e-Boks: Allagarsiivinni “Post fra virksomheder” suliffeqarfinniit allagarsiassat kalaallit pisortaqarfiini oqartussaaffeqarfinnit allagarsiassatit takukkit

Danmarkimi pisortani Allakkat Digitaliusut nutaamik aaqqiissuteqarfiginerisigut e-Boksimi allannguuteqarpoq ilaatigut suliffeqarfinniit allagarsiassat aamma pisortaniit allagarsiassat avinneqarlutik. Aaqqiissut taannarpiaq Nunatsinni atorneqarmat ima kinguneqassaaq:

• Kalaallit pisortaqarfiini oqartussaaffeqarfinniit allagarsiassat allagarsiivimmut “Post fra virksomheder” annguttarput aamma
• Danskit pisortaqarfiini oqartussaaffeqarfinniit allagarsiassatut nassiussat allagarsiivimmut “Post fra det offentlige” annguttarlutik

Kalaallit pisortaqarfiiniit allagarsiassat iserfiginiaraanni e-Boksimi “Post fra virksomheder” tuussavat unaanngitsoq “Post fra det offentlige” taannaammat danskit pisortaqarfiini oqartussaaffeqarfiinuinnaq attuumassuteqarmat

Allagarsiivik ’Post fra det offentlige’

Allagarsiivimmi ’Post fra det offentlige’ taamaallaat danskit pisortaqarfiiniit nassiussisoqartillulgu takussaasarpoq ilinnullu innuttaasutut/suliffeqarfittut danskit oqartussaqarfiinut attuumassuteqanngikkuit Kalaallit Nunaanni innuttaasutut suliffeqarfittullu najugaqarfeqaraanni attuumassuteqarfigineqarneq ajorluni. 

e-Boksimi allat atuarsinnaanermut pisinnaatissagukkit

e-Boksimi allat atuarsinnaanermut pisinnaaatissinnaavatit. Tamanna periarfissaavoq pingaartumik suliffeqarfippassuarnik atorneqartartoq. e-Boksimi allannguutip kingunerisaanik suliffeqarfippaaluit e-boksimi atuarsinnaanermut pisinnaatitsinerit atuleqqittariaqalersimavaat ilaatigut kalaallit pisortaqarfiiniit allagarsiassanik nassiussat atuarsinnaajumallugit.

Allat atuarsinnaanermut qanoq pisinnaatissinnaanerlugit ilitsersuut uani takusinnaavat (linkimi uani: https://www.sullissivik.gl/Emner/B_Digital_post/Saadan_bruger_du_eBoks?sc_lang=da-DK).

Atuarsinnaanermut pisinnaatitsissut inunnut tunngasoq annaaneqarsimappat pilerseqqinneqassaartaaq.

Pisortani Digitalimik Allakkerineq pillugu paasissutissat allat atuakkit uani:

• Pisortani oqartussaaffeqarfiit sorliit suliffeqarfiutinnut allagarsiassanik nassiussisarnersut takusinnaavatit uani: https://www.sullissivik.gl/Emner/B_Digital_post/Liste_over_tilmeldte_myndigheder?sc_lang=da-DK

Kalaallit Nunaanni Pisortani Digitalimik Allakkerinermut tunngatillugu apeqqutit pillugit attavigineqarsinnaavoq Digitalimik Sullissinermut Aqutsisoqarfimi pisortaq, Katrine Hjelholt Nathanielsen, mailikkut kat@nanoq.gl