Atuarfimmi atuartitsissutini atuartitsissutinilu qanitariissuni alloriarfiit siunertaat kiisalu atuartitsissutit siunertaat ilikkagassatullu anguniagassat pillugit Namminersorlutik Oqartussat nalunaarutissaannut siunnersuutip tusarniaassutiginera
Tusarniaanerup suunera:Namminersorlutik Oqartussat nalunaarutaat
Saqqummiunneqarpoq:10-05-2023 13:21
Tusarniaanermi killigititaq:07-06-2023 00:00
Naalakkersuisoqarfik:Ilinniartitaanermut, Kultureqarnermut, Timersornermut Ilageeqarnermullu Naalakkersuisoqarfik
Tusarniaanermi akissutit nassiunneqassapput::ikiin@nanoq.gl
Matumuuna Ilinniartitaanermut, Kultureqarnermut, Timersornermut Ilageeqarnermullu Naalakkersuisoqarfiup kakkigullugu tusarniaassutitut nassiuppaa Atuarfimmi atuartitsis-sutini atuartitsissutinilu qanitariissuni alloriarfiit siunertaat kiisalu atuartitsissutit siunertaat ilikkagassatullu anguniagassat pillugit Namminersorlutik Oqartussat nalunaarutissaannut siunnersuut.
Siunnersuut nalunaarummut maanna atuuttumut, tassalu Atuarfimmi atuartitsissutini atu-artitsissutinilu qanitariissuni alloriarfiit siunertaat kiisalu atuartitsissutit siunertaat ilik-kagassatullu anguniagassat pillugit Namminersornerullutik Oqartussat nalunaarutaat nr. 16, 24. juuni 2003-meersumut, naleqqiullugu allannguutinik arlalinnik imaqarpoq.
Tunuliaqutaa:
Atuarfik pillugu Inatsisartut inatsisaata kingullermik allanngortinnerata, tassalu Atuarfik pillugu Inatsisartut inatsisaata allanngortinneqarnera pillugu Inatsisartut inatsisaat nr 9, 19. november 2021-meersup (Atuartitsinerup imai, aaqqissugaanera, piareersar-neqarnera, atuartut amerlassusaat, isumassuinikkut attaveqarfissaq aamma atuarfimmi pisortatut ilinniartitaaneq pillugu malittarisassat allanngortinneri) pisariaqalersippaa Atu-arfimmi atuartitsissutini atuartitsissutinilu qanitariissuni alloriarfiit siunertaat kiisalu atu-artitsissutit siunertaat ilikkagassatullu anguniagassat pillugit Namminersornerullutik Oqartussat nalunaarutaata nr. 16, 24. juuni 2003-meersup nutarterneqarnissaa.
Inatsimmi allannguutit piumasaqaatitaraat, atuarfimmi atuartitsissutinut nutaanut siunerta-liortoqarlunilu ilikkagassatut anguniagassaliortoqarnissaa, tassalu oqaluttuarisaanermi (immikkut atuartitsissutinngortumi) aamma atuartitsissummi angajulliit atuarfianni toqqagassami teknologiimik paasinninnermi. Tamatuma saniatigut ”sumiiffinni toqqagassani” atuartitsissutip siunertaa allanngortinneqarpoq tassaalerluni ”atuartitsis-sutit mernguernartut”, ilikkagassatullu anguniagassat tassaalerlutik anguniagassat qi-tiusumit aalajangersakkat. Ullumikkut pineqartunut atuartitsissutiginerinut tunngatillugu kommunalbestyrelsit sumiiffinni ataasiakkaani anguniagassanik aalajangersaasussaap-put.
Alloriarfiit siunertaat, atuartitsissutit siunertaat ilikkagassatullu anguniagassat maanna atuuttut
Inatsisip allanngortinneqarnerata alloriarfiit siunertaasa taamaallaat annikitsuinnarmik allanngortinnissaat pisariaqalersippaa.
Akerlianilli inatsisip allanngornerata kinguneraa, inatsisip allanngortinnerata nassa-tarisaanik atuartitsissutit immikkoortullu nutaat pilersinneqartut nutaanik siunertaliornis-saat. Tamatuma saniatigut siuliani pineqartut malitsigisaannik atuartitsissutit siunertaanni allannguinissaq aammattaaq pisariaqarpoq.
Ilikkagassatut anguniagassanut tunngatillugu ukiorpassuarni atuarfimmi atuarfillu pillugu susassaqartunik naapertuuttunik oqaloqateqartarneq suleqateqarnerlugu naapertorlugit paasinarsivoq, atuartitsissutini tamani ilikkagassatut anguniagassat uullutsinnut naleqqussarnissaat, atoruminarnerulernissaat paasiuminarnerulernissaallu siunertaralugit nutarterneqarnissaat, paasinarsarnissaat aaqqissuunnissaallu annertuumik kissatiginar-tinneqartoq.
Tamatumunnga atatillugu aammattaaq eqqaaneqarpoq, ilikkagassatut anguniagassat atuuttut piginnaasatut, ilisimasassatut ilikkagassatullu anguniagassanut naleqqiullugu ilusilersorluagaanngitsutut akuleriiaartutullu misigineqartartut. Ilutigisaanik uparuarne-qarpoq ilikkagassatut anguniagassat qaffasissusii ilaanni appasippallaanngikkaangamik qaffasippallaartartut – alloriarfinni ataasiakkaani atuartunit ilimagineqarsinnaasunut naleqqiullugit.
Tamatuma saniatigut atuartitsissutini atuartitsissutinilu qanitarissuni alloriarfinnilu ilik-kagassatut anguniagassani maanna atuuttut amerlassutsimikkut annertussutsimikkullu assigiinngisitaaqaat, immikkoortiterinerit atorneqartut assigiinngiiaarput ilikkagassatullu anguniagassat sapernarsiartorlutik qaffakkiartornerat ersernerlulluni.
Atuartitsissutit siunertaasa ilikkagassatullu anguniagassat nutarternerat
Atuartitsissutit siunertaat atuartitsissutit imarisaannut inissisimanerinullu naleqqiullugit allanngunngillat. Annikinnerusunik iluarsartuussisoqarpoq, atuartitsissutit qanitariissut ilikkagassatut anguniagassat sannaannut malinnaatilerlugit. Tamatuma saniatigut atu-artitsissutinut immikkoortunullu nutaanut siunertat suliarineqarput – tunulialiaqutaasoq pillugu immikkoortumi allaaserineqartutut.
Ilikkagassatut anguniagassat nutartikkat erseqqissagaapput, pisariillisarneqarlutik ma-lunnaatilimmillu ikilisarneqarlutik. Ilikkagassatut anguniagassat ilusiligaapput atuartitsis-sutini ilinniagassat immikkoortut ataasiakkaat iluini pingaarnertigut pig-innaasaqarfigisassatut. Ilikkagassatut anguniagassat – ullumikkutut – pinngitsoorani anguniagassaapput.
Nalunaarummi nutartikkami taamaallaat piginnaasatigut anguniagassat ilikkagassutut anguniagassatut suliarineqarput. Tamanna nalunaarummit atuuttumit allaaneruvoq, tas-sani piginnaasatigut, ilisimasatigut ilikkagassatullu anguniagassat iluasartuussaan-ngitsumik akuleriissitaarlutillu allassimammata. Taamaammat nalunaarutissatut siunner-suummi matumani oqaaseq paasineqassaaq tassaasoq ilisimasat, pisinnaasat misilittakkallu katigunnerat, atuartup atuartitsinermi avataanilu tigussaasumik iliuusin-ngortissinnaasaatut ilimagisaasoq.
Ilikkagassatut anguniagassani ilisimasassatut pisinnaasassatullu anguniagassat ilitsersuutaasut, atuartitsisup atuartitsinerup pilersaarusiornerani, ingerlannerani nalilerneranilu atorsinnaasai. Ilisimasassatigut pisinnaasatigullu anguniagassat ilitsersuutaasut taakku, atuartut ilikkariartornerminni annertusiartortumik siuariartornis-saannik ilimagisaasut takutippaat, paasiuiminartumik ersarissumillu oqaasertaligaallutik, tamatumalu ilinniartitsisup anguniagassanik atuinissaa paasiuminarnerusunngortillugulu pisariinnerulersissavaa.
Ilisimasassatut pisinnaasassatullu anguniagassat ilitsersuutaasut ilikkagassatut anguni-agassanik ilaqartillugit ilikkagassanut pilersaarutitut nutartikkatut Ilinniartitaanermut Aqutsisoqarfiup nittartagaatigut Iserasuaat.gl-ikkut tamanut saqqummiunneqarumaarput.
Siunnersuummi allannguutit:
Allannguutit kinguneraat, oqaluttuarisaaneq atuartitsissutit qanitariissut Kulturi inuia-qatigiillu ataanni atuartitsissutitut immikkuullarissutut nalunaarutissatut siunnersuummi kapitali 7-imi malittarisassiuunneqarmat, Inatsisartut inatsisaanni tamanna pillugu aala-jangersarneqartut naapertorlugit oqaluttuarisaanermik atuartitsissutip patajaallisarnissaa siunertaralugu.
Allannguinerup kingunerisaanik oqaluttuarisaaneq, inuiaqatigiilerineq, upperisalerineq aamma isumalioqqissaarneq nalunaarummi atuartitsissutitut annikinnerusutut immikkuul-larissutullu ersipput. Tigussaanerusumik tamatuma kinguneraa nalunaarummi allan-nguisoqarmat, kapitali 7-ip oqaluttuarisaanermut tunngasup, kapitali 8-p inuiaqatigiile-rinermut tunngasup aamma kapitali 11-p upperisalerinermut isumalioqqissaarnermullu tunngasup ilanngunneqarnerattut iluseqartumik.
Inatsisip allanngortinnerata aammattaaq kinguneraa erseqqissarneqarmat teknologiimik paasinninneq, digitalimik qaammaasaqassuseq aamma digitalimik pissusilersorneq IT-mut ilaasut. Tamanna ima paasineqassaaq, atuartut IT-mik atuineq ilinniassagaat, tama-tumunnga ilanngullugit teknologiimik paasinninneq, digitalimik qaammaasaqassuseq aamma digitalimik pissusilersorneq – atuartitsissutini tamani atuartitsinerup ilaatut.
Tamatuma nanginneratut kapitali 12-imi inuttut inerikkiartornermik atuartitsissutip si-unertaanut tunngasumi ilanngunneqarpoq, atuartut ilaatigut digitalimik iserfissani isu-mannaallisaaneq pillugu tunngaviusumik ilisimasaqalissasut. Tamatumunnga atatillugu teknologiimik paasinninneq, atortunik digitaliusunik atuinermik ilaqartoq, atuartitsissutitut toqqagassatut kapitali 13-imi allaqqavoq.
Aallaqqaasiinermi eqqaaneqartutut 2021-mi inatsisip allanngortinnerata aammattaaq nassatarivaa atuartitsissutit qanitariissut Sumiiffinni ataasiakkaani toqqagassat allan-ngortinneqanerat. Allannguutit kinguneraat atuartitsissutit qanitariissut atuartitsissutinut ikinnerusunut immikkuullarissunullu agguaanneqarnerat, anguniagassat qitiusumit aala-jangersarneqartut aallaavigalugit, atuartitsissutillu pinngitsoorani atuartitsissutaasussan-ngorlugit. Ilutigisaanik allannguutit kinguneraat mernguernartut tassaalermata atuartitsis-sutit angerlarsimaffimmi suliassanik ilisimasassat, timersorneq, tamatumunnga ilaatillu-gu silamiinneq, nipilersorneq, tamatumunnga ilaatillugit erinarsorneq, aalaneq isiginnaar-titsinerlu, eqqumiitsuliorneq, tamatumunnga ilaatillugu illussanik titartaasarneq, assas-sorneq ilusilersuinerlu, tamatumunnga ilaatillugit sananeq aamma mersorneq. Allan-nguutit pingaarnertut siunertaraat atuartitsissutit mernguernartut patajaallisarnissaat.
Erseqqinnerusumik tamatuma kinguneraa aalajangersakkat nutaat ilanngunneqarnerat, taakkulu takuneqarsinnaapput siunnersuummi kapitali 14-imi timersornermut silamilu inuunermut tunngasumi, kapitali 15-imi nipilersornermut, erinarsornermut, aalanermut isi-ginnaartitsinermullu tunngasumi, kapitali 16-imi eqqumiitsuliornermut illussanillu titartaa-sarnermut tunngasumi, kapitali 17-imi assassornermut, ilusilersuinermut, sananermut mersornermullu tunngasumi kiisalu kapitali 18-imi angerlarsimaffimmi suliassanik ili-simasaqarnermut tunngasumi.
Aningaasaqarnikkut ingerlatsinikkullu kingunerisassai:
Siunnersuutip imminermini aningaasaqarnikkut ingerlatsinikkullu pisortanut kingune-qarnissaa naatsorsuutigineqanngilaq.
Atuartitsissutip oqaluttuarisaanerup aamma atuartitsissutit qanitariissut Sumiiffinni ataasiakkaani toqqagassat ilikkagassatigut allanngortinnerinut tunngatillugu suliassaq Ilinniartitaanermut Aqutsisoqarfiup suliassaanut ataatsimut isigalugu attuumassute-qarpoq, pineqarlutik ingerlatsinikkut peqqussutit, ilikkagassatut pilersaarutit atuuttut al-lanngortinneri atuartitsinermilu atortussat nutaat suliarineri, tamakkulu an-ingaasaqarnikkut sinaakkutigisat pioreersut iluanni suliarineqarput. Ilutigisaanik oqaatigi-neqassaaq oqaluttuarisaanerup atuartitsissutitut immikkuullarissutut inissinneqarnerata kingunerinngimmagu atuartitsissummi misilitsittoqartarnissaa, taamaammallu misilitsinnernut, naliliinernut il.il. aningaasartuuteqarnerulerneq nassatarinaviarnagu. Ta-mannattaaq atuuppoq teknologiimik paasinninnerup atuartitsissutitut toqqagassatut siunnersuummi kapitalimi 13-imi ilanngunneranut tunngatillugu, taamatullu pissusissami-suuginnarfiatigut digitalimik qaammaasaqassutsip il.il. ilanngunnerinut tunngatillugu.
Atuutilernera
Nalunaarut atuutilissaaq 1. august 2023. Ilutigisaanik ukiumi atuarfiusumi 2023-2024-mi atuartunut 1.- 7. klassemi aallartittussanut nalunaarut atuuttoq atorunnaarsineqassaaq.
Ikaarsaariarnermi aalajangersagaq ilanngunneqarpoq, taannalu malillugu atuartut ukiumi atuarfiusumi 2023-2024-mi 8. klassimi klassimiluunniit qaffasinnerusumi aallartittut, nalunaarummi pisoqqami aalajangersakkat naapertorlugit atuartinneqassapput. Imaap-poq nalunaarut nutaaq taamaallaat atuutissasoq atuartunut ukiumi atuarfiusumi 2023-2024-mi 1.-7. klassini atualersunut.
Ikaarsaariarnermi aalajangersagaq pineqartoq isiginiarneqassaaq, angajulliit atuartfianni atuartut inaarutaasumik naliliisoqarnissaanut ungasippallaarunnaarnerannut naleqqiullu-gu, tamatumunngalu atatillugu assersuutigalugu malittarisassat nutaat naapertorlugit ilikkagassatut pilersaarutit malillugit misilitsinnissaminnut piareersarneqarnikuunatik, tamatumunnga ilanngullugu assersuutigalugu oqaluttuarisaanerup atuartitsissutitut im-mikkuullarissutut inissisimaneranut naleqqiullugu.
Oqaaseqaataajunnartut Naalakkersuisoqarfimmut nassiuteqquneqarput kingusin-nerpaamik 7. juni 2023.
Siunnersuut nalunaarummut maanna atuuttumut, tassalu Atuarfimmi atuartitsissutini atu-artitsissutinilu qanitariissuni alloriarfiit siunertaat kiisalu atuartitsissutit siunertaat ilik-kagassatullu anguniagassat pillugit Namminersornerullutik Oqartussat nalunaarutaat nr. 16, 24. juuni 2003-meersumut, naleqqiullugu allannguutinik arlalinnik imaqarpoq.
Tunuliaqutaa:
Atuarfik pillugu Inatsisartut inatsisaata kingullermik allanngortinnerata, tassalu Atuarfik pillugu Inatsisartut inatsisaata allanngortinneqarnera pillugu Inatsisartut inatsisaat nr 9, 19. november 2021-meersup (Atuartitsinerup imai, aaqqissugaanera, piareersar-neqarnera, atuartut amerlassusaat, isumassuinikkut attaveqarfissaq aamma atuarfimmi pisortatut ilinniartitaaneq pillugu malittarisassat allanngortinneri) pisariaqalersippaa Atu-arfimmi atuartitsissutini atuartitsissutinilu qanitariissuni alloriarfiit siunertaat kiisalu atu-artitsissutit siunertaat ilikkagassatullu anguniagassat pillugit Namminersornerullutik Oqartussat nalunaarutaata nr. 16, 24. juuni 2003-meersup nutarterneqarnissaa.
Inatsimmi allannguutit piumasaqaatitaraat, atuarfimmi atuartitsissutinut nutaanut siunerta-liortoqarlunilu ilikkagassatut anguniagassaliortoqarnissaa, tassalu oqaluttuarisaanermi (immikkut atuartitsissutinngortumi) aamma atuartitsissummi angajulliit atuarfianni toqqagassami teknologiimik paasinninnermi. Tamatuma saniatigut ”sumiiffinni toqqagassani” atuartitsissutip siunertaa allanngortinneqarpoq tassaalerluni ”atuartitsis-sutit mernguernartut”, ilikkagassatullu anguniagassat tassaalerlutik anguniagassat qi-tiusumit aalajangersakkat. Ullumikkut pineqartunut atuartitsissutiginerinut tunngatillugu kommunalbestyrelsit sumiiffinni ataasiakkaani anguniagassanik aalajangersaasussaap-put.
Alloriarfiit siunertaat, atuartitsissutit siunertaat ilikkagassatullu anguniagassat maanna atuuttut
Inatsisip allanngortinneqarnerata alloriarfiit siunertaasa taamaallaat annikitsuinnarmik allanngortinnissaat pisariaqalersippaa.
Akerlianilli inatsisip allanngornerata kinguneraa, inatsisip allanngortinnerata nassa-tarisaanik atuartitsissutit immikkoortullu nutaat pilersinneqartut nutaanik siunertaliornis-saat. Tamatuma saniatigut siuliani pineqartut malitsigisaannik atuartitsissutit siunertaanni allannguinissaq aammattaaq pisariaqarpoq.
Ilikkagassatut anguniagassanut tunngatillugu ukiorpassuarni atuarfimmi atuarfillu pillugu susassaqartunik naapertuuttunik oqaloqateqartarneq suleqateqarnerlugu naapertorlugit paasinarsivoq, atuartitsissutini tamani ilikkagassatut anguniagassat uullutsinnut naleqqussarnissaat, atoruminarnerulernissaat paasiuminarnerulernissaallu siunertaralugit nutarterneqarnissaat, paasinarsarnissaat aaqqissuunnissaallu annertuumik kissatiginar-tinneqartoq.
Tamatumunnga atatillugu aammattaaq eqqaaneqarpoq, ilikkagassatut anguniagassat atuuttut piginnaasatut, ilisimasassatut ilikkagassatullu anguniagassanut naleqqiullugu ilusilersorluagaanngitsutut akuleriiaartutullu misigineqartartut. Ilutigisaanik uparuarne-qarpoq ilikkagassatut anguniagassat qaffasissusii ilaanni appasippallaanngikkaangamik qaffasippallaartartut – alloriarfinni ataasiakkaani atuartunit ilimagineqarsinnaasunut naleqqiullugit.
Tamatuma saniatigut atuartitsissutini atuartitsissutinilu qanitarissuni alloriarfinnilu ilik-kagassatut anguniagassani maanna atuuttut amerlassutsimikkut annertussutsimikkullu assigiinngisitaaqaat, immikkoortiterinerit atorneqartut assigiinngiiaarput ilikkagassatullu anguniagassat sapernarsiartorlutik qaffakkiartornerat ersernerlulluni.
Atuartitsissutit siunertaasa ilikkagassatullu anguniagassat nutarternerat
Atuartitsissutit siunertaat atuartitsissutit imarisaannut inissisimanerinullu naleqqiullugit allanngunngillat. Annikinnerusunik iluarsartuussisoqarpoq, atuartitsissutit qanitariissut ilikkagassatut anguniagassat sannaannut malinnaatilerlugit. Tamatuma saniatigut atu-artitsissutinut immikkoortunullu nutaanut siunertat suliarineqarput – tunulialiaqutaasoq pillugu immikkoortumi allaaserineqartutut.
Ilikkagassatut anguniagassat nutartikkat erseqqissagaapput, pisariillisarneqarlutik ma-lunnaatilimmillu ikilisarneqarlutik. Ilikkagassatut anguniagassat ilusiligaapput atuartitsis-sutini ilinniagassat immikkoortut ataasiakkaat iluini pingaarnertigut pig-innaasaqarfigisassatut. Ilikkagassatut anguniagassat – ullumikkutut – pinngitsoorani anguniagassaapput.
Nalunaarummi nutartikkami taamaallaat piginnaasatigut anguniagassat ilikkagassutut anguniagassatut suliarineqarput. Tamanna nalunaarummit atuuttumit allaaneruvoq, tas-sani piginnaasatigut, ilisimasatigut ilikkagassatullu anguniagassat iluasartuussaan-ngitsumik akuleriissitaarlutillu allassimammata. Taamaammat nalunaarutissatut siunner-suummi matumani oqaaseq paasineqassaaq tassaasoq ilisimasat, pisinnaasat misilittakkallu katigunnerat, atuartup atuartitsinermi avataanilu tigussaasumik iliuusin-ngortissinnaasaatut ilimagisaasoq.
Ilikkagassatut anguniagassani ilisimasassatut pisinnaasassatullu anguniagassat ilitsersuutaasut, atuartitsisup atuartitsinerup pilersaarusiornerani, ingerlannerani nalilerneranilu atorsinnaasai. Ilisimasassatigut pisinnaasatigullu anguniagassat ilitsersuutaasut taakku, atuartut ilikkariartornerminni annertusiartortumik siuariartornis-saannik ilimagisaasut takutippaat, paasiuiminartumik ersarissumillu oqaasertaligaallutik, tamatumalu ilinniartitsisup anguniagassanik atuinissaa paasiuminarnerusunngortillugulu pisariinnerulersissavaa.
Ilisimasassatut pisinnaasassatullu anguniagassat ilitsersuutaasut ilikkagassatut anguni-agassanik ilaqartillugit ilikkagassanut pilersaarutitut nutartikkatut Ilinniartitaanermut Aqutsisoqarfiup nittartagaatigut Iserasuaat.gl-ikkut tamanut saqqummiunneqarumaarput.
Siunnersuummi allannguutit:
Allannguutit kinguneraat, oqaluttuarisaaneq atuartitsissutit qanitariissut Kulturi inuia-qatigiillu ataanni atuartitsissutitut immikkuullarissutut nalunaarutissatut siunnersuummi kapitali 7-imi malittarisassiuunneqarmat, Inatsisartut inatsisaanni tamanna pillugu aala-jangersarneqartut naapertorlugit oqaluttuarisaanermik atuartitsissutip patajaallisarnissaa siunertaralugu.
Allannguinerup kingunerisaanik oqaluttuarisaaneq, inuiaqatigiilerineq, upperisalerineq aamma isumalioqqissaarneq nalunaarummi atuartitsissutitut annikinnerusutut immikkuul-larissutullu ersipput. Tigussaanerusumik tamatuma kinguneraa nalunaarummi allan-nguisoqarmat, kapitali 7-ip oqaluttuarisaanermut tunngasup, kapitali 8-p inuiaqatigiile-rinermut tunngasup aamma kapitali 11-p upperisalerinermut isumalioqqissaarnermullu tunngasup ilanngunneqarnerattut iluseqartumik.
Inatsisip allanngortinnerata aammattaaq kinguneraa erseqqissarneqarmat teknologiimik paasinninneq, digitalimik qaammaasaqassuseq aamma digitalimik pissusilersorneq IT-mut ilaasut. Tamanna ima paasineqassaaq, atuartut IT-mik atuineq ilinniassagaat, tama-tumunnga ilanngullugit teknologiimik paasinninneq, digitalimik qaammaasaqassuseq aamma digitalimik pissusilersorneq – atuartitsissutini tamani atuartitsinerup ilaatut.
Tamatuma nanginneratut kapitali 12-imi inuttut inerikkiartornermik atuartitsissutip si-unertaanut tunngasumi ilanngunneqarpoq, atuartut ilaatigut digitalimik iserfissani isu-mannaallisaaneq pillugu tunngaviusumik ilisimasaqalissasut. Tamatumunnga atatillugu teknologiimik paasinninneq, atortunik digitaliusunik atuinermik ilaqartoq, atuartitsissutitut toqqagassatut kapitali 13-imi allaqqavoq.
Aallaqqaasiinermi eqqaaneqartutut 2021-mi inatsisip allanngortinnerata aammattaaq nassatarivaa atuartitsissutit qanitariissut Sumiiffinni ataasiakkaani toqqagassat allan-ngortinneqanerat. Allannguutit kinguneraat atuartitsissutit qanitariissut atuartitsissutinut ikinnerusunut immikkuullarissunullu agguaanneqarnerat, anguniagassat qitiusumit aala-jangersarneqartut aallaavigalugit, atuartitsissutillu pinngitsoorani atuartitsissutaasussan-ngorlugit. Ilutigisaanik allannguutit kinguneraat mernguernartut tassaalermata atuartitsis-sutit angerlarsimaffimmi suliassanik ilisimasassat, timersorneq, tamatumunnga ilaatillu-gu silamiinneq, nipilersorneq, tamatumunnga ilaatillugit erinarsorneq, aalaneq isiginnaar-titsinerlu, eqqumiitsuliorneq, tamatumunnga ilaatillugu illussanik titartaasarneq, assas-sorneq ilusilersuinerlu, tamatumunnga ilaatillugit sananeq aamma mersorneq. Allan-nguutit pingaarnertut siunertaraat atuartitsissutit mernguernartut patajaallisarnissaat.
Erseqqinnerusumik tamatuma kinguneraa aalajangersakkat nutaat ilanngunneqarnerat, taakkulu takuneqarsinnaapput siunnersuummi kapitali 14-imi timersornermut silamilu inuunermut tunngasumi, kapitali 15-imi nipilersornermut, erinarsornermut, aalanermut isi-ginnaartitsinermullu tunngasumi, kapitali 16-imi eqqumiitsuliornermut illussanillu titartaa-sarnermut tunngasumi, kapitali 17-imi assassornermut, ilusilersuinermut, sananermut mersornermullu tunngasumi kiisalu kapitali 18-imi angerlarsimaffimmi suliassanik ili-simasaqarnermut tunngasumi.
Aningaasaqarnikkut ingerlatsinikkullu kingunerisassai:
Siunnersuutip imminermini aningaasaqarnikkut ingerlatsinikkullu pisortanut kingune-qarnissaa naatsorsuutigineqanngilaq.
Atuartitsissutip oqaluttuarisaanerup aamma atuartitsissutit qanitariissut Sumiiffinni ataasiakkaani toqqagassat ilikkagassatigut allanngortinnerinut tunngatillugu suliassaq Ilinniartitaanermut Aqutsisoqarfiup suliassaanut ataatsimut isigalugu attuumassute-qarpoq, pineqarlutik ingerlatsinikkut peqqussutit, ilikkagassatut pilersaarutit atuuttut al-lanngortinneri atuartitsinermilu atortussat nutaat suliarineri, tamakkulu an-ingaasaqarnikkut sinaakkutigisat pioreersut iluanni suliarineqarput. Ilutigisaanik oqaatigi-neqassaaq oqaluttuarisaanerup atuartitsissutitut immikkuullarissutut inissinneqarnerata kingunerinngimmagu atuartitsissummi misilitsittoqartarnissaa, taamaammallu misilitsinnernut, naliliinernut il.il. aningaasartuuteqarnerulerneq nassatarinaviarnagu. Ta-mannattaaq atuuppoq teknologiimik paasinninnerup atuartitsissutitut toqqagassatut siunnersuummi kapitalimi 13-imi ilanngunneranut tunngatillugu, taamatullu pissusissami-suuginnarfiatigut digitalimik qaammaasaqassutsip il.il. ilanngunnerinut tunngatillugu.
Atuutilernera
Nalunaarut atuutilissaaq 1. august 2023. Ilutigisaanik ukiumi atuarfiusumi 2023-2024-mi atuartunut 1.- 7. klassemi aallartittussanut nalunaarut atuuttoq atorunnaarsineqassaaq.
Ikaarsaariarnermi aalajangersagaq ilanngunneqarpoq, taannalu malillugu atuartut ukiumi atuarfiusumi 2023-2024-mi 8. klassimi klassimiluunniit qaffasinnerusumi aallartittut, nalunaarummi pisoqqami aalajangersakkat naapertorlugit atuartinneqassapput. Imaap-poq nalunaarut nutaaq taamaallaat atuutissasoq atuartunut ukiumi atuarfiusumi 2023-2024-mi 1.-7. klassini atualersunut.
Ikaarsaariarnermi aalajangersagaq pineqartoq isiginiarneqassaaq, angajulliit atuartfianni atuartut inaarutaasumik naliliisoqarnissaanut ungasippallaarunnaarnerannut naleqqiullu-gu, tamatumunngalu atatillugu assersuutigalugu malittarisassat nutaat naapertorlugit ilikkagassatut pilersaarutit malillugit misilitsinnissaminnut piareersarneqarnikuunatik, tamatumunnga ilanngullugu assersuutigalugu oqaluttuarisaanerup atuartitsissutitut im-mikkuullarissutut inissisimaneranut naleqqiullugu.
Oqaaseqaataajunnartut Naalakkersuisoqarfimmut nassiuteqquneqarput kingusin-nerpaamik 7. juni 2023.