AtuartigukNunaminertanik inniminnikkanik nalunaarsuiffik (NIN) qarasaasiakkut ajornartorsiuteqarpoq
Nassiussisuuvoq: Aningaasaqarnermut Naligiissitaanermullu Naalakkersuisoqarfik
Innuttaasut oqartussallu maanna Nunaminertanik inniminnikkanik nalunaarsuiffimmut – NIN-imut, nunaminertanik qinnuteqartarfimmut, kommunillu nunaminertanik atugassanngortitsiviannut isersinnaanngillat. Tamanna serverini Naalakkersuisut qarasaasiakkut atortorissaarutaanik ikorfartuisuni ajortoornermik patsiseqarpoq.
Atortorissaarutitigut ajutoornermi maanna nunaminertanut tunngasunik sulianik suliarinnittoqarsinnaananilu, nunaminertanik atugassanngortitsisoqarsinnaanngilaq. Taamattaaq nunaminertanik atuisinnaatitaasut qarasaasiakkut nakkutigineqarsinnaanngillat.
Maannakkuugallartoq qaqugu qarasaasiakkut ajornartorsiutit aaqqinneqarumaanissaat oqaatigineqarsinnaanngikkallarpoq.
Qarasaasiakkut nunaminertanik atugassanngortitanik nalunaarsuiffik qarasaasiakkullu imminut sullissinnaanermut atortorissaarut ajornartorsiuteqarfiupput. Taamaalilluni maannakkut nunaminertamik qinnuteqarnermi qarasaasiakkut immersuiffik nunagis.gl atorneqarsinnaanngikkallarpoq.
Qarasaasiakkut imminut sullinnermut periarfissanut taarsiullugu kommunini pappiaqqanik immersuiffissaqarpoq. Pappiara immersugassiaq kommunimut nassiunneqassaaq, nunaminertamilli atugassanngortitsineq qarasaasiakkut ajornartorsiutit aatsaat aaqqinneqarpata Nunaminertanik inniminnikkanik nalunaarsuiffimmi nalunaarsorneqarsinnaavoq. Pisortatigoortumik nunaminertamik atugassiinerup aatsaat kingusinnerusukkut pinissaa tamatuma nassatarissavaa.
Kommunit aggorneqarnerisa avataanni nunaminertanik qinnuteqaatit (Nuna eqqissisimatitaq) Nuna tamakkerlugu pilersaarusiornermut immikkoortortaqarfimmut Landsplan@nanoq.gl nassiunneqassapput.
Annertunerusumik paasisaqarniarlutit uunga attaveqarit:
Nuna tamakkerlugu pilersaarusiornermut immikkoortortaqarfik Landsplan@nanoq.gl Oqarasuaat: 34 54 15