AtuartigukKigarsimamiit tassaarsuarmut najoqqutassiaq
Nassiussisuuvoq: Nunalerinermut, Imminut Pilersornermut, Nukissiutinut Avatangiisinullu Naalakkersuisoqarfik
Norges Geotekniske Institut-ip maanna ”Kigarsimami” qaqqamit qajannartumit sisoortoqarnerani tassaarsuup ingerlaarnissaanut najoqqutassiaq naammassisimalerpaa.
Kigarsima Uummannap kangerloqarfiani qaqqaavoq sisooriaannaq, 2022-mi apriilip aallartinnerani GEUS-imit nassaarineqartoq. Taamani geologit naliliipput, qaqqamit sisoortoqarnissaa ilimanaateqartorujussuusoq, taannalu Ukkusissanut, Niaqornanut Qaarsunullu annertuunik kinguneqartussamik. Norges Geotekniske Institut-imiit tassaarsuarmut najoqqutassiat nutaat eqqornerusullu taamatut naliliinermut allanngortitsinngillat.
Mallit portussusissaattut naatsorsuutigisat maana eqqornerupput, aammalu qaqqamit sisoortoqarneraniit mallit siulliit nunaqarfinnut ataasiakkaanut illoqarfimmulluunniit apuunnissaasa sivisussusissaat naatsorsorneqarpoq. Paasissutissat nutaat skemami matuma kingulianiittumi allassimapput.
|
|
Kigarsima |
Karrat 3 |
||||
|
|
Ungasissuseq (km) |
Mallip siulliup takkunnissaa (min) |
"alleq" (20 x 106 m3)
qarsutsinerup portussusissaa (m) |
"qulleq" (30 x 106 m3)
qarsutsinerup portussusissaa (m) |
"worst case" (30 x 106 m3) +1,3 m-imik ulissimatillugu qarsutsinerup portussusissaa (m) |
(524 x 106 m3) +2 m-imik ulissimatillugu qarsutsinerup portussusissaa (m) |
|
Illorsuit |
63 |
14 |
1 – 1,5 |
2 – 3 |
3 – 4 |
20 – 43 |
|
Qaarsut |
58 |
13 |
2 – 6 |
4 – 9 |
5 – 10 |
11 – 23 |
|
Niaqornat |
73 |
15 |
<1,5 |
1 – 3 |
3 – 5 |
11 – 17 |
|
Uummannaq |
72 |
15 |
1 – 3 |
1 – 5 |
2 – 5 |
6 – 14 |
|
Saattut |
70 |
14 |
1 – 2 |
2 – 5 |
2 – 5 |
5 – 10,5 |
|
Ukkusissat |
29 |
5 |
2 – 3 |
3 – 5 |
4 – 7 |
5,5 – 7,5 |
|
Ikerasak |
110 |
22 |
<0,5 |
<1 |
<2 |
4,5 – 11 |
Tabeli 1: Kigarsimami qaqqamit sisoortoqassappat, tassaarsuup pilersinneqartup apuuffissaanut piffissat qarsutsinissallu piviusuusaartitat. Sisoortussanut periarfissatut ilusiliat pingasut assigiinngitsut atorlugit qarsutsinerit portussusissaat naatsorsorneqarput: Periarfissatut ilusiliaq “alleq” qarsutsinermik annikinnerpaamik pilersitsisussatut isigineqarpoq, kiisalu periarfissatut ilusiliaq “qulleq” qarsutsinermik annertunerpaamik pilersitsisussatut isigineqarluni. Periarfissatut ilusiliaq “worst case” ulinnerpaaffiani, tassalu 1,3 m-it sinnerlugit ulinnerpaaffiani periarfissatut ilusiliaavoq. Aamma tassunga assersuutitut Karrat 3-mi qaqqamit sisoortoqassappat tassaarsuup pilersinneqartussap qarsutsinerata portussusissai, 2021-mi najoqqutassiarineqartut takutinneqarput.
Tamatuma saniatigut mallit portussusissaattut missiliukkat qarsutsinermut assiliamut titartorneqarput, taamaalilluni illut suut ulorianartorsiorfimmiinnersut takuneqarsinnaassallutik. Paasissutissat nutaat Upalungaarsimanermut Ataatsimiititaliarsuup inassuteqaataanik allanngortitsinngillat.
Upalungaarsimanermut Ataatsimiititaliarsuaq imaattunik inersuussuteqarpoq:
- Paasissutissat nutaat tamanut saqqummiunneqassasut
- Sumiiffinni eqqorneqartussani nilliasaatit atorsinnaanersut misissorneqassasut
- Avannaata Kommuniata, Peqqinnissaqarfiup, Nukissiorfiit, Tusass-ip allallu upalungaarsimanermut pilersaarutiminni tassaarsuarmik pilertoqarsinnaanerata eqqarsaatigineqarnissaa qulakkiissagaat
- Tassaarsuarmik takkuttoqarsinnaaneranut ersiutit nalinginnaasut pillugit innuttaasut eqqaasinneqassasut
- Sumiiffinni eqqorneqartussani pigaartoqarnerup ingerlaannarnissaanik Avannaata Kommuniata qulakkeerinissaa inassutigineqarpoq.
- Sumiiffinni eqqorneqartussani pigaartoqarnerup ingerlaannarnissaanik Avannaata Kommuniata qulakkeerinissaa inassutigineqarpoq.
Naalakkersuisut Upalungaarsimanermut Ataatsimiititaliarsuup inassuteqaataanik malinninniarlutik aalajangerput. Aatsitassanut Naalakkersuisoqarfimmiit ilisimatitsissutigineqarpoq, Kigarsimami sumiiffik nutaaq misissueqqaarnernut, alapernaarsuutinik kalerrisaarutinillu ikkussuinissamut aallartinneqartumut ilanngunneqartoq.
Norges Geotekniske Institut-ip misissuinerisa inernerinik GEUS-ip misissuinera pillugu atuagaqarit, uani.
Sumiiffinni ataasiakkaani qarsutsinissamut assiliaq takuuk, uani.
Tassaarsuaqalerneranut ersiutaagajuttut pillugit annertunerusut atuakkit uani.
Attaveqarfissat pillugit paasissutissat
Paasissutissanik annertunerusunik piniarnermi attaveqarfigineqassaaq Nunalerinermut, Imminut Pilersornermut, Nukissiutinut Avatangiisinullu Naalakkersuisoqarfimmi Naalakkersuisoqarfimmut pisortaaneq aamma Upalungaarsimanermut Ataatsimiititaliarsuarmi siulittaasoq Mette Skarregaard, oqarasuaat 529844, e-mail pan@nanoq.gl.
Alapernaarsuutit kalerrisaarutillu pillugit paasisaqarusunnermi Aatsitassanut Inatsisillu Atuutsinneqarnerinut Naalakkersuisoqarfimmi pisortaaneq Jørgen T. Hammeken Holm tlf. 346846-mut, e-mail joeh@nanoq.gl aqqutigalugu attaveqarfigineqassaaq.
Norske Geologiske Institut-ip tassaarsuarmut najoqqutassiaa pillugu paasisaqarusunnermi GEUS-imi naalagaaffiup geologia Nina Skaarup 0045-22221676-imut, nsk@geus.dk, attaveqarfigineqassaaq.
Innuttaasut eqqugaasussat kissaatigisaminnik nuunnissaat pillugu paasisaqarusunnermi attaveqarfissaq: Brian Grønvold, e-mail bgr@ini.gl imaluunniit ini@ini.gl.
Kommunip akisussaaffeqarfii, tassungalu najukkami upalungaarsimanikkut suliniutit ilanngullugit, paasisaqarusunnermi Borgmester Palle Jerimiassen tlf. 387601-imut attaveqarfigineqassaaq.