AtuartigukRuslandip pillaatitut iliuuseqarfigineqarnissaanut Kalaallit Nunaat ilannguppoq
Nassiussisuuvoq: Naalakkersuisut Siulittaasuata Naalakkersuisoqarfia
Sisamanngornermi februaarip ulluisa 24-anni EU-mi nunat naalakkersuisuisa siulittaasui Bruxellesimi immikkut ittumik ataatsimiipput, ataatsimiinnermilu nunat isumaqatigiissutigaat Ruslandi arlariinnik pillaatitut iliuuseqarfigineqassasoq. Pillaatitut iliuuserineqartussat tamakku USA-mit, Canadamit, Norgemit, Japanimit, Korea Kujallermit, Australiamit aamma Tuluit Nunaannit ataqatigiissaarneqarput. Kalaallit Nunaata pillaatitut iliuuserineqartussat ilannguffigisassai ilaatigut Ruslandimi aningaasaqarnermut, nukissiornermut assartuinermullu tunngasuupput.
Naalakkersuisut Siulittaasuat Múte Bourup Egede oqarpoq: ”Ruslandip Ukrainep innuttaasuinut qanoq iliuusii assuarilluinnarpakka. Taamaaliorneq innimiilliorneruvoq, taamaattumillu Ukrainep innuttaasuinik sutigut tamatigut peqatiginninnerput takutissavarput nunat tamat Ruslandimut pillaatitut iliuuserisassaannut ilanngunnitsigut.”
Nunat EU-miittut pillaatitut iliuuserisassaat arfinilinnut ukuusunut avinneqarput:
1) Aningaasaqarnikkut pillaatitut iliuuserineqartussanut
2) Nukissiornermut
3) Assartuinermut
4) Tunisanik nakkutilliinermut aningaasaliinermullu
5) Aallartitat (diplomatit) visumeqaratik isersinnaanerannut
6) Inunnut ataasiakkaanut pillaatitut iliuuserineqartussanut
Pillaatitut iliuuserineqartussat pillugit paasissutissat amerlanerusut Nunanut Allanut Ministereqarfiup nittartagaani atuarneqarsinnaapput, www.um.dk
Ruslandimut angalaniaraanni angalanissamut ilitsersuut: Rusland (um.dk)
Ukrainemi pisut kingulliit: Ukraine (um.dk)
Naalakkersuisut Siulittaasuat Múte Bourup Egede oqarpoq: ”Ruslandip Ukrainep innuttaasuinut qanoq iliuusii assuarilluinnarpakka. Taamaaliorneq innimiilliorneruvoq, taamaattumillu Ukrainep innuttaasuinik sutigut tamatigut peqatiginninnerput takutissavarput nunat tamat Ruslandimut pillaatitut iliuuserisassaannut ilanngunnitsigut.”
Nunat EU-miittut pillaatitut iliuuserisassaat arfinilinnut ukuusunut avinneqarput:
1) Aningaasaqarnikkut pillaatitut iliuuserineqartussanut
2) Nukissiornermut
3) Assartuinermut
4) Tunisanik nakkutilliinermut aningaasaliinermullu
5) Aallartitat (diplomatit) visumeqaratik isersinnaanerannut
6) Inunnut ataasiakkaanut pillaatitut iliuuserineqartussanut
Pillaatitut iliuuserineqartussat pillugit paasissutissat amerlanerusut Nunanut Allanut Ministereqarfiup nittartagaani atuarneqarsinnaapput, www.um.dk
Ruslandimut angalaniaraanni angalanissamut ilitsersuut: Rusland (um.dk)
Ukrainemi pisut kingulliit: Ukraine (um.dk)