Atuartiguk”Silasisa Iliuuseqarlutalu” meeqqat atuarfiini aalajangersumik ilinniartitsissutinngorpoq
Nassiussisuuvoq: Nunalerinermut, Imminut Pilersornermut, Nukissiutinut Avatangiisinullu Naalakkersuisoqarfik
Ilinniartitsissut ”Silasisa iliuuseqarlutalu” nunarsuarmi Issittumilu meeqqat pisinnaatitaaffiinut silallu pissusiata allanngoriartorneranut tunngasoq Namminersorlutik Oqartussanut tunniunneqarpoq. Taamaalilluni meeqqat atuarfianni ilinniartitsissutitut siunissami aalajangersimasumik atorneqarsinnaassalluni. Tunniussinermi Ilinniartitaanermut Naalakkersuisoq Peter Olsen aamma Nunalerinermut, Imminut Pilersornermut, Nukissiutinut Avatangiisinullu Naalakkersuisoq Kalistat Lund peqataapput.
Suliniut “Silasisa iliuuseqarlutalu" Extreme-Ep aamma UNICEF-ip qanimut suleqatigiinnerisigut suliamut attuumassuteqartut peqataatillugit pilersinneqarpoq.
Ilinniartitsissut nunatsinni atuarfinni 28-ni klassini 100-t sinnerlugit silap pissusiata allanngoriartornera pillugu 2021-mi ukiakkut sapaatip akunnerani sammisaqartitsinermi peqataaneranni atorneqarpoq. Atuarfiit atuartitsinermi pilersaarutiminni naleqqussaariarlutik iluatsitsiviusumik maannakkut ingerlatseqqiisinnaalerput.
”Meerartatta inuusuttortattalu silap pissusiata allanngoriartornera pillugu ilikkagaqarnissaat pingaaruteqartorujussuuvoq, taamaammat ilinniartitsissutip Namminersorlutik Oqartussanut maanna tunniunneqarnera iluartorujussuuvoq. Inuusuttut kajumissuseqarnerat aamma sapaatip akunnerani sammisaqartitsiviusumut silap pissusaata allanngoriartornera pillugu ukiaq ingerlanneqartumut atatillugu silap pissusaanut ajoqutaanngitsunik aaqqiissutissatut isumassarsiarisaat tusarnaarlugit nuannerpoq”, Nunalerinermut, Imminut Pilersornermut, Nukissiutinut Avatangiisinullu Naalakkersuisoq Kalistat Lund oqarpoq.
Sapaatip akunnera sammisaqartitsiviusoq UNICEF Kalaallit Nunaat aamma Ilinniartitaanermut Aqutsisoqarfiup qanimut suleqatigiinnerisigut aaqqissuunneqarpoq, Nukissiorfiillu sapaatip akunnerani suliaqarnermut tapersiipput.
"Ilinniartitsissut ilinniartitsinermi videonik pissutsinik takutitsisunik soqutiginartunillu ilalik pitsaalluinartuuvoq. UNICEF aamma Extreme-E ilinniartitsissummik tunniussinerannik qutsavigerusuppakka. Meeqqat inuusuttullu ilinniartitsissummik siunissami iluaquteqarnissaat aamma nuannersuuvoq”, Ilinniartitaanermut, Kultureqarnermut, Timersornermut Ilageeqarnermullu Naalakkersuisoq Peter Olsen oqarpoq.
Tunniussineq aamma Maliina Abelsenip, UNICEF-imi pilersaarusiornermut pisortap nuannaarutigaa.
“Ukiaq sapaatip akunnerani sammisaqartitsinermi sammisami taamatut pingaaruteqartigisumi silap pissusiata allanngoriartorneratut ittumi ilinniartitsisut atuartullu taama amerlatigisut peqataammata naammagisimaarutigisorujussuuarput ajasoorutigalugulu. Ilinniartitsissut annertooq sapaatip akunnerani sammisaqartitsinissamut suliarineqartoq maanna tunniussinnaagatsigu nuannaarutigisorujussuuarput, taamaalilluta meeqqat inuusuttullu silap pissusiata allanngoriartornera pillugu siunissami ilisimasaqalernissaat oqariartuutaasalu tusarnissaat qulakkeerpagut”, Maliina Abelsen oqarpoq.
UNICEF aamma Ilinniartitaanermut Aqutsisoqarfik sapaatip akunnerani sammisaqartitsinermi siullermi misilittagaqalernikkut kissaatigaat “Silasisa iliuuseqarlutalu” ukiut tamaasa ingerlanneqartalissasoq, taamaalilluni meeqqat inuusuttullu suli amerlanerit silap pissusiata allanngoriartornera aamma Kalaallit Nunaannut nunatsinnilu innuttaasunut kingunissai pillugit ilikkagaqarniassammata.
Ilinniartitsissummi ilaapput ilinniartitsisunut ilitsersuut atuartunullu kakkersagaq. Ilinniartitsissummut atuartitsinermi videot arfineq-pingasunik suliarineqarnikuupput.
Attavissat:
Nunalernermut, Imminut Pilersornermut, Nukissiutinut Avatangiisinullu Naalakkersuisoqarfimmi pisortaq Mette Skarregaard Pedersenimut pan@nanoq.gl oqarasuaat 529844
Naalakkersuisup allattaa Paninnguaq Steenholdtimut pslt@nanoq.gl
Suliniut “Silasisa iliuuseqarlutalu" Extreme-Ep aamma UNICEF-ip qanimut suleqatigiinnerisigut suliamut attuumassuteqartut peqataatillugit pilersinneqarpoq.
Ilinniartitsissut nunatsinni atuarfinni 28-ni klassini 100-t sinnerlugit silap pissusiata allanngoriartornera pillugu 2021-mi ukiakkut sapaatip akunnerani sammisaqartitsinermi peqataaneranni atorneqarpoq. Atuarfiit atuartitsinermi pilersaarutiminni naleqqussaariarlutik iluatsitsiviusumik maannakkut ingerlatseqqiisinnaalerput.
”Meerartatta inuusuttortattalu silap pissusiata allanngoriartornera pillugu ilikkagaqarnissaat pingaaruteqartorujussuuvoq, taamaammat ilinniartitsissutip Namminersorlutik Oqartussanut maanna tunniunneqarnera iluartorujussuuvoq. Inuusuttut kajumissuseqarnerat aamma sapaatip akunnerani sammisaqartitsiviusumut silap pissusaata allanngoriartornera pillugu ukiaq ingerlanneqartumut atatillugu silap pissusaanut ajoqutaanngitsunik aaqqiissutissatut isumassarsiarisaat tusarnaarlugit nuannerpoq”, Nunalerinermut, Imminut Pilersornermut, Nukissiutinut Avatangiisinullu Naalakkersuisoq Kalistat Lund oqarpoq.
Sapaatip akunnera sammisaqartitsiviusoq UNICEF Kalaallit Nunaat aamma Ilinniartitaanermut Aqutsisoqarfiup qanimut suleqatigiinnerisigut aaqqissuunneqarpoq, Nukissiorfiillu sapaatip akunnerani suliaqarnermut tapersiipput.
"Ilinniartitsissut ilinniartitsinermi videonik pissutsinik takutitsisunik soqutiginartunillu ilalik pitsaalluinartuuvoq. UNICEF aamma Extreme-E ilinniartitsissummik tunniussinerannik qutsavigerusuppakka. Meeqqat inuusuttullu ilinniartitsissummik siunissami iluaquteqarnissaat aamma nuannersuuvoq”, Ilinniartitaanermut, Kultureqarnermut, Timersornermut Ilageeqarnermullu Naalakkersuisoq Peter Olsen oqarpoq.
Tunniussineq aamma Maliina Abelsenip, UNICEF-imi pilersaarusiornermut pisortap nuannaarutigaa.
“Ukiaq sapaatip akunnerani sammisaqartitsinermi sammisami taamatut pingaaruteqartigisumi silap pissusiata allanngoriartorneratut ittumi ilinniartitsisut atuartullu taama amerlatigisut peqataammata naammagisimaarutigisorujussuuarput ajasoorutigalugulu. Ilinniartitsissut annertooq sapaatip akunnerani sammisaqartitsinissamut suliarineqartoq maanna tunniussinnaagatsigu nuannaarutigisorujussuuarput, taamaalilluta meeqqat inuusuttullu silap pissusiata allanngoriartornera pillugu siunissami ilisimasaqalernissaat oqariartuutaasalu tusarnissaat qulakkeerpagut”, Maliina Abelsen oqarpoq.
UNICEF aamma Ilinniartitaanermut Aqutsisoqarfik sapaatip akunnerani sammisaqartitsinermi siullermi misilittagaqalernikkut kissaatigaat “Silasisa iliuuseqarlutalu” ukiut tamaasa ingerlanneqartalissasoq, taamaalilluni meeqqat inuusuttullu suli amerlanerit silap pissusiata allanngoriartornera aamma Kalaallit Nunaannut nunatsinnilu innuttaasunut kingunissai pillugit ilikkagaqarniassammata.
Ilinniartitsissummi ilaapput ilinniartitsisunut ilitsersuut atuartunullu kakkersagaq. Ilinniartitsissummut atuartitsinermi videot arfineq-pingasunik suliarineqarnikuupput.
Attavissat:
Nunalernermut, Imminut Pilersornermut, Nukissiutinut Avatangiisinullu Naalakkersuisoqarfimmi pisortaq Mette Skarregaard Pedersenimut pan@nanoq.gl oqarasuaat 529844
Naalakkersuisup allattaa Paninnguaq Steenholdtimut pslt@nanoq.gl