Atuartiguk
Aalisarnermut Piniarnermullu Naalakkersuisup novembarip 16-iani 2022 aaffattassat 2023-moortut akuerai. Aaffattassat katillugit 170-iupput.
Uumassusilerituuniit siunnersuinerit NAMMCO-miit 2019-imi tiguneqartut tunngavigalugit aaffattassiissutinik agguaassisoqarpoq, kiisalu Avannaata Imartaanut (Qaanaap aqutsiveqarfia) uumassusilerituut siunnersuinerat 2016-imiit 2020-mut tunngasoq, tusarniaareertoqarnerata kingorna pisassiisoqarluni. Aamma takuuk Aavernik illersuineq piniarnerlu pillugit Namminersorlutik Oqartussat nalunaarutaat normu 31, oktobarip 14-ianeersoq 2022-meersumi §§ 5-8. Siunnersuinermik nutaamik tigusisoqarnissaata tungaanut uumassusilerituut siunnersuinerat kingulleq atuuppoq.
2023-mut aaffattassiissutit 2022-mut sanilliullugit allannguuteqanngillat. Aaffattassiissutit aaveqatigiikkuutaanut ataasiakkaanut ima agguaanneqarput:
Tabiili 1: Aaffattassiissutissatut 2023-mut pingaarnertut siunnersuutigineqartut aamma ilisimatuussutsikkut aaffattassiissutissanik siunnersuineq.
| Aaveqatigiit | 2023-mut aaffattassiissutit | Uumassusilerituut siunnersuinerat |
|---|---|---|
|
Aaveqatigiit
Avannaata Imaata Kitaa (Qaanaap eqqaani)
|
2023-mut aaffattassiissutit
79 1)
|
Uumassusilerituut siunnersuinerat
84 4)
|
|
Aaveqatigiit
Kitaata imartaa (Kitaata imartaani ukiukkut aaveqatigiit)
|
2023-mut aaffattassiissutit
74 2)
|
Uumassusilerituut siunnersuinerat
86 5)
|
|
Aaveqatigiit
Kitaata imartaani katillugit
|
2023-mut aaffattassiissutit
153
|
Uumassusilerituut siunnersuinerat
170
|
|
Aaveqatigiit
Tunup imartaa (Tunu)
|
2023-mut aaffattassiissutit
17 3)
|
Uumassusilerituut siunnersuinerat
19 6)
|
|
Aaveqatigiit
Nunarput katillugit
|
2023-mut aaffattassiissutit
170
|
Uumassusilerituut siunnersuinerat
189
|
- Uumassusilerituut siunnersuinerat 94-it Canada/Nunavummut aaffattassiissutit tallimat aamma pissatat/annaasat 12 procentit ilanngaatigereerlugit.
- Uumassusilerituut siunnersuinerat 97-it Canada/Nunavummut aaffattassiissutit aqqaneq-marluk aamma pissatat/annaasat 13 procentit ilanngaatigereerlugit.
- Uumassusilerituut siunnersuinerat 19-it pissatat/annaasat 14 procentit ilanngaatigereerlugit.
- Uumassusilerituut ataatsimut siunnersuinerat 94-it pissatat/annaasat 12 procentit, qulit ilanngaatigereerlugit.
- Uumassusilerituut siunnersuinerat 97-it pissatat/annaasat 13 procentit, aqqanillit ilanngaatigereerlugit.
- Uumassusilerituut siunnersuinerat 19-it taakkunannga 14 procentit, marluk pissataallutik/annaasaallutik.
Aqutsiveqarfinnut 2023-mi pisassat agguarneqarneri aqutsiveqarfiillu nutaat
Pisassiissutit kommuninut agguaanneqartarput, taakku namminneerlutik aalajangertar-paat sumiiffimmut sorlermut pisassiissutigissallugit.
Malugeqquneqarpoq Kommuneqarfik Sermersooq Kitaani aamma Kommune Kujallermi aqutsiveqarfiit nutaartaammata. Tamanna tunngaveqarpoq § 6-imi aarrit illersugaanerat piniagaanerallu pillugit nalunaarummi nutartikkami. Tabel 2-mi aqutsiveqarfiit ilaneqarput Nuummiit kujammut Nanortallup aqutsiveqarfia ilanngullugu.
Kommuneqarfik Sermersooq Kitaa aavernik marlunnik 2023-mi pisassinneqarpoq taamatullu Kommune Kujalleq marlunnik pisassinneqarluni. Allannguutinut ilaavoq Qeqqata Kommunia aavernik qulingiluanik 2022-mut naleqqiullugu amerlanerusunik pisassinneqarmat. Tusarniaanermi akissuteqaatit tiguneqartut ilasinermut tunngaviuvoq.
Uumassusilerisut siunnersuinerat allannguuteqarnikuunngilaq qulaani allannguu¬tit/-qaffaaneq annerusumik Qeqertarsuup Tunuani ikilisitsinikkut aaqqiisoqarpoq. Ukiuni kingulliunerusuni Attu Kangaatsiap aqutsiveqarfia eqqaassanngikkaanni, Qeqertarsuup Tunuani pisassiissutit tamakkerneqarneq ajorput. Kommuneqarfik Sermersooq Kitaa aamma Kommune Kujallermi aarrit, Kitaani ”ukiukkut aarrinut” ilaapput. Aaveqatigiit sinnerini marlunni allannguisoqanngilaq.
Tabel 2. 2023-mut aarrit Kitaani pisassiissutigineqartut agguarneri
| Avannaata imartaa | 2023 |
|---|---|
|
Avannaata imartaa
Qaanaaq
|
2023
79
|
|
Avannaata imartaa
Qaanaaq tamakkerlugu
|
2023
79
|
| Kitaa | 2023 |
|---|---|
|
Kitaa
Upernavik
|
2023
19
|
|
Kitaa
Uummannaq
|
|
|
Kitaa
Ilulissat
|
|
|
Kitaa
Qeqertarsuaq
|
2023
11
|
|
Kitaa
Qasigiannguit
|
|
|
Kitaa
Aasiaat
|
|
|
Kitaa
Kangaatsiaq
|
|
|
Kitaa
Sisimiut
|
2023
40
|
|
Kitaa
Maniitsoq
|
|
|
Kitaa
Nuuk
|
2023
2
|
|
Kitaa
Nanortalik
|
|
|
Kitaa
Kitaa tamakkerlugu
|
2023
74
|
| Tunu | 2023 |
|---|---|
|
Tunu
Ittoqqortoormiit
|
2023
17
|
|
Tunu
Tasiilaq
|
|
|
Tunu
Tunu tamakkerlugu
|
2023
17
|
Pisassiissutit kommuninut agguaanneqartarput, taakku namminneerlutik aalajanger-tarpaat sumiiffimmut sorlermut pisassiissutigissanerlugit. Agguaassineq aaveqatigiik-kuutaat ataasiakkaat killeqarfii eqqarsaatigalugit isumagineqassaaq. Akuersissut imaluunniit arlariit kommunemit piniartumut tunniunneqarsinnaapput, taassumalu piniarnermini taakkua nassassavai.
Inatsisit tunngavigineqartut
Aavernik piniarnermi inatsit tunngavigineqartoq tassaavoq Aavernik illersuineq piniarnerlu pillugit Namminerlutik Oqartussat nalunaarutaat normu 31, oktobarip 14-ianeersoq, 2022.
Aarrit pisarineqarsimanngitsut nuunneqarneri – “Carry-over”
Aarrit ukiup siuliani pisarineqarsimanngitsut ukiumut pisassiiffiusumut tullermut nuunneqarsinnaapput. Nuussinermi amerliartuutaanngitsoq periuseq atorneqartarpoq. 2022-mi inaarutaasumik pisaasimasut kisinneqassapput 2023 aallartilaarpat, taassumalu kingorna 2023-mi pisassanut nalimmassaasoqarsinnaalluni.
Annerusumik paasisaqarusukkuit Aalisarnermut Piniarnermullu Naalakkersuisoqarfimmi immikkoortortaqarfimmi pisortaq, Amalie Jessen, attavigisinnaavat. Tlf: 34 53 04, e-mail: amalie@nanoq.gl