AtuartigukQaqqamik sisoortoqarsinnaaneranut aarlerinaammut ernumassuteqarpit?
Qaqqamik sisoortoqarsinnaaneranut aarlerinaammut ernumassuteqaruit Tusaanngamut sianersinnaavutit. Tassani tusarnaarnissaminnut piareersimasunik siunnersuisoqarpoq. Tarnip pissusianik ilisimasalimmit ikiorneqarnissaq aamma periarfissaavoq.
Nassiussisuuvoq: Meeqqanut, Inuusuttunut Ilaqutariinnullu Naalakkersuisoqarfik
Uummannap eqqaani qaqqamik sisoortoqaratarsinnaaneranut ernumassuteqarpit? Qaqqamik sisoortoqarsinnaaneranut aarlerinaammik sumiiffimmi qajannartumik nutaamik nassaartoqarsimatillugu ernumassutinik pilersitseriaannaavoq.
Ernumassuteqaruit Tusaanngamut sianersinnaavutit. Tassani tusarnaarnissaminut piareersimasumik siunnersuisumik peqartuaannarpoq. Uani pinngortitami ajutoortoqarsinnaaneranut aarlerinartoqarnera pissutigalugu ernumassutinnik, eqqarsaatinnik misigissutsinnillu pilersimasunik avitseqateqarsinnaavutit.
Tusaanngamut 801180-imut sianersinnaavutit imaluunniit sms-imik 1899-imut nassiussisinnaavutit. Tusaannga sapaammi – sisamanngornermi nal. 9:00-imiit 00:00-mut kiisalu tallimanngornermi – arfininngornermi nal. 9:00-imiit – 04:00-imut ammasarpoq.
”Ilaqutariit sumiiffinni pineqartuni najugaqartut, uanngalu nutaarsiassamit ernumanartumit eqqugaaqqasut misiginneqatigaakka. Najugarisami ajutoortoqarsinnaatillugu ilungersunartuuvoq”, Meeqqanut, Inuusuttunut Ilaqutariinnullu aamma Peqqinnissamut Naalakkersuisoq, Mimi Karlsen oqaaseqarpoq.
Isumaginninnermi Aqutsisoqarfik upalungaarsimanikkut piareersimavoq, tassani tarnip pissusaanik ilisimasalimmit ikiorneqarnissaq periarfissaalluni. Upalungaarsimanermut tunngatillugu apeqqutissaqaruit Isumaginninnermi Aqutsisoqarfimmi immikkoortortaqarfiup pisortaa, Naja Lund Kielsen e-mailianut: nalk@nanoq.gl imaluunniit oqarasuaataanut +299 34 60 54 attaveqarsinnaavutit.
Paasisaqarnerorusukkaanni Meeqqanut, Inuusuttunut Ilaqutariinnullu Naalakkersuisoqarfimmi pisortamut, Kirsten Olesen e-mailianut kiol@nanoq.gl imaluunniit oqarasuaataanut +299 55 32 52 attaveqartoqarsinnaavoq