Atuartiguk
Ukiut marluk sivisuut qaangiunnerani nunatsinni nakorsaaneq Henrik L. Hansen naliliivoq, Nunatsinni tuniluunneq maannamuugallartoq qaangiuttoq. Februarimi tunillaassuuttoqarnerpaasimavoq, aamma piffimmi tassani uninngasut amerlanerpaasimapput. Ullumikkut corona pissutigalugu uninngasoqanngilaq. Tamanna nutaarsiassatsialaavoq, taama oqarpoq Henrik L. Hansen.
Taamaammat Nunatsinni tuniluuttoqalermat suliniutaasimasut maanna aamma unitsittariaqalersut Naalakkersuisut nalilerpaat.
Apriilip aallaqqaataani Nuummi misissuivik matuneqarpoq. Tamatuma kingorna PCR atorlugu misissortinniartut oqarasuaatikkut 34 44 00 aqqutigalugu misissortinnissamut inniminniisalissapput. Inniminniineq piffissami 08.00 – 15.00 akornanni pisinnaavoq. Sineriammi PCR atorlugu misissuinerit najukkami napparsimavinni imaluunniit peqqinnissaqarfinni pisassapput.
PCR atorlugu misissuineq suli inunnut immikkut aarlerinaatilinnut kiisalu nunanut allanut angalaniartut, nunamut tikiffissaminut PCR atorlugu suli piumasaqaateqartunut kisimik misissortinneqartassapput. Naalakkersuisut kaammattuutigaat inuit nunanut allanut angalaniartut nunami tikitassamini piumasaqaatit suunersut misissoqqullugit.
Killilersuut kingulleq tassaavoq nunatsinni najugaqanngitsut Nunatsinnukarniartut tamakkiisumik akiuussusertissimanissaat. Killilersuut tamanna suli 2022-mi juuni aappaata tungaanut atuukkallarpoq.
Coronamik Akiuineq – maannamut iluseqartillugu 2021-mi decembarip qulingani pilersinneqarpoq, 2022-milu juuni 30-ani matuvittussatut naatsorsuutigineqartoq peqqinnissaqarfiup iluani coronamut suliassat tunngassuteqartut patajaallisarnissaanut sulissutigisussaasimavaa. Corona pillugu Paasiniaavik maannamut ulluinnarni nal. 8-miit 16-it tungaanut ammasarpoq.
Ulluinnarni paasissutissat nutaat nunatsinni nakorsaaneqarfimmit nalunaarutigineqartartut ullumikkumiit unitsinneqassapput. Sapaatip akunnera uani COVID-19 pillugu unitsitsisoqanngilaq misissortittullu aamma ikissimaqaat. Immikkut nutaarsiassaqassappat nittartagaq nutarterneqarumaarpoq.
Maanna COVID-19-imik tuniluunneq naammassisutut isigineqarsinnaalermat naatsunnguamik killiffimmik ilisimatitsiisoqassaaq.
Tuniluunnerup ingerlanerani 2022 marsip naanerani PCR atorlugu misissortissimasunit 12.055 tunillatsissimasutut nalunaarsorneqarsimapput. Kisitsini taakkunani kisimi PCR atorlugu misissortissimasuupput. Kisitsisit ataqatigiissaakkamik nalunaarsorneqarsimanngimmata tunillatsissimasut PCR atorlugu nalunaarsorneqarsimasut saniatigut annertunerungaatsiartumik tunillatsittoqarsimavoq. Nunatsinni nakorsaaneqarfiup missingersorpaa innuttaasut amerlanerpaartaat tunillatsissimassasut. Amerlanerpaartaat qaammatini kingullerni pingasuni tunillatsissimapput, tassani tunillaassuuttoq Omikron BA.2 annerpaajusimavoq.
2022 marsip 31-at ilanngullugu COVID tunngavigalugu 191-it unitsinneqarsimapput, taakkualu 14 %-ii COVID-19 pissutigalugu unitsinneqarsimallutik. 191-niit unitsinneqarsimasut, 101-it Nuummi, 20-it Sisimiuni, 13-it Ilulissani, 10-t Aasianni, 9-t Qaqortumi, 9-t Maniitsumi, 8-t Nanortalimmi, 6-t Upernavimmi, 6-t Uummannami, 5-t Paamiuni, 3-t Narsami ataaserlu Qasigiannguani unitsinneqarsimapput.
191-t unitsinneqarsimasut unitsinneqarnerminni agguaqatigiissillugu 52,7-nik ukioqarsimapput. Katillugit meeqqat 18-it inorlugit ukiullit 15-nit COVID-19 pissutigalugu unitsinneqarsimapput - COVID-19-millu peqquteqartumik unitsinneqarsimasoq ukioqqortunerpaaq 96-nik ukioqarsimalluni. Piffissami matumani arnat unitsinneqarsimasut 53 %-iusimapput.
COVID-19-eqarlutik imaluunniit COVID-19 peqqutigalugu 21-it toqusimapput. Toqusimasunit COVID-19 pingaarnertut 47,6 %-ii toqqutigisimavaat. Toqusimasut ukiusa agguaqatigiissinneri 80,3-nik ukioqarput, inuusunnersaq 68-nik ukioqarluni utoqqaanersarlu 92-inik ukioqarluni.
Naak alianaqisumik toqusoqaraluartoq aamma napparsimasoqaraluartoq, Nunatsinni tuniluunnerujussuaq anigorluarneqartoq Naalakkersuisunit isumaqarfigineqarpoq. Ukiuni siullerni marlunni annertuumik tunillaassuuttoqarnerani Nunatsinni annermik tunillaassuisoqarsimanngilaq. 2021-mi juullip tungaanut tunillaassuuttoq Omikron takkummat tunillaassuunnerujussuaq aatsaat takkuppoq tunillaassuunnermilu kingunerluutit isumagisinnaasimavagut. Nunanut allanut sanilliullugu inuuneq tunillaassuunnerup ingerlanerani Nunatsinni nalinginnaanerusumik ingerlasimavoq.
Naalakkersuisut inuit suli kaammattorusuppai tamakkiisumik akiuussusersimanissaanut, aamma pingajussaanik akiuussusertsinnissaanut. Nunatsinni suli tuniluuttoqarpoq aamma tuniluuttoqaleqqinnissaa annertuumik ilimanaateqarmat ukiaaneranut piareersassaagut. Innuttaasut tamarmik tallimmeereersut, naartusut milutsisisullu ilanngullugit, najukkami napparsimavimmi /peqqissaavimmi COVID-19-mut akiuussusernissaanut neqeroorfigineqarput. Inuit 18-nileereersimasut kisimik pingajussaanik akiuussuserneqarnissaanut neqeroorfigineqarput.
Annertunersumik paasisaqarusuttut Naalakkersuisup allattaa Aka Olesen +299 550537 imaluunniit e-mail: akol@nanoq.gl imaluunniit nakorsaaneq Henrik L Hansen, +299 553561 aqqutigalugit attavigisinnaavaat
Taamaammat Nunatsinni tuniluuttoqalermat suliniutaasimasut maanna aamma unitsittariaqalersut Naalakkersuisut nalilerpaat.
Apriilip aallaqqaataani Nuummi misissuivik matuneqarpoq. Tamatuma kingorna PCR atorlugu misissortinniartut oqarasuaatikkut 34 44 00 aqqutigalugu misissortinnissamut inniminniisalissapput. Inniminniineq piffissami 08.00 – 15.00 akornanni pisinnaavoq. Sineriammi PCR atorlugu misissuinerit najukkami napparsimavinni imaluunniit peqqinnissaqarfinni pisassapput.
PCR atorlugu misissuineq suli inunnut immikkut aarlerinaatilinnut kiisalu nunanut allanut angalaniartut, nunamut tikiffissaminut PCR atorlugu suli piumasaqaateqartunut kisimik misissortinneqartassapput. Naalakkersuisut kaammattuutigaat inuit nunanut allanut angalaniartut nunami tikitassamini piumasaqaatit suunersut misissoqqullugit.
Killilersuut kingulleq tassaavoq nunatsinni najugaqanngitsut Nunatsinnukarniartut tamakkiisumik akiuussusertissimanissaat. Killilersuut tamanna suli 2022-mi juuni aappaata tungaanut atuukkallarpoq.
Coronamik Akiuineq – maannamut iluseqartillugu 2021-mi decembarip qulingani pilersinneqarpoq, 2022-milu juuni 30-ani matuvittussatut naatsorsuutigineqartoq peqqinnissaqarfiup iluani coronamut suliassat tunngassuteqartut patajaallisarnissaanut sulissutigisussaasimavaa. Corona pillugu Paasiniaavik maannamut ulluinnarni nal. 8-miit 16-it tungaanut ammasarpoq.
Ulluinnarni paasissutissat nutaat nunatsinni nakorsaaneqarfimmit nalunaarutigineqartartut ullumikkumiit unitsinneqassapput. Sapaatip akunnera uani COVID-19 pillugu unitsitsisoqanngilaq misissortittullu aamma ikissimaqaat. Immikkut nutaarsiassaqassappat nittartagaq nutarterneqarumaarpoq.
Maanna COVID-19-imik tuniluunneq naammassisutut isigineqarsinnaalermat naatsunnguamik killiffimmik ilisimatitsiisoqassaaq.
Tuniluunnerup ingerlanerani 2022 marsip naanerani PCR atorlugu misissortissimasunit 12.055 tunillatsissimasutut nalunaarsorneqarsimapput. Kisitsini taakkunani kisimi PCR atorlugu misissortissimasuupput. Kisitsisit ataqatigiissaakkamik nalunaarsorneqarsimanngimmata tunillatsissimasut PCR atorlugu nalunaarsorneqarsimasut saniatigut annertunerungaatsiartumik tunillatsittoqarsimavoq. Nunatsinni nakorsaaneqarfiup missingersorpaa innuttaasut amerlanerpaartaat tunillatsissimassasut. Amerlanerpaartaat qaammatini kingullerni pingasuni tunillatsissimapput, tassani tunillaassuuttoq Omikron BA.2 annerpaajusimavoq.
2022 marsip 31-at ilanngullugu COVID tunngavigalugu 191-it unitsinneqarsimapput, taakkualu 14 %-ii COVID-19 pissutigalugu unitsinneqarsimallutik. 191-niit unitsinneqarsimasut, 101-it Nuummi, 20-it Sisimiuni, 13-it Ilulissani, 10-t Aasianni, 9-t Qaqortumi, 9-t Maniitsumi, 8-t Nanortalimmi, 6-t Upernavimmi, 6-t Uummannami, 5-t Paamiuni, 3-t Narsami ataaserlu Qasigiannguani unitsinneqarsimapput.
191-t unitsinneqarsimasut unitsinneqarnerminni agguaqatigiissillugu 52,7-nik ukioqarsimapput. Katillugit meeqqat 18-it inorlugit ukiullit 15-nit COVID-19 pissutigalugu unitsinneqarsimapput - COVID-19-millu peqquteqartumik unitsinneqarsimasoq ukioqqortunerpaaq 96-nik ukioqarsimalluni. Piffissami matumani arnat unitsinneqarsimasut 53 %-iusimapput.
COVID-19-eqarlutik imaluunniit COVID-19 peqqutigalugu 21-it toqusimapput. Toqusimasunit COVID-19 pingaarnertut 47,6 %-ii toqqutigisimavaat. Toqusimasut ukiusa agguaqatigiissinneri 80,3-nik ukioqarput, inuusunnersaq 68-nik ukioqarluni utoqqaanersarlu 92-inik ukioqarluni.
Naak alianaqisumik toqusoqaraluartoq aamma napparsimasoqaraluartoq, Nunatsinni tuniluunnerujussuaq anigorluarneqartoq Naalakkersuisunit isumaqarfigineqarpoq. Ukiuni siullerni marlunni annertuumik tunillaassuuttoqarnerani Nunatsinni annermik tunillaassuisoqarsimanngilaq. 2021-mi juullip tungaanut tunillaassuuttoq Omikron takkummat tunillaassuunnerujussuaq aatsaat takkuppoq tunillaassuunnermilu kingunerluutit isumagisinnaasimavagut. Nunanut allanut sanilliullugu inuuneq tunillaassuunnerup ingerlanerani Nunatsinni nalinginnaanerusumik ingerlasimavoq.
Naalakkersuisut inuit suli kaammattorusuppai tamakkiisumik akiuussusersimanissaanut, aamma pingajussaanik akiuussusertsinnissaanut. Nunatsinni suli tuniluuttoqarpoq aamma tuniluuttoqaleqqinnissaa annertuumik ilimanaateqarmat ukiaaneranut piareersassaagut. Innuttaasut tamarmik tallimmeereersut, naartusut milutsisisullu ilanngullugit, najukkami napparsimavimmi /peqqissaavimmi COVID-19-mut akiuussusernissaanut neqeroorfigineqarput. Inuit 18-nileereersimasut kisimik pingajussaanik akiuussuserneqarnissaanut neqeroorfigineqarput.
Annertunersumik paasisaqarusuttut Naalakkersuisup allattaa Aka Olesen +299 550537 imaluunniit e-mail: akol@nanoq.gl imaluunniit nakorsaaneq Henrik L Hansen, +299 553561 aqqutigalugit attavigisinnaavaat