AtuartigukKommunit utoqqarnik paaqqutarinnittarnerat pillugu misissuineq
Nassiussisuuvoq: Isumaginninnermut, Ilaqutariinnut, Suliffeqarnermut Nunamullu Namminermut Naalakkersuisoqarfik
Isumaginninnermut, Suliffeqarnermut Nunamullu Namminermut Naalakkersuisoqarfiup misissuineq ”Kalaallit Nunaanni kommunit utoqqarnik paaqqutarinninnerat: Nuna tamakkerlugu utoqqaat angerlarsimaffiini paaqqutarinninnermi pissutsit pillugit aqutsisut, sulisut aamma ineqartut isiginninnerat” Statens Institut for Folkesundhed-imut (SDU) suliaritippaa.
Misissuinerup utoqqaat illuini pissutsit pillugit sukumiisumik paasisitsivoq. Misissuineq nuna tamakkerlugu utoqqaat illui pillugit misissuineruvoq siullerpaaq aamma utoqqaat pillugit suliassaqarfik pillugu misissuinermut kinaassusersiunngitsumik tunngavissiisoq. Misissuinermi immikkut ukkatarineqarput nuna tamakkerlugu utoqqaat angerlarsimaffiini paaqqutarinninnermi pissutsit aamma paaqqutarinninnermi suleriaatsit pillugit aqutsisut, sulisut ineqartullu isiginninnerat. Misissuinermi utoqqaat illui kisiisa sammineqarput, innuttaasullu utoqqaat soorlu nammineq angerlarsimaffimminni ikiorneqartarnerat samminagu.
”Utoqqaat illuinik nuna tamakkerlugu misissuinermik suliaqartitsivugut, utoqqaat pillugit suliassaqarfimmik aamma inuiaqatigiittut unammilligassanut pillugit sukumiisumik paasisaqartitsisumik. Neriuppunga kommunit misissuineq pillugu soqutiginnillutik atuassagaat aamma peqatigalugu misissuinermi saqqummiussorneqartut tusaatissatut tigussagaat. Naalakkersuisut neriuuteqarput kommunit utoqqaat illuinik ingerlatsinerat ajunngitsuusoq innuttaasullu kissaataat pisariaqartitaallu malillugit naammassisinnaagaat. Misissuinermi suliassaqarfiit marlussuit tikkuarneqarput, ukkatarinninneq sangutilaarlugu utoqqaat atugaannik inuunerannillu pitsanngorsaanissamut ajunngitsunik periarfissaqarluni”, Jess Svane, Isumaginninnermut, Suliffeqarnermut Nunamullu Namminermut Naalakkersuisoq oqaaseqarpoq.
Nalunaarusiami takuneqarsinnaavoq, sammisassaqartitsinerit assigiinngitsut sulisunit aallartinneqartut ineqartut pitsaasumik inuuneqarnissaannut pitsanngorsaataasut ulluinillu isumaqarluartumik misigisaqartitsisut. Aalajangiinerni sammisassanillu pilersaarusiornermi ingerlanneqarneranilu ineqartunik peqataatitsineq sammisassaqartitsinerup ineqartunut attuumassuteqarnerat qulakkiissavaat.
”Takusinnaavarput iliuutsit annikitsunnguugaluit ilaanni allannguisartut. Assersuutigalugu utoqqaat illuini ataatsimoorussanik naleqatitanik imaluunniit sammisassanik sulisunit aallartinneqartunik aamma ineqartunik aalajangeeqataatitsinerit”, Jess Svane, Isumaginninnermut, Suliffeqarnermut Nunamullu Namminermut Naalakkersuisoq oqaaseqarpoq.
Misissuinermi angusat Naalakkersuisut utoqqaat pillugit periusissiamut suliarineqartussamut ilisimasanik tunngavissatut atorneqassapput.
”Utoqqaat pillugit suliassaqarfimmi tunngaviusumik unammillernartoqartoq Nalunaarusiami tikkuarneqarpoq. Najukkami sulisunik kivitsisinnaasunik amigaateqarpugut. Utoqqaat amerliartornerat isumaqarpoq, ukiuni tulliuttuni suli amerlanerusunik amigaateqalissasugut. Peqatigalugu misissuinerup takutippaa, sulisut ilinniagaqartut utoqqaat illuini pitsaassusermik kivitsinissamut pingaaruteqartut. Tamanna utoqqaat pillugit periusissiami takkuttussami isiginiassavarput, Jess Svane, Isumaginninnermut, Suliffeqarnermut Nunamullu Namminermut Naalakkersuisoq oqaaseqarpoq.
Kamilla Nørtoft, Statens Institut for Folkesundhed-imit ilisimatusartuuneq oqaaseqarpoq:
”Utoqqaat pillugit suliassaqarfik pillugu oqallinnissamik nalunaarusiaq kajumissaarutaavoq. Neriuutigaarput, nalunaarusiami sammineqartut amerlasuut suleqqinnissamut ilanngunneqarumaartut. Nuannaarutigaarput Naalakkersuisut ilisimatuutut taamaattumik periarfissimmatigut. Tamanna siunissami ilisimatuussutsikkut ilisimasat aallaavigalugit naalakkersuinermik ingerlataqarnermi suliaqarnermut tunngavissiilluarpoq.”
Nalunaarusiaq atuarneqarsinnaavoq uani
Erseqqinnerusumik paasisaqarusukkuit attaveqarfigiuk Helene S. Pedersen e-mailikkut: hspd@nanoq.gl imaluunniit oqarasuaatikkut + 299 34 56 11
Misissuinerup utoqqaat illuini pissutsit pillugit sukumiisumik paasisitsivoq. Misissuineq nuna tamakkerlugu utoqqaat illui pillugit misissuineruvoq siullerpaaq aamma utoqqaat pillugit suliassaqarfik pillugu misissuinermut kinaassusersiunngitsumik tunngavissiisoq. Misissuinermi immikkut ukkatarineqarput nuna tamakkerlugu utoqqaat angerlarsimaffiini paaqqutarinninnermi pissutsit aamma paaqqutarinninnermi suleriaatsit pillugit aqutsisut, sulisut ineqartullu isiginninnerat. Misissuinermi utoqqaat illui kisiisa sammineqarput, innuttaasullu utoqqaat soorlu nammineq angerlarsimaffimminni ikiorneqartarnerat samminagu.
”Utoqqaat illuinik nuna tamakkerlugu misissuinermik suliaqartitsivugut, utoqqaat pillugit suliassaqarfimmik aamma inuiaqatigiittut unammilligassanut pillugit sukumiisumik paasisaqartitsisumik. Neriuppunga kommunit misissuineq pillugu soqutiginnillutik atuassagaat aamma peqatigalugu misissuinermi saqqummiussorneqartut tusaatissatut tigussagaat. Naalakkersuisut neriuuteqarput kommunit utoqqaat illuinik ingerlatsinerat ajunngitsuusoq innuttaasullu kissaataat pisariaqartitaallu malillugit naammassisinnaagaat. Misissuinermi suliassaqarfiit marlussuit tikkuarneqarput, ukkatarinninneq sangutilaarlugu utoqqaat atugaannik inuunerannillu pitsanngorsaanissamut ajunngitsunik periarfissaqarluni”, Jess Svane, Isumaginninnermut, Suliffeqarnermut Nunamullu Namminermut Naalakkersuisoq oqaaseqarpoq.
Nalunaarusiami takuneqarsinnaavoq, sammisassaqartitsinerit assigiinngitsut sulisunit aallartinneqartut ineqartut pitsaasumik inuuneqarnissaannut pitsanngorsaataasut ulluinillu isumaqarluartumik misigisaqartitsisut. Aalajangiinerni sammisassanillu pilersaarusiornermi ingerlanneqarneranilu ineqartunik peqataatitsineq sammisassaqartitsinerup ineqartunut attuumassuteqarnerat qulakkiissavaat.
”Takusinnaavarput iliuutsit annikitsunnguugaluit ilaanni allannguisartut. Assersuutigalugu utoqqaat illuini ataatsimoorussanik naleqatitanik imaluunniit sammisassanik sulisunit aallartinneqartunik aamma ineqartunik aalajangeeqataatitsinerit”, Jess Svane, Isumaginninnermut, Suliffeqarnermut Nunamullu Namminermut Naalakkersuisoq oqaaseqarpoq.
Misissuinermi angusat Naalakkersuisut utoqqaat pillugit periusissiamut suliarineqartussamut ilisimasanik tunngavissatut atorneqassapput.
”Utoqqaat pillugit suliassaqarfimmi tunngaviusumik unammillernartoqartoq Nalunaarusiami tikkuarneqarpoq. Najukkami sulisunik kivitsisinnaasunik amigaateqarpugut. Utoqqaat amerliartornerat isumaqarpoq, ukiuni tulliuttuni suli amerlanerusunik amigaateqalissasugut. Peqatigalugu misissuinerup takutippaa, sulisut ilinniagaqartut utoqqaat illuini pitsaassusermik kivitsinissamut pingaaruteqartut. Tamanna utoqqaat pillugit periusissiami takkuttussami isiginiassavarput, Jess Svane, Isumaginninnermut, Suliffeqarnermut Nunamullu Namminermut Naalakkersuisoq oqaaseqarpoq.
Kamilla Nørtoft, Statens Institut for Folkesundhed-imit ilisimatusartuuneq oqaaseqarpoq:
”Utoqqaat pillugit suliassaqarfik pillugu oqallinnissamik nalunaarusiaq kajumissaarutaavoq. Neriuutigaarput, nalunaarusiami sammineqartut amerlasuut suleqqinnissamut ilanngunneqarumaartut. Nuannaarutigaarput Naalakkersuisut ilisimatuutut taamaattumik periarfissimmatigut. Tamanna siunissami ilisimatuussutsikkut ilisimasat aallaavigalugit naalakkersuinermik ingerlataqarnermi suliaqarnermut tunngavissiilluarpoq.”
Nalunaarusiaq atuarneqarsinnaavoq uani
Erseqqinnerusumik paasisaqarusukkuit attaveqarfigiuk Helene S. Pedersen e-mailikkut: hspd@nanoq.gl imaluunniit oqarasuaatikkut + 299 34 56 11