Atuartiguk2023-imi qilalugartassat
Nassiussisuuvoq: Aalisarnermut Piniarnermullu Naalakkersuisoqarfik
Naalakkersuisut ulloq decembarip 15-ianni 2022-mi ataatsimiinnerminni 2023-mi qilalugartassat aalajangerpaat. Naalakkersuisut qaqortartassat qernertartassallu piniartut atuisullu ilisimasaat, Piniarneq pillugu Siunnersuisoqatigiit ilaasortaannit kommuninillu tusarniaaneq kiisalu Qilalukkat Ataatsimoorullugit Ataatsimiititaliami (JCNB) 2019-imi aamma NAMMCO-mi 2019-2022-mi inassuteqaatit tunuliaqutigalugit aalajangertarpaat.
Ilisimatuussutsikkut siunnersuineq nutaaq pillugu tamanut ammasumik tusarniaaneq aggustip 16-iannit – septembarip 16-iat 2022 tungaanut ingerlanneqartoq innersuun-neqarpoq.
Qilalukkat qaqortat
Kalaallit Nunaata Kitaani 2023-mut qaqortanik qilalugartassat katillugit 294-iupput kiisalu Tunumi qaqortartassat teknikikkut pisassiissutit ukiuni 2022-2027 katillugit 30-ussapput. KNAPK-miit, Inuit Ataqatigiit Kattuffianniit aamma Atassummiit decembarimi 2022-mi Tunumi qaqortartassanik qinnuteqaatit innersuutigineqarput.
Sukumiinerusumik paasisaqarusukkaanni immikkoortortaqarfimmi pisortaq Amalie A. Jessen – amalie@nanoq.gl imaluunniit immikkut siunnersorti Masaana Dorph – mado@nanoq.gl-imut saaffiginnittoqarsinnaavoq.