AtuartigukTunngaviusumik inatsisissaq pillugu isumalioqatigiissitap suliani naammassilerpai
Tunngaviusumik inatsisissaq pillugu isumalioqatigiissitap suliani naammassilerpai, 2023-milu apriilip aallaqqaataani Ineqi Kielsen siulittaasoralugu naammassineqarnissai sulissutigalugit.
Nassiussisuuvoq: Naalakkersuisut Siulittaasuata Naalakkersuisoqarfia
Tunngaviusumik inatsisissaq pillugu isumalioqatigiissitap suliani aningaasaliissutissatut sinaakkusiussaareersut atorlugit naammassineqassaaq. Tunngaviusumik inatsisissamut isumaliutissiissummullu missingiutit Inatsisartunut, suliap ingerlateqqinneqarnissaanik isummertussanut tunniunneqassapput.
”Tunngaviusumik inatsisissaq pillugu isumalioqatigiissitap suliami tunniunneqarnissaanut ulluliinera nuannaarutigilluinnarpara. Suliap ingerlanneqarnera sivisusimavoq ilaatigullu unammillernartoqartarsimalluni, maannalu Inatsisartut suliap ingerlateqqinneqarnissaa isummerfigissavaat aamma tunngaviusumik inatsisissap nangillugu suliarineqarnissaa ilusilersorneqarnissaalu eqqarsaatigalugit, Naalakkersuisut Siulittaasuat Múte Bourup Egede oqarpoq.
Tunngaviusumik inatsisissaq pillugu isumalioqatigiissitami siulittaasoq Ineqi Skourup Kielsen: ”Suliaq kiisami naammassineqangajalerpoq, qilanaaraarpullu innuttaasut siunissami tunngaviusumik inatsisissamut atatillugu siunnersuummut isummersortinneqarnissaat.”
Tunngaviusumik inatsiseqarnissami siunertarineqarpoq, Kalaallit Nunaata naalagaaffittut namminersortunngornissaanut inatsimmik tunngaviusumik inuiaat naalakkersuisooqataanermikkut aalajangeeqataanissaat.
Attaveqarfissaq: Naalakkersuisut siulittaasuannut allatsi Angutinnguaq Tittussen, Angu@nanoq.gl imaluunniit oqarasuaat 345604.