaamik ulloq 28. juli 2023.
Tunuliaqut
2023-mi februarimi Naalakkersuisut utoqqaat pillugit periusissiaat Naalakkersuisut saqqummiuppaat. Periusissiami tassani utoqqalinersialinnut pilersuisussaatitaanerup atorunnaarsinneqarnissaa siunnersuutigineqarpoq. Ilanngullugu takuneqarsinnaavoq, utoqqalinersiaqarneq pillugu Inatsisartut inatsisaat pillugu allannguutissatut siunnersuummik saqqummiussinissamut Naalakkersuisut kissaateqartut, taamaalilluni aapparisap isertitai tunngavigalugit nalimmassaasarneq peerneqassalluni.
2023-mi Inatsisartut upernaakkut ataatsimiinneranni Inatsisartut aalajangiiffigisassaattut siunnersuutit marluk ilanngullugu saqqummiunneqarput, utoqqalinersianik naatsorsuinermi aapparisap isertitai tunngavigalugit nalimmassaasoqartarunnaarluni.
Tamatumunnga atatillugu Naalakkersuisut allannguutissatut siunnersuummik saqqummiussipput, kingornalu utoqqalinersiaqarneq pillugu inatsisip allannguutissatut siunnersuummik Naalakkersuisut saqqummiusseqqullugit peqquneqarlutik, taamaalilluni aapparisap isertitai tunngavigalugit utoqqalinersianik nalimmassaasarneq peerneqarluni.
Tamanna tunngavigalugu utoqqalinersiaqarneq pillugu Inatsisartut inatsisaannik Naalakkersuisut allannguutissatut siunnersuummik matumannga suliaqarput, pensioninik naatsorsuinermi aapparisap isertitai apeqqutaajunnaarsinneqarlutik.
Imarisai
Utoqqalinersiaqartunut utoqqalinersianut tapinik naatsorsuinermi aapparisap isertitai siunnersuummi apeqqutaajunnaarsinneqarput.
Taamaalilluni utoqqalinersiaqartup aapparisaata inooqataataluunniit isertitai utoqqalinersiaqartumut utoqqalinersianut tapinik naatsorsuinermi sunniutaarutissapput.
Tamatuma kingorna utoqqalinersianut tapeq pillugu naatsorsuineq taamaallaat utoqqalinersiaqartup nammineq isertitai tunngavigalugit ingerlanneqartalissaaq, toqqammaviusumik aningaasartat assingalugit.
Taamaalilluni siunnersuummi naatsorsuinerit aamma ikiorsiissutit annertussusaat utoqqalinersiallit aappaannut inooqataannulluunniit attuumassuteqarunnaarput.
Siunnersuummili utoqqalinersialinnut kisimiittunut aamma utoqqalinersialinnut aappalinnut akit attanneqarput. Taamaalilluni utoqqalinersialinnut kisimiittunut aamma utoqqalinersialinnut aappalinnut utoqqalinersianut tapit nikingassuteqaannassapput.
Tusarniaanermut piffissaliussaq
Oqaaseqaatit Isumaginninnermut, Suliffeqarnermut Nunamullu Namminermut Naalakkersuisoqarfimmut nassiuteqquneqarput uunga isn@nanoq.gl kingusinnerpaamik ulloq 28. juli 2023.