Aalisarneq pillugu ataatsimiititaliarsuup isumaliutissiissutaa sivisuumik suliarineqareerluni, aalisartut isumasioqatigineqartareerlutik, innuttaasunik ataatsimiititsisoqartareerluni, soqutigisalinnik ataatsimeeqateqartareerluni, aamma partiinik kiisalu sapaatip akunnerini arfineq pingasuni tusarniaasoqareersorlu, aalisarneq pillugu inatsisissatut siunnersuut Inatsisartunut tunniunneqarpoq Inatsisartut upernaakkut 2024-mi ataatsimiinnissaanni oqaluuserineqassalluni.

Inatsisissatut siunnersuutip oqaluuserineqarnera inatsisartut nittartagaatigut malinnaavigineqarsinnaavoq, uani: FM 2024 | Inatsisartut

Inatsisissatut siunnersuut ulluni ukunani oqaluuserineqassaaq:

1. Siullermeerlugu oqaluuserinera: apriilip 11-anni
2. Aappassaanneerlugu oqaluuserinera: maajip 7-ianni
3. Pingajussaanneerlugu oqaluuserinera: maajip 16-ianni