AtuartigukNUIKI-mi atuartut aqqanillit allagartartaarput
Nassiussisuuvoq: Isumaginninnermut, Ilaqutariinnut, Suliffeqarnermut Nunamullu Namminermut Naalakkersuisoqarfik
Isumaginninnermut Sulisoqarnermullu Naalakkersuisoq Jess Svane tallimanngornermi juunip qulingani 2022 Qeqertarsuatsiaani NUIKI-mi atuartut aqqanillit allagartartaarneranni peqataavoq.
NUIKI (Nunaqarfimmi Ilinniartitaanermik Kivitsinermi suliniut) ukiumi atuarfiusumi 2021-2022 Qeqertarsuatsiaani meeqqat atuarfianni ingerlanneqarpoq. Tassani inuusuttut ilinniarfinnut ingerlariaqqinnginnerminni piginnaasaminnik karakteriminillu pitsanngorsaallutik nunaqarfitsik qimannagu atuaqqipput. Atuarneq immikkuullarissumik ingerlasimavoq, tassa qarasaasiatigut internet atorlugu atuartinneqartarsimapput, ilinniartitsisussaaleqisoqarmat kiisalu Covid19 tuniluunnera pisuulluni angallanniarneq ilaatigut aamma ajornakusoortitsisarsimammat.
Matumuuna inuusuttut aqqanillit allagartartaarnermikkut ilinniaqqinnissaminillu qinnuteqarsimallutik aasarsiussapput. Aasarsioreerunilli tamarmik ilinniarfinnut assigiinngitsunut ingerlaqqissapput.
“Maannakkut unammilligassanut nutaanut piareerpusi. Ataasiakkaarlusi ineriartornermik alloriarpusi – atuagarsornikkut inuttullu – ilissi takutikkassiuk eqqortumik pissuseqarnersi suliassanillu ilungersorsimanersi – aamma ilaatigut artornalaaraluarpataluunniit. Ingerlaqqinnissassinnut tullermut aamma artornarsinnaasumut ilinniarnermut piareerpusi, neriuutigaaralu tamassinnut angusaqarluarfiullunilu ingerlalluarfiujumaartoq”, Naalakkersuisoq Jess Svane allagartartaartunut oqalugiaammini taama oqarpoq.
Allagartartaartut atuarfiup pisortaanittaaq oqaaseqarfigineqarput, kiisalu aamma atuartut sinnerlugit oqalugiartoqarluni. Inuusuttut nunaqarfimmi atuarnissaminnut periarfissinneqarsimanertik qujassutigaat, kiisalu sulisut aamma ilinniartitseqataasimasut tunniusimallutik sullissisimanerannik qujassuteqarlutik.
Tunuliaqutaa
Nunaqarfimmi Ilinniartitaanermik Kivitsinermi suliniut NUIKI, Kommuneqarfik Sermersooq Namminersorlutik Oqartussat suleqatigiillutik Qeqertarsuatsiaani atuarfiusumi 2021-2022 isumaqatigiissutigigaat siorna 2021-mi.
Sukumiinerusumik paasissutissanik pissarsiaqarusukkuit attavigiuk Naalakkersuisumut allatsi Helene S. Pedersen, emailikkut hspd@nanoq.gl imaluunniit oqarasuaat nr. +299 34 56 11.
NUIKI (Nunaqarfimmi Ilinniartitaanermik Kivitsinermi suliniut) ukiumi atuarfiusumi 2021-2022 Qeqertarsuatsiaani meeqqat atuarfianni ingerlanneqarpoq. Tassani inuusuttut ilinniarfinnut ingerlariaqqinnginnerminni piginnaasaminnik karakteriminillu pitsanngorsaallutik nunaqarfitsik qimannagu atuaqqipput. Atuarneq immikkuullarissumik ingerlasimavoq, tassa qarasaasiatigut internet atorlugu atuartinneqartarsimapput, ilinniartitsisussaaleqisoqarmat kiisalu Covid19 tuniluunnera pisuulluni angallanniarneq ilaatigut aamma ajornakusoortitsisarsimammat.
Matumuuna inuusuttut aqqanillit allagartartaarnermikkut ilinniaqqinnissaminillu qinnuteqarsimallutik aasarsiussapput. Aasarsioreerunilli tamarmik ilinniarfinnut assigiinngitsunut ingerlaqqissapput.
“Maannakkut unammilligassanut nutaanut piareerpusi. Ataasiakkaarlusi ineriartornermik alloriarpusi – atuagarsornikkut inuttullu – ilissi takutikkassiuk eqqortumik pissuseqarnersi suliassanillu ilungersorsimanersi – aamma ilaatigut artornalaaraluarpataluunniit. Ingerlaqqinnissassinnut tullermut aamma artornarsinnaasumut ilinniarnermut piareerpusi, neriuutigaaralu tamassinnut angusaqarluarfiullunilu ingerlalluarfiujumaartoq”, Naalakkersuisoq Jess Svane allagartartaartunut oqalugiaammini taama oqarpoq.
Allagartartaartut atuarfiup pisortaanittaaq oqaaseqarfigineqarput, kiisalu aamma atuartut sinnerlugit oqalugiartoqarluni. Inuusuttut nunaqarfimmi atuarnissaminnut periarfissinneqarsimanertik qujassutigaat, kiisalu sulisut aamma ilinniartitseqataasimasut tunniusimallutik sullissisimanerannik qujassuteqarlutik.
Tunuliaqutaa
Nunaqarfimmi Ilinniartitaanermik Kivitsinermi suliniut NUIKI, Kommuneqarfik Sermersooq Namminersorlutik Oqartussat suleqatigiillutik Qeqertarsuatsiaani atuarfiusumi 2021-2022 isumaqatigiissutigigaat siorna 2021-mi.
Sukumiinerusumik paasissutissanik pissarsiaqarusukkuit attavigiuk Naalakkersuisumut allatsi Helene S. Pedersen, emailikkut hspd@nanoq.gl imaluunniit oqarasuaat nr. +299 34 56 11.