AtuartigukNunavumik peqateqarneq
Nassiussisuuvoq: Naalakkersuisut Siulittaasuata Naalakkersuisoqarfia
Naalakkersuisut Nunavumilu naalakkersuisut ”Paaseqatigiinnissamik isumaqatigiissut (Memorandum of Understanding)” ualeq manna atsiorpaat.
”Nunarsuarmi tamarmi nunarsuarmioqatigiiffiusumi inuuvugut ukkassinerlu Inunnut Issittumullu sammisinneqarpoq. Ataatsimoorfeqartorujussuuvugut Nunavullu pitsaasumik tatiginnittumillu ikinngutigereerparput. Isumaqatigiissutip matuma suli immitsinnut qaninnerulersissavaatigut”, Naalakkersuisut siulittaasuat Múte Bourup Egede oqarpoq.
Isumaqatigiissut ilaatigut imaqarpoq kultureqarnerup, ilinniartitaanerup, aalisarnerup, mingutsitsinngitsumik nukissiuuteqarnerup iluani nunallu taakkua marluusut akornanni angalanerunissaq pillugit suleqatigiinneq annertunerulersineqassasoq.
Assimi takuneqarsinnaapput Naalakkersuisuni siulittaasoq Múte Bourup Egede aamma Nunavummiut aqutsisuat P. J Akeeagok.