Ilinniartitaanermut, Kultureqarnermut, Timersornermut Ilageeqarnermullu Naalakkersuisoqarfik

Kalaallit Nunaanni Ilinniartitaanermut Siunnersuisoqatigiit arlaannaannulluunniit attuumassuteqanngillat, ilinniartitaanermik ineriartortitsinissamik nalilersuisussatut suliakkerneqarlutik kiisalu ilinniartitaanermut tunngasunik aningaasaliissutissat atornissaannut suliaqarlutik. Siunnersuisoqatigiit misissueqqissaarnernik, nalilersuinernik inassuteqaatinillu suliaqartarput, Kalaallit Nunaanni ilinniartitaanermik suliassaqarfimmi attanneqarsinnaasumik ataqatigiissumillu aamma siunissamut qulakkeerinnittumik ikiuuteqataassallutik.

Siunnersuisoqatigiit ilinniartitaanermut suliassaqarfik tamaat suliaraat – meeqqat atuarfiannit inuusuttut ilinniarfiinut kiisalu ilinniakkanut ingerlariaqqiffiusunut inuunermilu ilinniarnermut tunngasunik – suliaallu ilisimasat, misissueqqissaarnerit kiisalu Kalaallit piorsarsimassusaannik, ileqquinik kinaassusaannillu aallaaveqarlutik.

Kalaallit Nunaanni Ilinniarnermut Siunnersuisoqatigiit siulittaasoqarfimmik inunnik arfineq marlunnik inuttalimmik aqunneqarput taakkulu saniatigut ilaasortat sisamat tikillugit inuttaqarlutik. Siulittaasoqarfik misissueqqissaarnermik, nalunaarusiornernik inassuteqaatinillu suliaqartarpoq, ilaasortallu sinneri ilanngussisarlutik siulersuisullu suliaannut isumasioqataasarlutik.

Siulittaasoqarfik maannakkut makkuninnga inuttaqarpoq:

• Mitdlârak Lennert (siulittaasoq),
• Jens Heinrich (Siulittaasup tullia)
• Ulunnguaq Markussen (Ilaasortaq)
• Daniel Thorleifsen (ilaasortaq),
• Sivso Dorph (ilaasortaq),
• Naasunnguaq Berthelsen (ilaasortaq),
• Bent Olesen (ilaasortaq),

Kalaallit Nunaanni Ilinniartitaanermut Siunnersuisoqatigiinni ilaasortat allat ukuupput:

• Ivalu Nørreslet Rex
• Nivikka Witjes
• Jess G Berthelsen
• Kattie Egede Motzfeldt

Ilaasortat ukiunut sisamanut toqqagaasarput qineqqinneqarsinnaallutillu. Ingerlaavartumik taarserneqartarput suliat ingerlaavarnissaat kiisalu siunnersuisoqatigiit suliaannik nutarsaanissaq siunertaralugu.

Siunnersuisoqatigiinnut allattoqarneq Ilinniartitaanermut, Kultureqarnermut, Timersornermut Ilageeqarnermullu Naalakkersuisoqarfimmit isumagineqarpoq.